رواية انتقمت ج3 الفصول من 9-12

والله قلنا كده . بس خلاص اللي حصل حصل ومش هنغيره ورفضك للعلاج مش هيقربك منه بالعكس لازم تقومي على رجلك وترجعي جوزك ليكي وربنا يهديلكم الاحوال 
مريم كلمته تاني يا آسر !
آسر كلمته من بعد ما خرج ومبيردش هكلمه تاني دلوقتي 
وبالفعل اتصل بيه ورد عليه موظف الاستقبال في المستشفى اللي فيها سيف 
آسر ايوة يا سيف فينك !
الموظف حضرتك انا مش الاستاذ سيف هو في المستشفى دلوقتي حضرتك تقرب له !
وقف آسر بفزع وبص لمريم بتوتر 
مريم في ايه يا آسر !
سابهم وخرج وهو بيقول 
طيب اهدى بس هفهمك 
وخرج وقفل الباب وكمل مع الموظف 
آسر پخوف آنا أسف مستشفى ايه وايه اللي حصل !
الموظف عمل بالعربية وهو دلوقتي في اوضة العمليات واحنا في مستشفى 
آسر طيب متشكر بص آسر للسما يارب سترك 
اتنهد بضيق وقلق واخد نفس عميق ودخل الاوضة تاني 
مريم بقلق في ايه يا آسر !
آسر بابتسامة بيخفي قلقه هيقابلني بره وهاروح له اتكلم معاه واهديه شدي حيلك انتي بس وربنا يقومك بالسلامة ويهدي لكم الحال 
مشي آسر بسرعة وسابهم هم كمان في حالة من القلق ومريم مصدقتش اخوها وحاسة ان في حاجة 
ادهم وسارة في طريقهم للعودة وحالة من الصمت الرهيب بينهم بتقطعه صوت عياط سارة ودعواتها ل سيف 
وقفوا في اول استراحة 
ادهم بجدية انزلي اغسلي وشك وانا هتصل ب ندى 
سارة لا معلش مش هقدر وبعدين مش هقدر امشي 
خرج ادهم من العربية وراح ناحية بابها فتحه ورايح يشلها 
سارة باعتراض لا يا حبيبي معلش مش هينفع والناس هيتفرجوا علينا 
ادهم طيب تعالي هسندك ومتحمليش علي رجلك خالص 
وبالفعل نزلت وسندها ادهم و وصلت لحد الحمام سابها وبعد ومسك موبايله يكلم ندى 
ادهم ايوة يا نادو عاملة ايه ياحبيبتي 
ندى بضعف الحمدلله بخير 
ادهم خالد
رجع 
ندى يعني 
ادهم يعني ايه يعني !
ندى بصوت مخڼوق بيعاقبني ببعده عايز يعيشني في ۏجع يا ادهم قلت له خليك جنبي بردو سابني ومشي 
ادهم بضيق معلش يا حبيبتي خالد طيب وهيروق بسرعة وانا هكلمه وهبقى .
قاطع ادهم سارة بص لها بفزع وقال 
انتي ليه مش ناديتي عليا !
سارة محبتش اضايقك 
ادهم بحدة انتي ليه مصرة متسمعيش الكلام ! انتي مش معقوله علي فكرة 
سارة بضيق معلش يا حبيبي انا قصدي اريحك بس مش اكتر 
سندها ادهم ورجعها تاني العربية وقعد جنبها 
ادهم ايوة يا ندى معلش 
ندى لا ولايهمك يا حبيبي اديني سارة اسلم عليها 
مد ادهم الموبايل ناحية سارة ندى عايزة تكلمك 
اخدت منه الموبايل وقالت ازيك يا ندى يا حبيبتي 
ندى الحمدلله يا حبيبتي 
سارة مال صوتك يا ندى ! في حاجة !
ندى لا مفيش عادي تعبانة بس عشان اللي حصل 
سارة حمدلله على سلامتك يا حبيبتي انا في الطريق وراجعة وان شاء الله اجيلك اول ما اجي 
قفلت سارة مع ندى وادت الموبايل لادهم وحاولت تتصل بمريم تاني وقالت 
هي مالها ندى ! 
ادهم خالد متخانق معاها 
سارة بضيق يوووووة هي ناقصة خالد ده كمان 
واتصلت سارة بخالد 
سارة ايوة يا خالد فينك !
خالد طيب ماتسلمي الاول 
سارة انت فين ! ومش مع ندى ليه !
خالد مع محمد شهد كانت تعبانة 
قاطعته سارة بضيق وقالت بحدة 
قبل ما تتجوزها وانا قلت لك ندى مش مستحملة قلت لك خلي بالك منها لكن تسيبها في عز .
