رواية انتقمت ج3 الفصول من الخامس للثامن

ترجعي وانه هيرجع ل عادته تاني وانتي قلتي لا وبحبه
ايه اللي فرق يعني المرة دي !
ياسمين بصوت مخڼوق تعبت يا ابيه تعبت خلاص ومبقتش قادرة استحمل اكتر من كده انا خلاص مش راجعة البيت تاني 
كريم براحتك وده بيتك مفتوح لك في اي وقت وانا في صفك علطول وانتي عارفة حتى لو غلطانة بس وقت ما يقولك ارجعي وترجعي معاه مش هتصدر لك في حاجة تاني 
شكرية ايه يا كريم ! هو انت بدل ما تهديها جاي تسخنها اكتر 
عند سارة وادهم 
الجميل زعلان ليه ! 
سارة بضيق زهقت يا ادهم زهقت من القاعدة وانت كمان قاعد ساكت وماسك الموبايل وسايبني 
ادهم هو انا اللي قلت لك اخرجي من دون اذن المهم عايزة تعملي ايه وانا مستعد 
سارة مش عارفة اي حاجة 
ادهم طيب تعالي ننزل 
سارة طب ازاي برجلي دي !! 
ادهم مالكيش دعوة تعالي بس اساعك تلبسي وانا هتصرف 
وبالفعل اختارت سارة طقمها وجابه لها ادهم وحطه علي السرير جنبها ووقف 
سارة بتعجب ايه !! واقف كده ليه !
ادهم بمكر هساعدك 
سارة لا شكرا انا هتصرف 
ادهم لالالا انا متاكد انك مش هتعرفي وبعدين رجلك هتوجعك لو اتحركتي جامد خليني معاكي 
سارة ادهم بقى بطل رخامة مش هينفع روح بقى 
ادهم لا مش ماشي انا قاعد 
لف ادهم ونام علي الناحية التانية من السرير ومدد رجله وبيبتسم بخبث مسك ريموت التلفزيون وفتحه 
بصت له سارة بضيق وقالت بمكر 
خلاص يا مچنونة هخرج خليكي 
خلصت سارة لبسها وبصت لادهم وقالت 
لا خلاص انا لبست ولا يهمني 
ادهم بابتسامة مچنونة هقول ايه بجد مچنونة 
وقعد علي ركبه قدامها بص لها بحب وقال 
انا بحمد ربنا انك معايا وفي حياتي اول مرة قلبي يدق كان ليكي وقفلته عليكي ومش هفتحه ابدا حتى لو انتي عايزة تخرجي 
ردت سارة ببعض الخجل والتوتر وانا عمري ما هخرج لان بردو انت اول حد يمتلك قلبي واول واحد تشوفه عيني قدرت بجد انك تبني سارة جديدة كوني اني احارب عشان انسى الم وچرح انا عشته عشان بس اسعدك ده بيثبت لي مكانتك في قلبي كل يوم 
ادهم هشيلك من هنا لحد العربية واول ما نوصل هشيلك للبحر بس انا معنديش طاقة عشان اقوم 
سارة هتشيلني !! قدام الناس كده !! وبعدين لما انت مش عندك طاقة بتعرض نخرج ليه !
ادهم ما انتي هتديني الطاقة دي 
سارة بتعجب ازاي بقى !!
بصت له سارة بضيق وربعت ايديها قدامها وقالت 
بقى كده ! انت بتستغل المواقف علي فكرة 
ادهم حقي استغلها يلا مش هستنى كتير 
اتكسفت بشدة وحست قلبها بيدق وصراع داخلي جواها 
ادهم بمكر علي فكرة الطاقة
دي متوصلكيش لباب الاوضة انا قلت هنا 
سارة بخجل لا خلاص مش عايزة انزل 
ادهم باستسلام خلاص خلاص امري لله اعمل الخير وارميه في البحر 
خرجوا من الاوضة ومنها للاسانسير ومنه للاسستقبال وبدأت عيون الناس تتوجه عليهم اتكسفت سارة بشدة 
ضحك بخبث وقال انا عندي استعداد افضل هنا علطول وبالوضع ده 
قرب منهم واحد من موظفين الفندق وقال بابتسامة 
مساء الخير الف سلام لحضرتك اي خدمة نقدر نقدمها 
رد ادهم بابتسامة رسمية لا متشكر 
الموظف احنا ممكن نوفر للمدام عربية مخصوص يوصلها لو حضرتك تحب 
اتضايق ادهم من الموظف ورد عليه بجدية 
لا متشكر زي ما انت شايف انا عارف اتصرف 
ها تحبي تروحي فين 
سارة بخجل البحر انا بعشق البحر 
ادهم يلا بينا علي البحر يا رودتي البرية 
ضحكت سارة بخجل فتح ادهم الشباك وبدأت تشم ريحة البحر اخدت نفس طووووويل واتنهدت برضا وحمدت ربنا علي السعادة اللي هي عايشاها 
