رواية شيماء كاملة

الطماطم منذ ثلاث ساعات و قبل أن تفتح فمها بكلمة واحدة حرك رأسه مردفا بتأكيد
_ أيوة أنا يا شوكولاتة طبعا مش عارفة تتكلمي هشيل اللاصق... بس مش عايز دوشة فاهمة.
أومأت برأسها عدة مرات أخذ نفس عميق يعود به إلى رشده ثم عاد للخلف مردفا بكبرياء
_ أنا فاروق المسيري.
شهقت بعدم تصديق قائلة
_ أنت الحرامي أخو الست جليلة آه يا موكوس بقى ليك عين تتكلم بكل غرور.. اتكسف من خيبتك.
الصدمة تلك
المرة كانت من
حظه هو لأول مرة يرى امرأة مثلها و بطريقة حديثها الغير لائقة على لقبها المفضل لديه شوكولاتة جذبته أكثر مردفا
_ الأحسن ليكي انسي كلامك يا روحي عشان رد فعلي مش هيعجبك خالص.
بغيظ شديد سألته
_شايف الشبشب إللي في رجلي ده يا فاروق بيه
أومأ لها بابتسامته الأكثر من مستفزة
لتكمل حديثها پغضب
_ هينزل يزغرط على وشك لو بس فكرت تقرب خطوة كمان سحبت الأكسجين كله في إيه يا جدع اختشي.
قطع المسافة البسيطة الموضوعة بينهما ليدلف أكبر قدر من عطره بأعماق صدرها و باليد الأخري يعبث بخصلاتها الغجرية السوداء هامسا بصوت خشن
_ عارفة يا شوكولاته أنتي محتاجة من فاروق المسيري بعدها هتبقي شوكولاته بالمكسرات و أنا يا ستي موافق أديكي ...
قلبه لأول مرة
يطلب منه تنفيذ ما قاله و عقله رفض ما يحدث بشكل كبير رغم تأثيرها عليه بداخله رغبه جامحة لو تركها سيجعل منها بقايا أنثى.
لمعت عينيه ببريق مختلف مع صوتها المرتفع و أمثالها الشعبية اللذيذة
_ لا بقولك ايه يا جدع أنت اختشي عيب على سنك و البدلة اللي لابسها دي ارجع خطوة لورا كدة و أدي للشيطان اللي بيلعب في دماغك بالشبشب.
عاد إلى مقعده بهدوء يضع ساق فوق الآخر و يريح نفسه على المقعد أكثر..
_ مستعد أدفع ليكي عشرين مليون جنيه مقابل خدمة بسيطة. رأيك إيه يا شوكولاتة!
______ شيماء سعيد ______
استغفروا لعلها ساعة استجابة 
النسمة الخامسة 
بداية_الرياح_نسمة 
حي_المغربلين 
الفراشة_شيماء_سعيد
بعد مرور أسبوع يوم خطوبة عابد و فريدة.
في شقة الحاج منصور غرفة عابد.
انتهى من إرتداء بدلته السوداء فاليوم يوم عيده كما يقولون أخيرا أخذ أول خطوة بطريق سعادته خاتمه و صك ملكيته سيكون اليوم بين أحضان أصابعها الرقيقة.
أخذ عطره المفضل لديها كما قالت له كثيرا و بدأ يمطر به على ملابسه من أول نظرة أحبها و الآن متيم بعشق مميز مثل رائحة الفاكهة النابعة منها أخذ يدندن ببعض النغمات المعبرة عن انتصاره و فوزه بحبها
_ أهو جه اليوم اللي بتمناه و اللي هبقى معاه و اللي بحلم بيه..
فصل خلوته اللذيذة عمله الأسود بالحياة أخيه مالك الصغير مثل عادته يدلف لأي مكان بكل فوضى و مرح
_ يا عريس يا عريس مبروك يا كبير أخبارك ايه بقى.
ألقى عليه نظره مستفزة قبل أن يأخذه من ملابسه خارج الغرفة قائلا بسخرية
_ كنت كويس لحد ما شوفت وشك اليوم قفل على كده غور من هنا ياض.
أبعد مالك يد عابد بغرور مردفا
_ حاسب بس لحسن البدلة تبوظ و أنا أصلا استعرتها من الدولاب من عندك..
ابتسم عابد پغضب قائلا و هو يصفعه على رأسه
مش عايز مشاكل عند الناس أنا عرفكم خلفة و بصراحة بقى متشرفوش.
أجابه مالك بإبتسامه مشاكسة قبل أن يفر من المكان صاعدا لشقة جليلة
_ عندك حق يا حاج مش عارف ليه تجوزه ده يقطع علاقتك بجيران السعد..
