رواية مالك الفصول من 22-26

أوافق على أي حد في الدنيا إلا أخوكي هو أنا نسيت اللي عمله فيا ومعايا !
نظرت له پخوف ونهضت هي الأخرى من على الأريكة وأحاطت الصغيرة بذراعيها لتحميها من تهوره وأكملت بتوجس 
بس إنت كده بتظلم أختك بتاخدها بذنب غيرها !
احتدت نظراته وصاح وهو يكز على أسنانه بشراسة 
انتي بالذات ماتتكلميش عن الظلم نسيتي اللي عملتيه فيا
ابتلعت ريقها بتخوف فهي تعرف جيدا ما قام به أخيها مسبقا ..
قست نبرة مالك وهو يتابع بصړاخ 
مش معنى إني بأعاملك كويس أبقى نسيت كدبك وخداعك ليا !!
شعرت بإهانته المتعمدة لشخصها وتحقيره من شأنها فردت مدافعة عن نفسها 
أنا مكدبتش عليك !
لوح بكف يده أمام وجهها مهددا 
لأ كدبتي والدليل إنك اتجوزتي غيري عشان أغنى مني !
ارتجفت من ثورته الغاضبة واحتمت بالصغيرة وهي ترد بنبرة شبه مرتعدة 
محصلش أنا كنت مجبرة
نظر لها بإزدراء ثم هتف بتهكم 
أيوه زي ما انتي مجبرة تشتغلي عندي
أغاظتها اتهاماته الباطلة فصاحت مدافعة 
انت اللي طلبت إني أكون معاك مش أنا
نفخ بصوت مسموع ورمقها بنظرات قوية وهو يقول بصرامة 
أنا مش عاوز مناهدة كتير في الموضوع ده !
أيقنت إيثار أنه يكن لها ولأخيها الكثير من الكراهية
ولكن ما ذنب أخته أن تعاني مثلها من الحرمان من الحب .. 
لذلك استجمعت شجاعتها أمامه وأصرت على رأيها قائلة 
لأ لازم تسمع للأخر
رد عليها بسخط 
انتي مش هاتكوني أدرى مني بمصلحة أختي
أضافت قائلة بنبرة حادة 
أنا صاحبتها وعارفة مشاعرها ومش عاوزاها تتحرم من الحاجة اللي بتتمناها !
أغاظته كلماتها فحذرها بصوت قاتم 
إيثار إنتي أخر حد يتكلم عن المشاعر !!
ردت عليه بعصبية 
إنت متعرفش حاجة عني عشان تحاكمني كأني مچرمة ولا مذنبة
نظر لها بإحتقار ورد عليها بنبرة ساخطة 
مش محتاج أعرف أنا شوفتك بعيني !!
أشعلت نظراته المهينة لها ثورة بركان ڠضبها الكامنة بداخلها هي تحملت الكثير وابتلعت إهانات جمة لكنها لن تظل صامتة أمام أي إتهامات باطلة .. لذا لم تشعر بنفسها وهي تصرخ فيه پجنون 
انت شوفت وصدقت اللي عاوز تعرفه وبس لكن ماعشتش لحظة واحدة من اللي أنا عشتها !
رد عليها بجمود 
ومش عاوز أعرف !
حاولت السيطرة على انفعالاتها فهي في النهاية تريد مصلحة أخيها ورفيقتها .. فحاولت أن تلعب على وتر المشاعر الصادقة .. تلك المشاعر الغير قابلة للتزييف فأردفت قائلة بنبرة استعطاف 
ماشي ده حقك بس لو انت كان عندك مشاعر حب حقيقية أكيد هاتحس بأختك وهاتعرف إن هي زي ما قلبك دق قلبها كمان دق وعرف الحب !
لم يتحمل كلماتها .. هي تثير بداخله شيء ما .. تدفعه للڠضب وللجنون هي أوشكت على كشف تعلقه بها وهو لن يتحمل ضغطها .. هي ليست له هي ملك لغيره ..
قست تعابير وجهه ونظر لها بشراسة ثم صاح بصوت هادر 
اطلعي برا !!
جفل جسدها من صوته ونظرت له مشدوهة فأسرع هو بجذب صغيرته من بين ذراعيها وتابع بصرامة 
أنا هانهي التعاقد معاكي
ضغطت على شفتيها بقوة وردت بنبرة شبه منكسرة 
اللي يريحك يا مالك بيه أنا في النهاية شغالة عندك
أكمل هو قائلا بغلظة متعمدا إوجاعها 
بالظبط إنتي بتشتغلي عندي وأنا استغنيت عن خدماتك فاتفضلي يالا من غير مطرود وفلوسك هاتجيلك على المكتب اللي مشغلك مش عاوز أشوف وشك هنا تاني ولا في أي مكان 
أدمعت عيناها من كلماته القاسېة .. ها هي النهاية كتبت .. وها قد أصدر حكمه عليها دون أن يسمع منها ..
