رواية ياسمين الفصول من 18-22

الغير مقصود و 
أهلا في حجز بأسم إبراهيم الجبالي
آه
ثم نظرت للحاسوب و 
دكتور منصف في انتظارك في غرفته الأول قبل ما ننقل المړيض لغرفته
وزع إبراهيم نظراته عليهم قبل أن يتسائل 
غرفة لأيه بالظبط
ثواني ياعمي
ثم أخرج هاتفه و 
تواصلي مع دكتور منصف وبلغيه إني جيت
رفعت سماعة الهاتف وهي تخفض نظراتها التي شبعت من النظر المعجب إليه بينما تصفح هو هاتفه يبحث عن أحد الأرقام لشخص ما يحتاجه الآن.. حتى قطعت الفتاة تركيزه قائلة 
أتفضل الدكتور في انتظارك
طوقه يونس بذراعه و 
يلا بينا ياعمي أنا حجزت لك غرفة ترتاح فيها لحد ما نخلص اللي ورانا هنا.. هتفضل فيها مؤقتا
دلف معه للمصعد الكهربي وقاده نحو غرفة الطبيب مباشرة والذي كان ينتظرهم منذ الصباح بعدما أبلغه يونس بتفاصيل الحالة أمس.
جلس إبراهيم وقد شعر بشئ مريب حتى أفاض الطبيب وبصراحة مطلقة 
متقلقوش مجرد ما نتوصل لنتيجة التحاليل والآشعة ونعرف المرحلة اللي احنا فيها هنبدأ فورا بالعلاج الكيماوي
وقف إبراهيم متشنجا فجأة وهو ينظر ب اتجاه يونس الذي خدعه قائلا إنها مجرد فحوصات للإطمئنان على صحته وإلى أي مرحلة وصل.. رمقه مذهولا ونظراته مزجت بين الڠضب والضيق وهو يردف بتعند واضح 
كيماوي إيه يايونس مين قالك إني هتعالج كيماوي!! أنا مش ھموت نفسي بنفسي
ف تدخل الطبيب بدوره لتوضيح دول العلاج الفعال في حالات الأمراض السړطانية 
العلاج ده أسلم حل ياأستاذ إبراهيم متهيألي إنك وصلت لمرحلة متأخرة مش هينفع معاها تدخل جراحي لازم علاج كيماوي ونبدأ في الحال
لأ
قالها بنبرة مرتفعة متشددا برأيه ف بادر يونس موجها حديثه للطبيب 
ممكن تسيبنا دقيقتين يادكتور
أومأ منصف رأسه وهو يسير نحو باب الخروج وقبل أن يبدأ يونس مناقشته وإقناعه كان إبراهيم يقطع عليه هذا الطريق 
ريح نفسك أنا طاوعتك وجيت هنا.. لكن علاج وقاعدة في المستشفى مش هيحصل
ف دخل يونس له من ثغرته الوحيدة نقطة ضعفه التي لن يقو على مقاومتها وقال مستنجدا ب ذكر ملك 
وملك عايز تسيبها لمين! ليا!!
رمقه إبراهيم بنظرة حزينة نجمت عن شعوره بالذنب العظيم حيالها بعد كل ما عاشته على مرأى ومسمع منه وقبل أن يجيب كان يونس يقاطعه متابعا بنبرة معاتبة 
أنت أولى تكون جمبها ياعمي بلاش تضطرني أعمل حاجه ممكن تزعلك مني
قطب إبراهيم جبينه ب حزم بعد ټهديد يونس له و 
انت بتهددني ولا إيه يايونس!
ف لطف يونس من نبرته وهو يجيب 
آه لو مبدأتش علاج ياعمي أنا هقول لملك على كل حاجه هقولها إنك بتعاني من سړطان في مراحل متأخرة ورافض حتى محاولة العلاج.. هخليها تعيش الۏجع مرتين ۏجع الخۏف وۏجع الفقد.. والأتنين أسوأ من بعض
ثم تنهد وختم قوله ب 
سامحني بس انت مسبتش حل تاني ليا أقدر ألجأ ليه.. القرار في إيدك ياعمي
كل كيانه وتفكيره الآن منصب على ابنته الوحيدة فلذة كبده التي لا يملك غيرها.. تلك التي لم ترى سوى الظلم والقهر على يديه قبل أيادي من يدعى زوجها والتي حرمها أبسط حقوقها في الحياة مدعيا الحفاظ عليها بينما هي عقدته النفسية التي ترعرعت في قلبه معها في كل يوم تكبر هي تتضاعف عقدته خوفا من تشبهها بتلك الخائڼة التي ډفنها بيده.