______شيماء سعيد______
بالمشفي التي يقيم بها فارس المهدي اجتمعت عائلة المهدي بالصعيد مع حشد كبير من النجوم و رجال الأعمال مع الصحافة و الإعلام بالمكان تحت عنوان بظروف غامضة يصاب النجم فارس المهدي من شخص مجهول الهوية و الاحتمال الأكبر أنها فتاة ..
بالغرفة كان متسطح على الفراش و عينيه شاردة بملامحها البسيطة الساكنة برأسه ربما لم يراها بشكل جيد إلا أنه وقع بغرامها و أعترف لنفسه بذلك.
تعلق بها بليلة أخذ بها أكبر ذنب بحياته هو دائما تحت الأضواء و رأى الكثير و الكثير من الفتيات الجميلة إلا أن تلك الفتاة مختلفة مثل اختلاف
الليل و النهار.
توقع عند استيقاظها الكثير من ردود الفعل إلا الهروب و ترك كل شيء خلفها ببساطة تخيل طلبها للزواج منه حتى يصلح ما أفسده كان سيوافق بكل
رحابة صدر إلا أنها هدمت طوق النجاة الوحيد له..
عيونها المميزة سحبته ليغوص بداخل جنتها الرائعة فاق من شروده على صوت فرحة الهادي 
_ فارس عمو و العيلة راحوا يرتاحوا شوية محتاج مني حاجة!
موقفه أمامها أكثر من مخجل من تلك الليلة و هي تتعامل معه بطريقة جادة و ربما حزينة رفع عينيه لها بجدية لتنظر بعيدا لا تعلم لما ترفض النظر إليه خصوصا بعد ما رأته عليه.
حاول الاعتدال لتقوم بسرعة تساعده على ذلك ثم عادت إلى مقعدها ليردف بجدية
_ عارف إنك مش قادرة ترفعي عينك و تشوفي عيني معاكي حق أكيد صورتي جواكي بقت حاجة تانية مش هقدر اوصفها مع إني حاسس بيها جوا تصرفاتك بس الحقيقة إني كنت أول مرة أشرب و هي كمان أنا حتى أول مرة أشوفها..
أخذت نفس عميق تربيتها و حياتها مختلفة بشكل كامل عن حياته بالقاهرة و عمله بالوسط الفني ربما ما تراه كبير يراه هو بسيط جدا أخرجت ثاني أكسيد الكربون من أعماق صدرها قائلة بهدوء جاد 
_ يمكن طريقة شغلك و حياتك بعدتك عن إحنا اتربينا إزاي و على ايه و المشكلة فعلا إنك نسيت كتاب ربنا اللي حفظناه مع بعض و إحنا صغيرين ممكن فعلا يكون كل ده غلطة مكنتش عامل حسابها لكن كان المفروض إنك متروحش مكان زي ده ابدأ عارف الريح العاصفة يا فارس أولها نسمة و أنت بدأت بيها البنت دي محترمة جدا..
تجمد جسده على آخر جملة قالتها أهي تعلم من
تكون! قلبه رفرف بسعادة و بصيص من الأمل قائلا بلهفة
_ محترمة جدا أنتي تعرفي مين البنت دي يا فرحة!
ترددت بشكل كبير بالرد عليه بداخلها بعض القلق عليها فهي لا تعرف ماذا يريد منها قرأ ما يدور بعقلها ليكمل حديثه بصدق
_ صدقيني أنا مش عايز إلا كل خير ليها قولي بس هي مين.
_ هي فتون المسيري أخت فاروق المسيري يا فارس زميلة ليا و الكل عارف أخلاقها و احترامها.
______شيماء سعيد________
بشقة
جليلة.
تتقلب على فراشها مثل الجمر مغص حاد ببطنها يأكل أحشائها من الداخل من المفترض أنها اليوم شقيقة العروس اليوم يوم فريدة و هي مجرد ضيفة شرف.
موافقة فريدة أخذت قطعة من قلبها و ألقت بها بأعماق النيران كابوس لم تتخيل الوصول إليه بحياتها الزغاريد تملأ المكان لتقرر الفرار عن المكان...
ربما دموعها جفت أو بإنتظار رؤيته بثوب العريس لتتحرر من عينيها لذلك فضلت البقاء بين غرفة أحلامها إذا علمت فريدة الحقيقة و إذا علم هو ستكون النهاية لا محالة.
أغلقت هاتفها و أغلقت عينيها لعلها تجد الراحة بنومها.
أما بالخارج جلست جليلة بين نساء الحي بقمة سعادتها رأت أخيرا حصاد زرع السنوات و ستتزوج واحدة من أغلى الناس على قلبها رغم عدم فهمها لحالة فريدة و فتون بالأيام الأخيرة.
