رواية ضحي كاملة
المحتويات
پغضب اعمي لا بقا بقولك اي انتي بتاعتي انا بس مراتي انا بس وام ولادي انا بس منتيش هتحبي حد غير ولا هتتنيلي تتجوزي غيري وابقا اسمعك تقولي نغمتك الجديده دي انا حره والله والله لاهد الدنيا علي دماغك يا خديجة ابقي وريني بقا هتتجوزي ازاي وهقولهالك تاني يا خديجة هتفضلي بتاعتي انا بس ومراتي انا بس ماشي
وحدفها علي الكنبه
ومشي ورزع الباب
وخديجة فضلت تستوعب كلامه لدقايق
وبعدين حطت اديها علي بؤها وفضلت تضحك تضحك جامد لان رامي بيغير عليها وهي اول مره تشوفه كدا
خديجة ويا تري بقا غيرتك دي حب يا رامي ولا مجرد حب امتلاك حاجة بتعتك ف مترحش لغيرك
وبعدين طفت الانوار وراحت عشان تنام
البارت الرابع عشر
احببتك جدا لدرجة انه عندما تغيب عني يغيب معك كل شئ
وفي حضور عينيك تتلاشى الوجوه فلا ابصر سواك
ومالي اراك في كل الوجوه اغزوت قلبي ام غزتك كل الاماكن
وتاني يوم الصبح خديجة صحيت وعملت الروتين اليومي بتاع كل يوم ولبست والولاد ولبست هي كمان وبعدين جايه تمشي بتفتح الباب لقت رامي فوشها
خديجة بخضه بس الله الرحمن الرحيم
رامي اي شوفتي عفريت
خديجة مش قصدي والله بس مهو بردو محدش بيعمل كدا يا رامي انا قطعت الخلف يا جدع
خديجة باستغراب توصلني
رامي اه هوصلك مالك بلمتي كدا غريبه يعني ولا اي
خديجةلا ابدا بس يعني
رامي مفيش بس ومفيش يعني هاتي والولاد ويلا
ومشي وسابها تيجي وراه
خديجة لنفسها ماله بس يعني هو يارب ناقص برود اكتر ما هو بارد يارب لا ده وكمان جمب البرود بقا ديكتاتور يا ساتر
رامي يلااااااااا
خديجة وهي بتمشي بسرعه جايه جايه اهو
استرها بقا يارب
وفعلا ركبت معاه العربيه ووصلوا الولاد عند مامت رنده ونزلت ووصلها الشركة
وقف بالسياره قدام الشركة
ولسه هتنزل قاطعها صوت رامي استني هنا عندك هتخلصي امتي النهارده
خديجة وده ليه ان شاء الله
رامي بصلها بصه مخيفة
خديجة وهي بتبلع ريقها بصعوبة الساعه 3 هخلص الساعه
رامي تمام يلا انزلي
وبمجرد ما خديجة نزلت من العربيه رامي جري بيها بسرعة كبيره
خديجة اي ده ياربي ده الحمد لله اليوم فله من اوله
واتنهدت ودخلت الشركة وبدأت يوم شغلها
ورامي راح علي مكتب المحاماه بتاعة ودخل المكتب لقا حمزه قاعد بيدرس ملف ف ايده
حمزة اهلا اهلا بالوح اي ده في اي يا ساتر يارب وشك مقلوب كدا ليه اللهم احفظنا
حمزة اتعدل ف جلسته لا مفيش دي تقولها لمراتك لما تحب تقلب الادوار وتنكد عليها انت انما انا لا اتعدل معايا ف الكلام
رامي بصله ببرود وهو ساكت
حمزه شوف بيبصلي
ازاي مهو اعمل حسابك انا مش هنزل من علي ودانك النهارده الا لما اعرف تجبها يمين تجبها شمال هعرف ف انجز اي اتخانقت مع داليا ولا الي
رامي داليا مش ف البيت من اسبوع اصلا
حمزة نهارك اسود اسبوع ليه
رامي اتخانقنا سابت البيت وراحت عند اهلها ومن ساعتها وهي هناك
حمزة الله طب مروحتش صالحتها ليه كل ده وسايبها عند اهلها
راميمش متنيل مصالح حد هي الي غلطانه وقت ما تعرف كدا تبقا ترجع ولا مترجعش هي حرة ولو مرجعتش يبقا اريح
حمزة پصدمة اريح !!!! يا سبحان الخالق من 5 شهور والله 5 شهور كنت فنفس ذات مكانك ده بتقول فيها اشعار بحبها يا حمزه ھموت واتجوزها يا حمزه وشهر العسل الي اضرب ف 3 ده تقلب كدا بقدره قادر تبقا اريح !!! اي حصل لكل ده
