رواية رومانسية لكاتبة رائعة القصول من 8-11

_ عرفت لما قولتيلي علي استئصال الرحم مين قالك
تحدثت هي بارهاق متمتمة 
_ دكتورة نسا روحتلها لما حسيت بتعب
همهم بصمت و تركها مغادرا الغرفة امسك بمقبض غرفته و القي نظرة نحو غرفتها و هو يهمس 
_ ربنا كان الاقوي دايما
روحه الإنسانية لا تسمح له باتباع القسۏة الآن يكفي ان ينتقم الله منها و يريها من أعمالها امام عينها هذا أكثر قسۏة من ما كان ينوي فعله
القت الحجاب اعلي الفراش بغل و هي تحرك رأسها يمينا و يسارا ل تسمع صوت طرقعات عظامها اترمت علي الفراش جالسة و هي تطرق بكلتا يديها علي فخاديها و هي تقول بغيظ 
_ انا يسيبني متعلقة علي البوابة و يروح يأكل و يشرب و يتفرج علي التليفزيون و انا متعلقة ماشي يا حسام ماشي
توعدت بأخر جملتها ثم قامت بتبديل ملابسها و توجهت نحو الفراش ل تنعم بالراحة بعد هذا الارهاق و توترها بانها متعلقة ببوابة البناية و اي اهتزاز للبوابة يمكن ان تسقط حتي انه لم يسمح لاحد ان ينزلها من مكانها اراحت جسدها علي الفراش ل تتنهد براحة و ما ان اغمضت عينها حتي رن هاتفها يصدح بصوت عالي جوارها علي وحدة الادراج ل تتأفف بضيق و هي تفتح عينها تمد يدها نحو الهاتف تأخذه و ما ان انتبهت الي اسم المتصل حتي هبت جالسة سريعا و هي تصك علي أسنانها فتحت الاتصال واضعة الهاتف علي اذنها و هي تندفع متحدثة دون انتظار و الڠضب ينهش بها 
_ انت ليك عين تكلمني بعد اللي عملته فيا يا بارد انا تعلقني و اللي داخل و اللي طالع يتفرج عليا
اشتعلت عينه بنيران غاضبة و هو يقبض علي كف يده متحدثا بحدة 
_ و انا اللي بكلمك نعتذر لبعض و نفض الموضوع بس بعد لسانك الطويل دا اثبتيلي انك عايزة تتربي كمان شوية و انا هعرف اتصرف معاكي يا زينة
صړخت به بصوت عالي تصيح پغضب قائلة 
_ نعم انتي بتقول اني مش متربية و مين اصلا هيسمحلك تقرب مني تاني انا لا عايزة اشوف وشك و لا اسمع صوتك ملكش دعوه بيا بعد النهاردة و اللي حصل فيه
ما كادت أن تغلق الهاتف حتي استمعت الي صوته الحاد من الطرف الاخر قائلا 
_ ان قفلتي في وشي يا زينة يومك هيبقي اسود
ضحكت ساخرة و هي ترد قائلة 
_ اكتر من كدا مظنش مش عايزة اشوفك تاني يا حسام بجد و اقولك علي حاجة احلي بلوك ليك يا ابن عمي
ل يصلها صوته بنبرة جامدة قائلا 
_ و رحمة ابويا هتشوفي ايام مني هتتمني ترجعي للدلع بتاعك دا و لعب العيال انا هخليك تعقلي و تركزي و تبقي بتلفي حولين نفسك تتمني اني ارضي عنك
ابتسمت بسماجة و هي ترد عليه بثقة قائلة 
_ دا في المشمش
ل يضحك هو بصوت عالي مجلجل جعل دقات قلبها تعلو پخوف منه و زاد خۏفها و انقبض قلبها حين وصلها صوته قائلا 
_ انا هبعتلك علي الواتساب اللي هيخلي في موسم الجوافة باذن الله
نطق بجملته ساخرا و اغلق الهاتف ازدردت لعابها بصعوبة و ارتجفت يدها
بارتباك و هي تنظر إلي شاشة الهاتف وصلها إشعار عن وصول رسالة جديد بغرفة الدردشه الخاصة بحسام ثقل تنفسها بارتباك و هي تفتح تلك الرسالة نظرت الي الرسالة و اتسعت عينها پصدمة و شحب لونها ثم وضعت يدها علي رأسها قائلة بذهول 
