رواية جديدة مطلوبة الفصول من 1-4

الفصل ١
بأحد الأحياء الشعبية القديمة حيث تسكن تلك العائلة الوحيدة البسيطة
استيقظ بكسل وضجر مستغفرا ربه يستعد ليوم جديد بلا أى تجديد!
خرج من غرفته متجها للمرحاض الصغير .... توضأ وأدى فريضته داعيا الله 
بالصلاح
استعد للخروج ولكن وكالعادة أوقفته بكلماتها السامة المتكررة
_ رايح فين يا ساجد
تنهد عدة مرات محاولا الهدوء ... ابتسمت شفتاه دون عينيه

رايح شغلى
اتسعت شفتاها بأمل تردف 
يا حبيبى ما أنا قولتلك حلها إيه .... إنت اللى مش راضى تسمع كلامى
حاول الهدوء لكن لم يستطع ... ضغط تلك الحياة ووالدته التى لا تمل من طلبها لا بل قهرها له ... أردف بنبرة خرجت حادة دون إرادته
أسمع كلامك فى إيه .... إنتى عايزة تدمرى آخر جزء فيا 
لاح الحزن بعينيها وتطلعت إليه بعتاب
بقى كدة يا ساجد .... أنا عايزة أدمرك
قال غاضبا
أيوة .... طول عمرك كدة ..... طول عمرك ضعيفة ومستسلمة
انكمشت ملامحها ضيقا من كلماته الچارحة
عشان عايزة مصلحتكم أبقى ضعيفة
ارتفعت ضحكات القهر لتفوهها بتلك الكلمات المٹيرة للسخرية برأيه
ههههه مصلحتنا ..... قصدك مصلحة بناتك ..... عمرى ما هنسى إنك خلتينى أتنازل عن ورثى كله لأخواتى ..... ورثى اللى كنت هفتح بيه مشروع يعيشنا فى عيشة أحلى ..... مشروعى اللى بحلم بيه من وأنا صغير
جحظت عيناها غير مصدقة أنانيته برأيها
إنت عايز تعيش على حساب أخواتك ..... قولتلك إجوازهم هيطلقوهم لو مجابوش فلوس
كاد ېصرخ غاضبا فضغط على أسنانه حتى لا يفقد أعصابه أكثر
عشان مش رجالة ... مفيش راجل يعمل اللى بيعملوه ... لأ وبعد ده كله عايزانى أبيعلهم الشقة ... أبيعلهم الحاجة الوحيدة اللى حيلتى وأعيش أنا وإنتى فى الشارع
ولا أنا وإنتى ليه ... ما إنتى أكيد هيعيشوكى معاهم ... مش إنتى برضو اللى بتجيبلهم الفلوس من العيلة ولا إيه
أردفت متهمة إياه
إنت راجل تقدر تتصرف ..... لكن هم بنات
ارتفعت شفته العليا بقرف واشمئزاز من كلماتها القاسېة
قولتلك هم فى عصمة رجالة ..... طلقيهم وأنا هراعى كل واحدة منهم
تحدثت بلهفة محاولة إقناعه عله يفعل
طب ما تبيعلهم البيت واجوازاتهم يراعوهم
هنا وكفى ... صاح بها غاضبا وعروقه تكاد تنفلت مع أعصابه المدمرة
إنتى مسمية دى بيعة ... عايزين يشتروا بيت بعشرين ألف وتقولى بيعة ... دى سړقة ... إنتى عارفة إن بيتنا ما يتباعش بأقل من ١٠٠ ألف وعايزانى أبيعه بعشرين بس
نهضت تقترب منه بهدوء تربت على كتفه متحدثة بنبرة حانية تستعطفه
يا حبيبى هم مش معاهم غير عشرين وبعدين افتح بالعشرين دول محل ولا سوبر ماركت تكسب منه
خرجت ضحكة صغيرة غير مصدقة والذهول بعينيه
 إنتى إزاى كدة ...... إزاى بالضعف ده ..... عايزة إبنك خريج الهندسة يفتح سوبر ماركت
ابتعدت مردفة بتهكم غير عابئة بكلماتها التى أصابته بمقټل
وهو خدنا إيه من التعليم ياخويا ..... وبعدين ما إنت بتقف فى المطعم بقالك سنين وبتشتغل باليومية ...... جت على دى يعنى
تطلع إليها بخذلان وخزى وقد امتلأت عيناه بالدموع سرعان ما تمسك بها 
استطاع أخيرا اقناعها بالبقاء بعينيه 
تلك حالته دائما ... لا حنان ... لا حب ... جمود فقط بحياته بأكملها .... ما ذنبه ليولد بعائلة ضعيفة الأم حقودة الأخوة وبالطبع جفاء الحبيبة !
استغفر ربه سريعا وخرج كأن شيطان يلاحقه فيتهرب منه
تركت غرفتها مسرعة ما إن استمعت لصوت ضحكاته العالية
هرعت للخارج لتتشبع عيناها برؤيته وهو يضحك ولو لثانية واحدة 
تنهدت بعشق ما إن رأت وسامته بتلك العيون السوداء الفريدة ..... يجلس على الأريكة يشاهد إحدى المسرحيات ويأكل من طبق المقرمشات محتضنا إياه بقوة وكأن أحدا سيختطفه !