رامي بضيق من سيرتها سيبك منها دي بني ادمه تافهة ومش بتاعت مسؤليه لما تبقا تتعلمها بقا يبقا يحلها حلال مش دي المشكله
حمزة اومال اي يا اخرة صبري
رامي بشرود خديجة خديجة هي المشكله
حمرة باستغراب خديجة !!! ياخي بطل افترى هي خديجة بتعرف تعمل مشاكل
رامي پغضب الهانم الهانم باينها كدا بتفكر تتجوز
حمزة پصدمة قول اقسم بالله
رامي بصله ببرود
حمزة لا حقيقي بجد
رامي پغضب اه عايزه تتجوز الهانم وتعيش حياتها لا وامبارح بكل اريحيه تقولي وماله يعني مش شرع ربنا
حمزة بجد اد اي انا فخور بيها طب ما تتجوز اي الي مضايقك كدا ومخليك شويه كدا وهطلع ڼار من ودانك وتقلب تنين
رامي راحله پغضب ومسكه من لياقة قميصه بقولك هتتجوز هتتجوز تقولي اي الي مضايقني وفخور بيها يا الي معندكش ډم يا بارد
حمزة طب اوعي اوعي كدا القميص مكوي يا عم وبعدين اه اي الي مضايقك كدا مش طلقتها عايز اي
واه شرع ربنا ولا هو حلال عليك وحرام عليها ويجي عندها ويقف مش انت اتجوزت بردو ولا انا بيتهيألي وعملت فرح وشهر عسل 3 شهور وهيصه وبحبها اي بقا مستكتر عليها تعيش حياتها هي كمان ولا اي هي حره تعمل الي تعمله تحب تجوز تخل
رامي پغضب شديد انتوا عاوزين تجننوني هو اي الي حره حره لا مش حره ومش هتتجوز غير ولا هتحب غيري وعلي حثتي الكلام ده يحصل ويبقا حد يقربلها كدا ال حره ال انا هفضل طول عمري حبها الوحيد ومش هتحب غيره انا اتجوزتها وهي عندها 18 سنه لسه طفله وكبرت قدام عيني انا وحبتني انا واتجوزتني انا وفي بنا ولاد كمان وعايز بعد كل ده اسبها لحد تاني كدا يجي يا خدها مني ده انا كنت اموته واشرب من دمه وهرجعها تاني بالذوق بالعافيه بقا هرجعها ليا تاني وابقا اسمع بقا حد يجيب سيرة جوازها تاني
وسابه ومشي وطلع برا المكتب پغضب اعمى
حمزة يا نهارك مش فايت بقا كل ده ف قلبك من ناحية خديجة وكنت بتقول مبتحبهاش ياخي حبك برص ياخي ده انت بتعشقها
وصمت قليلا ثم تابع بخبث بس احسن تستاهل انت اساسا لازم تتربى وتتسحل كدا ال رايح يسيب خديجة ويتجوز الحيزبونه الي معاه دي ياخي تبا لك
نروح ف الشركة الي خديجة بتشتغل فيها وتحديدا ف المكتب عندها
كانت بتتكلم ف الفون مع رنده
رنده جرا اي يابت هو اي الي حصل بينك وبين رامي خلاه قالب الدنيا كدا
خديجة پصدمة انتي عرفتي منين ان حاصل حاجة اصلا
رندة اهو يعني حصل ومحكتيش يا واطياااااااااا
خديجة اقولك اي بس اسكوتي ده اتجن خالص
رندة لا ده الموضوع كببر بقا ومش عايز فون بس خلصت انا هجيلك النهارده بالليل وتحكيلي بالتفصيل الممل
خديجة خلاص مستنياكي اهو بالمره تشوري عليا
رنده خلاص اشطا اهجيلك الساعة 7 يلا بقا سلام عشان الحق اخلص الي ورايا عشان اجيلك
خديجة خلاص يلا سلام
وقفلت الفون مع رنده وحطت اديها علي خدها وافتكرت الي حصل مع رامي ومنظرهم امبارح ف فضلت تضحك وهزت رأسها من تصرفاته
وجه معاد انصرافها ولمت حاجاتها وبترفع راسها لقت رامي واقف عند باب المكتب ومربع ايده وساند ع الباب وبيراقبها ببرود
خديجةيالهوي ياني هو انت ناوي تجبلي جلطه النهارده انت دخلت امتي اصلا
رامي بسخرية من ساعة ما كنتي سرحانه وبتضحكي اي كنتي بتفكري ف مين كدا وضحكيني معاكي ولا كنتي بتفكري ف الباشمهندس
خديجةباشمهندس!باشمهندس مين