_ قسيمة جوازي من حسام
وقفت فيروز أمام الغرفة المقيم بها والدها بالمشفي و قد طلبت من والدتها ان تذهب هي و تبقي والدتها لاعداد بعض الاطعمة الخفيفة ل اكرم الذي يعرف عنه الجميع انه لا يأكل من طعام لم تطهو هناء رفعت يدها بتوتر الي مقبض الباب تنفست بقوة مرتبكة و هي تفتح الباب بهدوء و خطت نحو الداخل غالقة الباب خلفها نظرت الي والدها الغافي موصل به بعض الاجهزة الطبية تقدمت و مع كل خطوة تسقط منها دمعة رغما عنها حتي وصلت الي جوار الفراش المتسطح عليه اكرم مدت يدها المرتجفة تمسك بيده و چثت علي ركبتيها امام الفراش قبلت يده و هي تنظر إليه ثم رفعت يدها الاخري تربت علي خصلات شعره البيضاء و هي تهمس بخفوت 
_ انا اسفة يا بابا حقك عليا انا عارفة انك زعلان مني عشان كسرت ثقتك فيا
مسحت علي يده تمحي الدموع التي تساقطت عليها و هي تكمل حديثها بعد شهقة حادة خرجت من صدرها 
_ انت اول مرة تزعل مني يا بابا انت عارف زعلك بالنسبالي اية و عارفة اني السبب في تعبك ارجوك سامحني يا بابا عشان خاطري
مالت تضع رأسها علي يده و هي تقول پألم 
_ كنت صغيرة و طايشة من سبع سنين اول مرة اسمع كلمة حلوة و تدخل قلبي كنت فاكرة انه زي اي واحد بيعاكس بس لقيتوا ورايا في كل مكان كنت حاسة ان عيونه بتراقبني لحد ما كنت بحس بالأمان في وجوده و احس ان كلمته مش مجرد كلمة اي حد بيقولها دي كلمته بطبطب علي قلبي كان عايز تسمعني عايز يسمع كل تفصيلة في حياتي بقي يشجعني عمري ما سمحتله يمسك ايدي حتي و الله سبع سنين زي الهبلة عايشة علي فكرة الأمير بحصانه الابيض مستني الاميرة عشان ياخدها علي الحصان و يجري بيها لابعد مكان
نظرت تراقب والدها هل استيقظ ام لازال نائما لكنها تنهدت بارتياح حين وجدته نائما اغمضت عينها و لازالت تميل علي يده ل تكمل بقلب ملتاع قائلا 
_ اول مرة اعرف الحب كان هو نفسه الحب دا لما بعدت عنه و حسيت بالذنب جيه اتقدملي بس انت مدتوش فرصة يقول بتقدم لمين و قولت مفيش كلام في جواز غير لما ولادي يخصله تعليم قالي مش هقدر اصحي يوم ما اسمعش صوتك و لا اشوف عيونك صدقت و مشيت تاني وراه و كانت النتيجة ۏجع مبينتهيش و چرح مبيلمش عشان خاطري يا بابا متزعلش مني مش انت كمان هتبعد عني
لم تستطع السيطرة علي نفسها بعد ذلك و اتفجرت بالبكاء بكاء حاد ېمزق نياط قلبها و ېحرق ثنايا روحها لم تشعر بذاتها و لا بصوتها العالي الا حين شعرت بيد تربت علي كتفها رفعت رأسها سريعا ل تجده
والدها ينظر اليها و عينه تدمع امسكت بيده تقبلها و هي لازالت تبكي بقوة حتي تحدث والدها بصوت خاڤت قائلا 
_ سمعت كل كلامك
ل تحني رأسها بخزي ل يتحدث اكرم مرة أخري قائلا 
_ مش قادر الومك و انا شايف ان دي حاجة تافهة بالنسبة للي سمعته امبارح
همست فيروز برجاء قائلة 
_ انا اسفة يا بابا عشان خاطري سامحني علي اللي عملته و الله اخدت جزائي ۏجع ما بعده ۏجع و اخدت درس عمري ما هنساه في حياتي
اغمض اكرم عينه و هو يقول بهدوء 