قاطعها خالد بحدة انا عملت كتير 
زعقت سارة فيه وهتفضل تعمل طول عمرك طالما قبلت التحدي ده طالما قبلت ان ندى تبقى شريكة حياتك لازم تدي ومش تستني مقابل هي كمان استحملت معاك كتير اوي سمعت كلام لا يحتمله اي حد كانت مكتفية بيك انت وبس 
خالد بس دي طلبت مني الطلاق وعايزة تسيبني 
سارة اكيد عشان تريحك حاسة انها سبب في مشاكلك مع ماما بدل ما انت تريحها وتطمنها سايبها وقاعد مع محمد وشهد شاور ادهم ل سارة انها تتكلم بهدوء 
خالد انا اديت كتير وتعبت ومعنديش استعداد ادي تاني 
سارة يبقى تطلقها ندى خسارة فيك اصلا ندى اكتفت بيك في حياتها انت بالنسبة لها كل حاجة وانا متاكده انها وقت ما طلبت الطلاق اكيد عشان خاطرك 
خالد .
سارة اكيد مش هتلاقي كلام تقوله خالد لو عايز تحسس ندى بقيمتك براحتك بس مش دلوقتي مش في اكتر وقت هي محتجاك فيه ندى فقدت ابنها اللي مستنياه بقالها كتير وكان هيريحها من عڈاب هي عايشاه 
خالد حاضر 
سارة ابقى طمني عليكم سلام 
ادهم ايه الكلام الجامد ده !!
سارة انا عشت اللي ندى عاشته وحاسة بيها واحتياجها للحب جنبها واكتر شئ يضعف ان الحب ده يبعد 
بصلها بعشق وقال 
والحب عمره ما هيبعد ومش هيتخلى عنك مهما حصل 
ابتسمت سارة بحب ربنا يخلي لي الحب ده 
اقتنع خالد بكلام سارة وقرر يرجع لحبيبته 
وقف خالد اللي كان في الاوضة مع شهد ومحمد وبقية العيلة بعد خروج شهد من اوضة العناية بعد تحسن صحتها 
خالد طيب استاذن انا يا جماعة هروح عشان ندى لوحدها 
ابراهيم خير ما عملت انت غلطان انك سيبتها اصلا 
خالد صحيح يلا سلام عليكم 
مشي خالد ووقف عند اول محل ورد قابله ونزل
اشتري بوكيه ورد احمر كبير وجاب كارت وكتب عليه حمدلله على سلامتك يا معشوقتي .
وراح بعدها اشترى علبة شيكولاتة كبيرة على شكل قلب لانه عارف حبها الشديد ليها 
وصل عند البيت اتنهد واخد نفس طويل حط الورد وعلبة الشيكولاتة على الارض ورن الجرس 
خرجت ندى ببطئ وفتحت الباب وشافت الورد والشيكولاتة ضحكت بدموع واستنته يظهر ولكن مكنش موجود اخدت الورد والشيكولاتة ومسكت البوكيه وقرأت الكارت ودموعها مش راضية تقف اخدت نفس منه جامد وغمضت عيونها باشتياق فتحت عيونها شافت خالد قدامها 
ندى بلهفة خالد حبيبي آآآنا آآسف 
قاطعها خالد 
وحشتيني اوي وحشتني اوووي سامحيني يا ندى سامحيني 
ندى بعياط بحبك اووي اوعى تسيبني تاني اوعى 
اما عند سيف قضى ساعات داخل اوضة العمليات وخرج منها للعناية المركزة 
وصلت سارة المستشفى ولقت آسر موجود وعرفت اللي حصل ل مريم وبقت متضايقة انه اكيد هيبقى محتاج مريم جنبه 
عدى ساعتين وخرج سيف لاوضة عادية بعد استقرار حالته وكان معاه أدهم وسارة وآسر 
جه الدكتوررمزي يطمن عليه وبعد الكشف 
أدهم ها يا دكتور ايه الاخبار !
رمزي لا الحمدلله لياقة حضرة الظابط الجسدية طبعا بعد ستر ربنا ورعايته قدر يخرج منها بچروح طفيفة وكسر اللي في الرجل بس لكن .
آسر پخوف لكن ايه !
الدكتور رمزي في جزء في المخ تضرر ومش هنقدر نحدد اللي حصل غير لما يفوق وان شاء الله سليمة 
الكل يااااارب 
سابهم الدكتور وخرج واستاذن آسر ومشي عشان مريم متقلقيش وانه هيرجع تاني لما تنام 
سيف بضعف سس سمرر سمر متسيبنيش 
اټفزعت سارة هي وادهم وقامت بقلق وقفت وسندها ادهم ناحية سرير سيف 
سارة پخوف وهمس سيف حبيبي انت سامعني 
سيف سمر ماټت عاصم الكلب اللي مۏتها انا لازم منه لازم آآآآآآآه 
بصت سارة ل أدهم بفزع 
ادهم بفزع لا مش معقولة !!
الحلقة 11
سيف بضعف سس سمرر سمر متسيبنيش 
اټفزعت سارة هي وادهم وقامت بقلق وقفت وسندها ادهم ناحية سرير سيف 
سارة پخوف وهمس سيف حبيبي انت سامعني 
سيف سمر عاصم الكلب اللي مۏتها انا لازم انتقم منه لازم آآآآآآآه 
بصت سارة ل أدهم بفزع 
ادهم بفزع لا مش