بعد كام ساعة 
عند ندى في المستشفى 
انتهى شهاب وطارق من جمع كل حاجة ندى وحطوها في شنطتها الخاصة وساعدتها واحدة من الممرضات في تغيير هدومها قاعدة علي طرف سريرها وسندت بايدها عليه بضعف وبالايد التانية ماسكة الموبايل بتاعها وبتبص له 
متقلقيش يا حبيبتي هيجي هو لسه متضايق استحملي شوية انتي بردو بعتيه وحسستيه ان مجهوده السنتين اللي فاتوا ولا ليهم اي لازمة وان اللي بناه معاكي اتهد في لحظة 
غلبت ندى دموعها مسكت في قميص طارق وعيطت پقهر حاولت تتكلم ما بين عياطها وقالت 
محتجاه اوي يا طارق كنت محتجاه اوي جنبي اليومين دول محتاجة اللي كان بينسيني الدنيا اللي كان بيديني الامان اتوجعت اه طلعت ۏجعي فيه لكن والله انا مقدرش على بعده ولا ثانية عايز يزعل مني ماشي لكن وهو جنبي ميسبنيش 
قعد شهاب جنبها الناحية التانية وقال بحزن 
وهيرجع يا ندى خالد بيعشقك وميقدرش يستغنى عنك بس هو محتاج يبعد شوية يجمع نفسه وافكاره انتي غلطتي ولازم تتحملي واحنا معاكي حاول شهاب يغير الموضوع الا صحيح ابلة فاطمة عاملة لك شوية محشي انما ايه علي فكرة انا مقولتش لها اي حاجة عن تعبك ده عشان بس متغلطوش قدامها
ندى انا مش هروح معاكم خالد قالي اروح علي البيت 
شهاب بتعجب هو في البيت !
ندى تقريبا كده بس هو لسه زعلان 
طارق بتعجب ازاي في البيت وازاي زعلانة انه مش معاكي ندى ! خالد مش في البيت وانتي بتقولي بس كده صح !!
ندى بتوتر هو قالي هستناكي في البيت انا بس قصدي انه كان يبقى واقف جنبي وهو اللي ساندني وانا ماشية 
طارق بعدم اقتناع ربنا يهديكم لبعض 
ندى هروح بس اطمن علي شهد قبل ما امشي 
وبالفعل خرجوا وشهاب وراهم شايل شنطتها وراحوا الثلاثة ناحية العناية المركزة وهناك كان ابراهيم سهير ومعاها نعمة والدة شهد ومحمد اللي كان في حال يرثى لها 
ندى ايه الاخبار دلوقتي يا جماعة !
سهير مفيش جديد من ساعة ما دخلت في غيبوبة والوضع زي ما هو 
ندى بحزن ان شاء الله تقوم بالسلامة وربنا يطمنا عليها اجمد يا محمد عشان ابنك محتاجك دلوقتي متعملش في نفسك كده 
محمد بحزن ادعي لها يا ندى انا مقدرش اتخيل حياتي من غيرها 
الكل ربنا يقومها بالسلامة 
ابراهيم خلاص يا ندى خارجة !
ندى اه يا عمو 
ابراهيم خالد لسه مظهرش !
ندى لا اتصل بيا ومستنيني في البيت كذبت ندى
الكذبة وبتحاول تصدقها وبتمني نفسها انها تروح تلاقي خالد في البيت عن اذنكم السلام عليكم 
الكل وعليكم السلام 
مشيت ندى مع اخواتها ووصلت البيت ودخلت البيت وشافت شنطة سفر جنب الباب قلبها اتقبض 
قالت لنفسها هو هيسيب البيت ولا ايه ! اوعى تعمل كده يا خالد وتسيبني انت ھټموټني بالبطئ 
حط شهاب شنطة ندى جنب الباب واطمن لما شاف حاجة خالد موبايله ومفاتيحه علي الترابيزة واطمن انه موجود 
شهاب احنا هننزل بقى لو احتاجتي اي حاجة كلمينا 
ومشي شهاب وطارق مشيت ندى ناحية اوضتها بخطوات 
وقفت
 وبصت لقت خالد نايم علي السرير ومش حاسس بيها 
وقال في نفسه سامحيني انتي اللي اضطرتيني ل كده 
ونام هو كمان 
في المستشفي عند مريم انتهت من عمليتها وبعد ساعتين فاقت من البنج وكان معاها والدتها واخوها بعد ما اطمنوا عليها من الدكتور 
لحظات وخبط علي باب الاوضة 
آسر ادخل 
اتفتح الباب وكان سيف دخل ووقف قدام سرير مريم وقال بملامح كلها جمود 
حمدلله علي السلامة