_ مسامحك يا فيروز لان الدرس اللي اخدته كان بايدي البشر
لم تفهم فيروز جملته و لا تريد اعادة الحديث بذلك الموضوع و خصيصا جملة والدها ان ياسمين لها يد تعلم ان وراء ما حدث خدعة من خلف ظهرها بالتأكيد كانوا علي علاقة و هي لا تعلم احتضنت ذراع والدها و هي تقول بهدوء 
_ مش مهم اي حاجة غي
رضاك عني
توجه شهاب مع هناء الي داخل المشفي بعد أن اصر علي الذهاب معها وقف علي باب الغرفة زفر الهواء بحدة و من ثم نظر الي هناء قائلا 
_ ادخلي انتي يا طنط اطمني علي عمي و اخرجي طمنيني عليه
تنهدت بعمق و هي تفتح بابا الغرفة قائلة 
_ ادخل يا شهاب عمك مفيش اطيب من قلبه
ل يرد هو قائلا 
_ خاېف اتعبه انا جاي بس اطمن عليه
ل تدلف هناء الي الداخل و هي تقول بصوت عالي نسبيا 
_ ادخل يا شهاب
دلف شهاب الي الغرفة ل يلمح فيروز الجالسة جوار والدها علي الفراش و التي ادارت وجهها الي الجهة الأخرى و هي تمسح دموعها حمحم و هو ينظر إلي اكرم قائلا 
_ ازيك النهاردة يا عمي يارب تكون بخير
هز اكرم رأسه بايجاب دون حرف ل تتقدم هناء منه و هي تقول بهدوء 
_ عامل اية دلوقتي يا اكرم
ابتسم و هو يقول 
_ متقلقيش انا بخير
ابتسمت هي الاخري تربت علي كتفه بحنو و هي تقول 
_ علي فكرة شهاب هو اللي جابك امبارح المستشفى و شالك علي ظهره من الشقة لحد تحت
نظر اكرم الي شهاب قائلا بهدوء 
_ شكرا يا شهاب
_ شكرا علي اية بس يا عمي ربنا يقومك بالسلامه
عينها الجميلة غائبة عنه منذ كثير يبدو انها كانت تبكي نغزة بصدره مټألمة و هو مضطر أن يبعد عينه عنها نظر الي اكرم الذي نظر اليه بحدة حين رآه ينظر الي فيروز ل يقف و يتحدث بنبرة مهذبة قائلا 
_ طب استأذن انا بقي يا عمي الف سلامة عليك
_ استني انا عايزك يا شهاب
اوقفه اكرم بتلك الجملة ثم نظر إلي هناء قائلا 
_ خدي فيروز و اطلعوا شوية يا هناء
هزت هناء رأسها و هي تميل نحوه قائلة برجاء 
_ عشان خاطري متتعبش نفسك دلوقتي
هز رأسه بايجاب ل تخرج كلا من هناء و فيروز الي الخارج و تقدم شهاب من اكرم قائلا 
_ اؤمرني يا عمي
ل يتوالي عليه اكرم باسئلته و هو يتحدث بجمود و لا يظهر اي تعبير 
_ طلقت مراتك
نفي شهاب برأسه ل يكمل اكرم قائلا 
_ لية
حك شهاب خلف عنقه و هو يقول 
_ عشانك يا عمي انت متستحقش ان حد يقول عليك كلمة مش كويسة من الاول عملت كدا عشان محدش يتكلم عليك انت مستحقش الكل بيشهد انك راجل محترم و خلوق و كمان هي بقاش ليها مكان بعد ما حضرتك اتبريت منها
_ كنت بتحبها بجد و لا كنت بتلعب بيها و جاوب بصراحة
كان الجمود سيد نبرة اكرم و هو يتحدث ل يبتسم شهاب بحزن قائلا بهمس شريد 
_ لو اخدوا نور عيني عشان ترجعلي مش هزعل علي عيني اد ما هفرح بيها هي
همسه الشريد بحزن جعل من ملامح اكرم تلين ل يسأل مرة اخري 
_ للدرجادي
هز شهاب رأسه بايجاب صامتا ل ينظر اليه اكرم بهدوء مطولا حتي تحدث قائلا بما حطم الباقي من روحه الباهتة 
_ بس انا مش عايزك تجيب سيرة فيروز تاني و لا تفكر فيها لانك جوز اختها و عمري ما هينفع دا اولا و ثانيا فيروز خطيبة احمد و هتبقي مراته قريب