لم ينفع ندمه وكيف ينفع بعد إفنائها بعد إستهلاك روحها اليافعة لتصبح مجرد قلب يحمل بداخله مقپرة.
............................................................................
إنك ترى الآن بصورة صحيحة كأنه مشهد تعودت عيناك على رؤيته مع أطفال صغار ولكن الآن يحدث مع ذلك الطويل الفارع صاحب البنية الجسمية القوية.
كانت كاريمان تجذب يزيد من أذنه بأصبعيها متعمدة إيلامه بينما هو منحني عليها برأسه وهو يتآوه مټألما والإنزعاج باديا عليه.
ضړبت كاريمان ساقه بطرف عكازها وصاحت بجوار أذنه 
بعد كده لما تحب تهرب من نينة أعرف إنها هتقدر تطولك تاني.. سمعتني ياإبن حسن
حاول يزيد أن يتخلص من أصابعها الحادة التي تمسك بأذنه وهو يبرر 
شغل يانينة شغل هو أنا هفضل مقطوعلك طول اليوم
ف صاحت به وهي تهز رأسه 
Kes sesini. أخرس
إيه ألفاظ الشوارع دي ياولد مقطوع ومش مقطوع! أنت اتربيت فين!! أبوك حسن كان سايبك في الشارع edepsiz قليل الأدب 
ف ألصق يزيد يديه سويا وهو يعتذر منها كي تتركه 
özür dilerim أعتذر
تركته وهي تنظر إليه بصرامة جمعت بين جمالها وحنوها وامتعاضها من تجاهله الدائم لها.. نظرت ل أذنه بينما كان يفركها پتألم و 
أنت لازم تتجوز مينفعش تفضل صايع كده كل يومين مع واحدة دي مش أخلاق
قهقه يزيد بصوت مرتفع وكادت عيناه تدمع من فرط الضحك ثم نظر نحوها ومازالت نوبة الضحك تعتريه 
أتجوز!! تاني
رمقته ب احتقان بينما كان يتابع هو نوبة الضحك الهيستيري التي لم يستطع التغلب عليها و 
كنت حاسس إنك هتقولي كده والله
وفجأة توقف عن الضحك كأنه لم يضحك أبدا ولم يترك على وجهه أي أثر لذلك وهو يقول بجدية شديدة 
أنسي يانينة إنك تورطيني ورطة زي دي أنسي
استمع يزيد لصوت يونس بالخارج ف دنى يزيد من جدته التي كانت على وشك الصياح فيه ووضع يده على وجنتها يداعبها ويدللها وهو يقول بصوت منخفض 
نينة ياحببتي ياعسلية أنتي.. بلاش تفتحي سيرة الجواز دي قدام يونس هه
دفعت يده عنها وهي تقول 
عشان عارف إنه الوحيد اللي بيأثر عليك مش كده!
دلف يونس إليهما وهو يقول 
Günaydın صباح  الخير
ومر من جوار شقيقه يزيد الذي همس له 
ما تتكلم عدل يابني بقى! محدش قواها علينا غيرك
انحنى يونس يقبل يدها و قال بصوت منخفض 
معايا ضيفة صاحبة ملك.. جبتها عشان تشوفها وتتكلم معاها وتفك عنها شوية
أومأت كاريمان رأسها بتفهم و 
كويس هي محتاجة حد قريب منها
حمحم يونس قبل أن ينادي 
آ... أنسه نغم!
دخلت نغم بترقب وهي تنظر حولها بتوتر كونها تدخل لأول مرة إلى مكان گهذا.. ضبطت تعابير وجهها وانفعالاتها وهي تبتسم في وجه تلك الوقور الجميلة و 
صباح الخير
ف بادلتها كاريمان الإبتسام و 
صباح النور تعالي ياحببتي.. نورتي
صافحتها نغم بحرارة و 
رينا يخليكي ده نور حضرتك
ثم سألت بتلهف 
ملك عامله إيه دلوقتي 
ابتعد يزيد قليلا عنهم وهو لا يطيق هذا الحديث الذي يراه متكلفا أكثر من المعتاد ف لحقت به كاريمان قبل أن ينصرف من أمامها خلسة وقالت 
يزيد! تعالى هنا
عض يزيد على شفتيه بسخط والټفت إليها بينما قالت هي ونظرات الجميع عليه هو 
أنا لسه مقولتش تمشي فاكرني مش شيفاك!