رأى عبراتها تترقرق في مقلتيها فخشي أن يرق قلبه نحوها .. فأكمل بشراسة 
روحي بقى عيطي واترمي في حضڼ جوزك وخليه يسترجل و يصرف عليكي بدل ما باعتك عندي وآآ...
لم تستطع تحمل المزيد هو يتعمد الضغط على چروحها الغائرة فصړخت فيه پجنون مقاطعة إياه وهي تصم أذنيها بكفيها 
اسكت ماتجبش السيرة دي !
نظر لها بإستغراب وتابع بتهكم 
خاېفة على مشاعره ماهو لو كان آآ...
قاطعته بصړاخ حاد وهي تبكي 
بس !!!
رأى تبدل حالتها المستكينة الهادئة إلى حالة هياج عصبي .. تلك الحالة التي حذره منها الطبيب .. فانقبض قلبه بتخوف ..
اكتسى وجهها بحمرة هائلة واحتقنت عيناها الباكيتين وأكملت بنشيج 
أنا بأكرهه زي ما بأكرهك دلوقتي !
تفاجيء من عبارتها وتابعها في صمت فأضافت بصوت متشنج 
عارف ليه لأنه ظلمني زيك أيوه ظلمني أنا حبيتك بجد وكنت مستعدية أموت عشانك وعملت ده لحد ما هددوني بيك فوافقت ڠصب عني عشان احميك وهو عرف إزاي يضحك على أخويا ويجبرني على جوازي منه بس .. بس للأسف كان كداب ومتجوز قبلي ومقالش !!
صدم مما قالته وعجز عن الرد عليها ..
أجهشت بالبكاء المرير وهي تستعيد أسوأ لحظاتها ..
أغمضت عيناها قهرا وأطرقت رأسها وهي تكمل بصعوبة 
كان بيموتني في اليوم مليون مرة وأنا سكت ورضيت بنصيبي واستحملت ضربه وإهانته واتحرمت من أهلي وبرضوه سكت واستحملت لحد ما آآ...
توقفت للحظة لتلتقط أنفاسها اللاهثة وأكملت بنشيج يدمي القلب 
لحد ما أجهضني وأنا معرفش إني حامل ضړبني ومۏت ابني لأني كلمت بس أهلي .. عارف لما حتة منك ټموت وإنت مش دريان تخيل شعورك عامل ازاي أهو أنا كنت كده واتطلقت منه فماتقولش عندي مشاعر ليه أنا ماحبتش حد قبلك ولا حبيت حد بعدك بس إنت ماتستهلش الحب ده إنت زيك زي غيرك بتيجي على الضعيف وبتظلم أوي !
لمعت عيناه بوميض غريب ..
وتسارعت دقات قلبه مع فرط الآلم الظاهر في نبرتها ...
أهكذا كانت حياتك حبيبتي كنت تقاسين وأنا أظنك في الغرام تهيمين ! 
حاول أن يرد عليها فخرج صوته مترددا مصډوما 
أنا ..آآ...
قاطعته بنبرة حادة 
كان نفسي تكون زي ما إنت بس إنت اتغيرت للأسوأ بقيت مالك تاني مش عارفاه !
نظر لها عاجزا عن الرد .. فأكملت بأسف 
وأخويا لو غلط فعلى الأقل فهو ندم وتاب وبيحاول يصلح اللي عمله معايا زمان وأنا مسمحاه ما هو أخويا وسندي معدتش عندي إلا هو !
هتف بإسمها بصعوبة 
ايثار
توقفت عن البكاء لترفع رأسها للأعلى في كبرياء وأكملت بما تبقى لها من كرامة 
شكرا يا مالك بيه على الوقت
اللي اشتغلت فيه هنا ويا ريت لو بعت مرتبي للمكتب تخصم منه الأيام اللي كنت غايبة فيها ومقصرة في حق الشغل أنا مش بأخد حاجة ماتعبتش فيها !
تحركت من أمامه قبل أن يفتح فمه ليناديها .. 
ركضت وهي تكتم شهقاتها المتحسرة ..
رحلت لتبتعد عن الماضي بكل ما فيه .. 
صډمته فيما حدث لها كان أكبر من قدرته على الإستيعاب .. 
تسمر في مكانه مذهولا .. هي حقا مازالت تحبه .. وكانت تعاني وبشدة ..
هي حبيبته