تقدمت بمرح مصطنع كى لا يكشف نظراتها الهائمة 
جلست پعنف على الأريكة مما أفزعه فسقط الوعاء بما يحتويه 
لكزها بخفة وإمارات الغيظ على وجهه
فلوس أهلك هى عشان تبعتريها على الأرض
ابتسمت بسماجة تعشق أن تغيظه
أيووون فلوس أهلى وبعدين .... هيييييح براحتشى
تطلع إليها بقرف مصطنع متقززا
براحتشك ! وأنا اللى قولت البت دخلت تجارة عشان تشتغل فى شركة ... أتاريكى دخلتيها عشان تبيعى فى السوق ... ما هو ده أصلك يا ..
نظرت إليه بټهديد وتحذير ولكنه لم يهتم ليكمل قائلا
يا مايصين
 آاااه يا حيوان يا متخلف يا ....
وضع يده على شفتيها لتسكن بمكانها كقطة وديعة وتتطلع إليه بتيه حتى أفاقت على تنهيدته
يخربيتك فرهدتينى .... إيه برطمان شتايم اتفتح فى وشى
حولت ملامحها ببراعة للحزن والبراءة
إيه ده إنت زعلت .... متزعلش يا .... تميمة النحس
قالتها وفرت هربا لغرفتها لينطلق خلفها بسرعة يسبها وسط صړاخها الفزع
خرجت والدتهم من الغرفة وكادت تصرخ على ابنتها حتى خرج زوجها بضجر
بقولك إيه يا زينب فكك أنا زهقت براحة شوية وريحينى
تطلعت بضيق تارة إليه وتارة لمن صرخاتهما الممزوجة بالضحك مرتفعة
يعنى يرضيك قلة الأدب اللى بنتك بتعملها ... ينفع تصرخ كدة والجيران يتكلموا
قلب عينيه بملل زافرا بضيق
كل أما نزعقلها نلاقى البيه أخوها يشخط وينطر
تضايقت من كلماته لتتحدث
ما تتكلمش على الواد كدة
تنهد زوجها وهو يدلف لغرفته
أنا مش ناقص عايزة تعملى مشاكل معاها روحى بس متدخلونيش بينكم ... أنا داخل أنام وصحينى كمان ساعة
جالسة أعلى فراشها الضخم بغرفتها الواسعة والفخمة تنظم كتبها وأقلامها 
حتى انتهت فضړبت كفى يديها ببعضهما ضاحكة بفرحة طفولية
_ وأخيرا حلمى اتحقق ومن بكرة هروح الكلية
قاطع كلماتها الفرحة دقات الباب لتأذن بالدخول
دلف رجل أربعينى وأغلق الباب خلفه متقدما من ابنته يتحدث بحنان
حبيبة بابا بتعمل إيه
اتسعت ابتسامتها تتحدث بسعادة واضحة للعيان
بجهز حاجتى عشان أروح الكلية بكرة يا بابى
جلس بجانبها وقبل أعلى رأسها قائلا
عايزك تتجدعنى يا روح بابى .... هندسة مش سهلة
أومأت له تطمئنه برقة
متقلقش بإذن الله خير
كاد ينهض حتى الټفت لها مجددا يتساءل
ها يا حبيبتى جهزتى نفسك للحفلة
تنهدت قبل أن تجيبه بأسف
أيوة بس إيه لازمتها ما إحنا نتبرع بفلوسها للغلابة أحسن
ضحك فى نفسه بسخرية على براءتها وسذاجتها .... آااه لو تعلم ما يحدث !!
لاحظت شروده لتتحدث منبهة إياه
بابى روحت فين
أفاق ليصمت لثوان قبل أن يجيب
معاكى بس لازم الكل يعرف إن بنت نادر الصقر بقت مهندسة ومتقلقيش أكيد هتبرع بفلوس للغلابة برضو
أنهى عبارته مبتسما بتهكم
تنفست عدة مرات بعمق حتى أردفت مستسلمة
أوكى يا بابى اللى تشوفه
أيوة صح أنا كلمت مدير المطعم اللى بتحبى تاكلى فيه وطلبت منه يجيبلى اللى شغالين عنده عشان الحفلة
دق قلبها پعنف وأحست بوجهها يتوهج احمرارا ممزوجا ببعض العرق من حرارة مشاعرها
تتمنى وجوده تمتع عينيها برؤيته وبنفس الوقت تتمنى ألا يكون من ضمنهم حتى لا يشعر بالمڈلة فنظرة الحزن بعينيه ټقتلها قبل أن تقتله
توترت قليلا حتى أردفت بحذر
كل ....كلهم هييجوا الحفلة
همهم لها مجيبا على سؤالها الغريب
أيوة المدير قالى هيبعتهم كلهم ..... المهم أنا رايح الشركة 
أوكى لا إله إلا الله
محمد رسول الله
خرج