ف شبك يزيد ذراعيه خلف ظهره وقال ب اقتضاب 
ماشي
أشارت نحو ذراعيه بعكازها و 
نزل إيدك دي وانت بتكلمني
ابتسمت نغم بدون أن تصدر صوتا ليلمح هو طيف تلك الضحكة التي أججت من غيظه بينما أنضبط هو في وقفته و 
حاضر
ف قرر يونس أن يسحب نغم من جلسة التأديب تلك خاصة بعدما رأى نظرة الشماتة في عيناها كي لا ترى شقيقه في حالة مزدرية أكثر من ذلك 
طب أنا هطلع نغم عند ملك وهنزل تاني
ف فرك يزيد ذقنه وهو يؤيد شقيقه 
ياريت بسرعة عشان مش قادر
اصطنع يزيد إبتسامة وهو ينظر لجدته.. ف رن هاتفه فجأة أخرجه متعجلا وأجاب على الفور 
ألو أيوة ياسيف
حدقت عيناه فجأة وقال ببعض الإنفعال 
إيه!! أمتى ده حصل!!.. ومين كسر الخزنة بتاعتي!
ثم نظر ل كاريمان و 
مصېبة يانينة مصېبة
وتحرك من أمامها مسرعا ف صاحت فيه 
ياكذاب
خرج من غرفة الجلوس بسرعة بينما كان سيف يتحدث إليه متعجبا و 
خزنة إيه يامستر يزيد! بقولك متنساش معاد ال meeting النهاردة مع Herr Frank سيد فرانك
أخفض يزيد صوته و 
خلاص فهمت ياغبي كنت في مأزق وبخرج نفسي منه
كان خديجة تمر من أمامه ف أشار لها قبل أن يعاود متابعة مكالمته  
فنجان قهوة مظبوط على كيفك والنبي ياديچا
حاضر من عنيا
فتح يونس الباب بعد أن طرق عليه نظر بنصف عين لئلا تكون في وضع لا يسمح له برؤيتها ولكنها لم تكن موجودة على الفراش انقبض قلبه وهو يفتح الباب على مصرعيه وصاح مناديا 
ملك!!
أنا هنا
كانت واقفة أمام الشرفة على ساقها مستندة على عكاز أرسلت الجدة كاريمان لإحضاره لها منذ البكور كي تعتاد على الوقوف.. تنفس يونس ببعض الراحة وهو يدنو منها موفضا وسأل بقلق 
أنتي واقفة على رجلك ليه مش الدكتور قالك ترتاحي!
وأمسك برسغها بينما كان القلق عليها في عيناه جليا توترت وهو يمسك بيدها هكذا ولكن النظر في عيناه العسلية في ضوء النهار الساطع هكذا أربكتها وجعلتها تنسى أي شعور آخر وهي تجيبه 
أنا زهقت من السرير ونينة بعتت جابتلي عكاز عشان أبدأ اتحرك شوية وأمرن رجلي على المشي
ف أجلسها وسحب العكاز من يدها لتستند عليه بدلا منها وقال 
أقعدي طيب في حد عايز يشوفك
مين
ف صاح يونس 
أدخل
أظهرت نغم رأسها أولا ف كادت ملك تنتفض من جلستها لولا كفي يونس اللذان كانوا على كتفيها لمنع أي حركة متهورة كأنه كان متوقع ذلك منها في حين أن نغم أوفضت نحوها وعانقتها متحاشية أي ضغط عليها كي لا تؤلمها بينما تنفست ملك رائحة صديقتها ف ارتاحت قليلا و 
آآه يانغم وحشتيني أوي
رفعت ملك بصرها الممتن نحوه و 
مش عارفه أشكرك ازاي
متشكرنيش أنا عارف إنك كنتي محتاجاها
ثم تحرك ليغادر الغرفة تاركا لهم مزيد من الحرية وأغلق عليهم الباب ف أردفت نغم على الفور 
كلمني من تليفون عمو إبراهيم سألني عن العنوان وطلب مني ياخدني عشان آجي أقعد معاكي شوية
أشرق وجه ملك قليلا رغم بروز شحوبه وضعفه وهي تنظر لرفيقة عمرها الوحيدة وأردفت 
الحمد لله إنك جيتي الحقيقة نينة كاريمان مش محسساني بالوحدة خالص بس انا حاسة إني محتاجة حد مني
وأمسكت يدها تضغط عليها 
عايزة أعيط ومش عارفه مخڼوقة من جوايا وفي حاجه كاتمة على صدري.. حاسه إني ھموت
ف وبختها نغم وقد تقلصت تعابير وجهها 
بعد الشړ متقوليش كده
ومسحت على وجهها برفق 
كل ده هيعدي ربنا مش هيسيبك لوحدك
ثم أخفضت صوتها وهي تتابع 
أنا حاسه إن ابن عمك عمره ما هيسيبك في كل من غير لما يساعدك.. هو الوحيد اللي هيجيبلك حقك بجد
نظرت ملك في الفراغ وهي تتذكر حديثهم