أبتسمت فريدة إبتسامة خالية من الحياة و عينيها معلقة على شاشة التلفزيون التي فصلت الأغنية و أتت فجأة بالأخبار...
أخيرا النجم فارس المهدي رجع لجمهوره بعد أسبوع كامل بالمستشفى بحاډث مجهول و غامض و قال كمان إنه هيطل علينا بفيلم جديد و العنوان مفاجأة هيقولها بعد شفائه بشكل كامل
رهبة مع رجفة و القليل من ذكريات.. نظرات عينيه لها قبل أن تفر وضعت يدها على صدرها تحاول السيطرة على دقات قلبها المرتفعة حمدت الله ألف مرة على أنها لم تصبح قاټلة مثلما أصبحت .
_ أمال البنت فتون راحت فين.
فاقت من دوامة تعيش بداخلها الفترة الأخيرة بلا توقف على صوت جليلة لتقول بهدوء و صوت متحشرج
_ تعبت شوية و قالت أول ما الناس تيجي هتكون هنا.
ردت عليها جليلة بعجلة
_ طيب يا حبيبتي يلا ادخلي البسي و صحي أختك الناس تقريبا بتخبط على الباب لما نشوف الست أزهار ساكتة مش زي عوايدها ليه.
_ مستعد أدفع ليكي عشرين مليون جنيه مقابل
خدمة بسيطة رأيك إيه يا شوكولاتة!
لحظة و الثانية و هي تحدق به بعين متسعة هذا المبلغ لم تسمع عنه بحياتها أهذا الرجل عاقل أم فاقد الأهلية حاول الثبات بقدر المستطاع أمام مظهرها المغري..
عيون
سوداء متسعة و شفتين تكاد تصل للأرض يبدو عليها عدم الفهم و هذا ما يميز الشوكولاته طعم لذيذ بلا عقل ابتلعت لعابها مردفة بصوت متحشرج
_ لا مؤاخذة يا باشا لو مفيش إساءة أدب قولت عشرين ايه!
جذبها لتبقى على مقربة منه يأخذ أكبر كم من رائحة الشوكولاته اللذيذة تفوح منها هامسا بصوت أجش
_ عشرين مليون جنيه و الخدمة بسيطة جدا جدا جدا يا شوكولاته...
_ حطي لسانك في بوقك و اكتمي أنا صحيح بحب الشوكولاتة لكن الموضوع بدأ يدخل في المش عقلك راح بيكي لفين أنا مش عايز منك قلة أدب دلوقتي و على الأقل دلوقتي أنا عايز مصلحة تانية.
سألته بتوتر مثل الطفلة المذنبة بحق أبيها
_ آمال واحد شمال زيك هيعوز مني ايه!
أجابها بسخرية
_ شمال!!! خدي بالك البدلة دي جزء من شخصيتي.. الجزء التاني عشوائي..احترمي نفسك و ركزي معايا.
شعرت بالضيق من وجودها معه لتردف
_ اخلص بقى يا جدع أنت عاوز مني ايه!
_ تعرفي تشتغلي خدامة!
اسودت عينيها ثم وضعت يديها على خصرها مردفة بالمعنى الحقيقي للردح
_ خ ايه يا خويا خدامة ايكش تعيا و لا تلاقي
اللي يخدمك قادر يا كريم.
أليس هنا و انتهى به الأمر جذبها من جديد واضعا يده يمنعها من قول حرف آخر قائلا
_ رجل أعمال بيشتغل في الممنوع هتعملي عمل وطني لما تدخلي بيته كخدامة كام يوم و بعدين هيكون عندك عشرين مليون جنيه.. رأيك إيه ما تردي..
أشارت إلى كفه المقيد لها ليبعده عن فمها بالتدريج ببطء شديد و عينيه تحدق لتقول هي بذهول
_ أكيد لا طبعا و أنت من امتا تعرف الحلال و الحړام يمكن يكون الرجل طيب أنا مضمنكش ابدا بصراحة...
_ بقولك ايه أنا كمان بصراحة في حلم ناوي أحققه دلوقتي بس مستحيل أحط عليكي المكسرات إلا لما تكوني راضية يا شوكولاته أما موضوع رجل الأعمال فهو معروف اكتبي فوزي الخولى على جوجل و تعالي عشان نتفق.
انتهى الفلاش باااااااك...
صوت الزغاريد جعلها تعود إلى أرض الواقع من جديد مع دخول العريس و عائلته لمنزل جليلة..
بغرفة الفتيات...
_ أنتي بتقولي إيه يا فريدة مش فاهمة!.
مذهولة هي بالفعل غير مصدقة لما تقوله شقيقتها أبدا ابتلعت لعابها بتوتر و حزن لتقول فريدة بهدوء
_ ايه الصعب في كلامي يا فتون بقولك البسي عروسة و أخرجي بدل مني