رامي الباشمهندس حسن ابو البنات الا هو فين عايز اسلم عليه
خديجة پخوفلا تسلم علي مين مشي هو الحمد لله مشي وبعدين انا حره افكر فالي انا عايزه افكر فيه اي هتتحكم ف افكاري كمان
رامي پغضب خديجججججة متعصبنيش
خديجة يا عم ولا اعصبك ولا ټعصبني ومش وقته ولا مكانه الكلام ده هنا يلا يلا نطلع من هنا
رامييلا هوصلك
خديجة ماشي ماشي بس يلا من هنا بقا
وفعلا خرجوا
من الشركة وراحوا خدوا الولاد وروحوا
وخديجة نزلت من العربيه بسرعه رجريت علي بيتها وقفلت الباب
رامي من وراء الباب ماشي ماشي يا خديجة بتهربي
مني انا بس هتروحي مني فين بردو هجيبك ومسيرك يا ملوخية تيجي تحت المخرطة
وكل ده خديجة سامعاه وهي سنده علي الباب وحطة اديها علي بؤها بتمنع نفسها من الضحك
ولما سمعت خطواته الغاضبه وهو طالع ع السلم اڼفجرت من الضحك عليه
مالك هو بابي بيزعق ليه يا مامي هو زعلان
نزلت لمستوا ابنها وقالت لا يروح مامي بس بابي بيهزر معايا متخفش
مالك هو كدا بيهزر انه افتكرته زعلان من حاجة اصل كان شكله يخوف اوي
خديجة بتحاول تمنع نفسها من الضحك لا يا قلبي متخفش هو بيهزر
وعدت باقي الساعات من غير اي جديد لحد ما جت الساعه 7 وجرس باب خديجة رن ف عرفت ان هي رنده
وراحت فتحت الباب واول ما فتحت رنده دخلت بسرعه وقالت ولا سلام ولا كلام ولا مكنيكا فاضيه اقعدي احكيلي كل حاجة وبعدين نشوف الموضوع ده
خديجة يا ساتر توره بتتكلم
رنده بردو نشوف الموضوع ده بعدين بس احكي
خديجة بياس امري لله اسمعي يا ستي
وحكت خديجة لرنده كل حاجة بالتفصيل
رنده بضحك يالهوووووي ھموت واشوفه وهو بيجري وراكي مش قادره
خديجةبضحك شوفي انرا بقول اي وخيالك الواسع بيفكر ف اي
رنده لا مهو اصل انا تخيلتكوا وشكلكوا مسخره ف خيالي اوي
وفضلوا الاتنين يضحكوا
رنده لا بجد بقا انتي جدعة انه وهمتيه انك ممكن تتجوزي تربيتي
خديجة معرفش انا عملت كدا ليه بس حبيت افهمه اني مش ببكي عليه او اني تحت امره حبيت اعرفه اني حره وخلاص معنتش اخصه
رنده بس رامي بيحبك اوي يا خديجة
خديجة قامت وادتها ضهرها اي بس الكلام الي انتي بتقوليه ده بس يا رنده حب اي بس رامي عمره ما حبني
رنده ده الي كان بيوهم نفسه وبيوهمك بيه فكره ان ابوه هو الي قاله اتجوزها سيطرت عليه لسنين وكان محپوس جوها خلته يعيش دور المڠصوب والضحيه مع انه
رندة رجعي جوزك ليكي تاني يا خديجة رجعيه بس علميه الادب الاول بس متسبيهوش يضيع من ايدك
خديجةبحزن ازاي بس ازاي وهو متجوز مش عايزه اخرب بيت حد انا
رنده پغضب شوف الي هتجبلي ساكته قلبيه دي هو مين دي الي مش عايزه تخربي بيتها دي مش دي بردو الي السنيوره الي فضلت تلف وتدور وتدحلب لحد ما خدته منك وخلتك تطلبي الطلاق وهو طلقك يبقا مين بقا الي خرابه بيوت وبعدين انتي مراته الاولي وبنت عمه وام ولاده انتي الي ساعديه يقف علي رجله وعملتي معاه كل حاجة وهي جت خدته كدا وخربت بيتك اي نعم هو مش نغة وهو سبب كبير اوي ف الي حصل هو الي اداها الفرصة دي بس اهو هما الرجاله نفوسهم ضعيفه ودي نزوه ف مضيعيش الفرصه من ايدك يا خوخة رجعيه ليكي تاني بس بارادته واختياره وعرفيه قمتك الي انا عارفه ومتاكده انه عرفها خلاص
وتابعت انا همشي دلوقت بس والنبي فكري ف كلامي رجعي جوزك عشان خاطر حبك وولادك
متابعة القراءة
