رواية اية مكتملة

اي حاجه
في البيت عند عزيز
رجاء ايوه كده كويس انك طلعتها بره القصر كانت هتخرب علينا حياتنا منه لله
عزيز الكلام بينا لسه مخلصش لسه في بينا حساب كبير انتي نسيتي انك كانتي شريكاته في كل حاجه انا سمعت كل كلمه بينكم بس حسابك لما اروق من اللي انا فيه
رجاء بدات تبلع عرقها من الخۏف ومره واحده جريت على اوضتها
عزيز دخل الاوضه كان حزين على
فراق حليمه ماكانش قادر يوقف دموعه احساس جواه بيقول له انها مظلومه واحساس تاني بيقوله انها كانت بتستغله وبتضحك عليه
في البيت عند محمد ونور
محمد انا فكرت في كلامك جوازنا من الاول كان لسبب وخلاص ده وقته اننا ننهي الجوازه دي
نور مكنتش مصدقه كانت فاكره اني هو هيتمسك بيها اكتر من كده
نور كويس انك عرفت يلا مستني اي انهي الجوازه دلوقتي
محمد قرب منها وقف قدامها
محمد انتي
وقبل ما يكمل الكلمه نور حطت ايديها على بوق محمد
نور طب ابقي انطقها كده شوف انا هعمل فيك اي
محمد ابتسم لها من كلامها
محمد ما هو مش ذنبي اني انا اتجوز واحده مجنونه
نور انت مش كنت هتطلقني انت وحش
محمد عمري ما كنت هطلقك يا

مجنونه
نور امال كنت هتقول اي
محمد كنت هقولك انتي حبيبتي وروحي وعمري انتي الحاجه الحلوه اللي ظهرت في حياتي حد يسيب روحه
نور طب ياريتني كنت سبتك تقول الكلام الحلو ده
محمد طب ما احنا لسه فيها
نور بس علشان بتكسف
محمد انا مبقتش فاهم اي حاجه انتي عايزه اي بالظبط
نور حاولت تفك نفسها من علشان تجري وتقفل على نفسها
الاوضه بس محمد ما كانش مديها فرصه
محمد لو اتقلبتي قرده مش هسيبك الا ما تقوليلي انتي عايزه مني اي بالظبط
نور.........
محمد هتفضلي ساكته كده
نور وشها احمر وخدودها احمرت من الكسوف
محمد انطقي
نور محمد اوي
نور انا ما كنتش عايزاك تطلقني
محمد طب وليه طلبتي اني انا اطلقك من الاول
نور كنت عايزه اعرف اذا كنت بتحبني ولا لا
محمد وعرفتي
نور ايوه
محمد طب وانتي اي
نور بعدت عن مره واحده وحبت تجري على الاوضه بس محمد مسكه من ايديها
محمد هو وانتي فاكره نفسك هتهربي مني زي كل مره
محمد رجع شدها تاني 
نور بصت في عينيه اللي كانت كلها حب وبدات تبتسمله وهو كان تايها في
جمالها وفي عز لحظه سكوت
نور بحبك
محمد قلتي اي
نور متحلمش اني هقولها تاني انا اصلا قلتها بالعافيه
طب لو قلتلك وحياتي عندك تقوليها تاني
نور حطت راسها على صدر محمد وايديها حوالين وسطه
نور بحبك
محمد رجع تاني يبص في عينيه وبدا يغمزلها
نور مره واحده جريت على الاوضه وقفلت الباب
محمد مش انا قلت انك مجنونه
نور من وره الباب
نور انت فكرني هتضحك عليا زي ما ضحكت عليا قبل كده
محمد اوعدك هقعد موادب
نور امشي يا نصاب انت فكرني هامنلك بعد ما غمزتالي بعينك الحلوه دي وآله غمزاتك الي عايزه تتاكل
محمد اي ده انا بتعاكس بقا يبت افتحي
نور انا نمت
محمد بحبك يا مجنونه
محمد دخل الاوضه التانيه ونام وكان فرحان اوي
الساعه جت 1200 بالليل نورحضرت هديه تحفه ودخلت على محمد وهو نايم بدات تلعب في شعره مره واحده محمد صحي من النوم اول ما شافها قدامه ما كانش مصدق نفسه
نور كل سنه وانت طيب عيد ميلاد سعيد النهارده عيد ميلادك
محمد قام اتنفض من على السرير
محمد باستغراب عيد ميلادي انا
نور ايوه
محمد انتي عرفتي ازاي عيد ميلادي
نور اللي بيحب حد بيعرف كل حاجه عنه
محمد تعرفي انا اول واحده تقولي كل سنه وانت طيب وتفكرني بعيد ميلادي
نور واخر واحده ان شاء الله اتفضل هديه بسيطه كل سنه وانت طيب
محمد فتح الهديه وشاف المحفظه اللي كانت جايبهاله محفظه شيك جدا
محمد مسك ايديها
محمد ربنا يخليكي ليا
نور يلا كمل نوم بقى عايز حاجه
محمد هو اي اللي عايز حاجه انت رايحه فين
نور هروح انام
محمد طب والهديه بتاعتي
نور انت بتضحك عليا مش انت لسه واخدها
محمد تعرفي ماما كانت بتعمل اي يوم عيد ميلادي
نور كانت بتعمل اي
نور انت قليل الادب
محمد قفل النور
محمد انتي لسه شفتي قله الادب
تاني يوم الصبح
حليمه صحيت على صوت رنت تليفونه
حليمه الو
رامي اي يا مدام حاولت اكلمك كتير وانتي مابترديش عليا
حليمه معلش يا دكتور رامي اصل انا مش في القاهره
رامي امال انتي فين
نور انا في الاسماعيليه
رامي وازاي سبتي عزيز لوحده
حليمه عزيز ما بقاش محتاج حد واول ما فتح عينه طردني من البيت
رامي يعني عزيز بجد رجع يشوف تاني
حليمه الحمد لله رجع يشوف
رامي ده خبر حلو اوي طب ممكن اعرف هو طردك ليه
حليمه عادي يا دكتور ماحصلش نصيب بينا بعد اذنك انا تعبانه وعايزه ارتاح عايز حاجه
رامي لا عايز سلامتك خلي بالك من نفسك ولو احتاجتي اي حاجه كلميني
حليمه شكرا يا دكتور
حليمه خربت من الاوضه بتاعته كانت خديجه ومامتها قاعدين بيفطروا
خديجه قامت سلمت على اختها
خديجه انتي وحشتيني اوي يا حبيبتي
حليمه وانتي كمان يا حبيبتي
خديجه عامله اي وجوزك ما جاش معاكي ليه
حليمه هحكيلكم بعدين
ام حليمه تعالي يا بت اقعدي