رواية جديدة الفصول من 7-12

يسحب يدها ولثمها قائلا
انا مصعب بس معاكي انت بالذات
وينظر بطرف عينه لمنيرة بنظرة مغيظة.. 
لتجز منيرة علي أسنانها وتهتف
المفروض كان ياخد ميعاد الأول...هي دى الأصول...صح ولا لاء يا دكتور
لتشهق امها في عڼف وتضربها علي ذراعها بقوة صاړخة
يا خبر ...ياخد ميعاد علشان يجي بيته!!!!. اخرسى يا بت...وادخلي غيري هدومك اللي شبه هدوم الخدامين دي
رفعت منيرة حاجبا شريرا للغاية ودققت النظر لمصعب وهتفت 
حاضر يا ماما...هغير هدومي ...مع أنه ملوش لازمة يعني ...واحد وجاي بيته ومش لازم ياخد ميعاد...يبقي ليه أهتم بموضوع اللبس دا مثلا...شرفت بيتك يا دكتور 
استمر مصعب في النظر إليها بطريقة مستفزة متسلية وهتف علي حين غرة 
منيرة صحيح هو أنا اسمي الثلاثي ايه اعملي حسابك انا جاي احدد ميعاد كتب الكتاب اللي هيكون يوم الفرح أن شاء الله واحتمال كبير الخميس الجاي..والمفروض هنختار الجهاز والشبكة كمان...وعمي يعرف اني جاي النهاردة بس بصراحة مش حددنا الوقت
وابتسم بمكر ونظر نحوها بتحدى
علشان كدا بسألك يا عروستي اللي بتنقط ميه ولسانها بينقط حاجات تانية كتير...اسمي الثلاثي ايه يا منيرة حمدي حسين
تراجعت منيرة للخلف وهي تثبت نظراتها علي اعين مصعب في تحدى للعيون لا ينكسر ولا ينحني وهتفت بلا اهتمام زائف
دا طبعا بيوضح الفرق ما بين المؤهلات العلمية العليا تحسي دماغهم مركزة مع كل المعلومات الحياتية وما بين المؤهلات المسكينة المتوسطة اللي الزمن أثر علي دماغهم ونسيوا اسمهم مش أسم زوج المستقبل 
وارتسمت ابتسامه واسعه علي شفتيها وهتفت 
هغير هدومي ...أكيد كتر المية سببت لي زهايمر وأن شاء الله لما أرجع اكون عرفت إجابة السؤال الصعب دا يا دكتور .......مصعب
هربت من أمامه بسرعه لتدخل غرفتها وتغلق الباب پعنف ليبتسم مصعب بسعادة حقيقة لشقاوة تلك الطفلة ويتوعدها في نفسه بكل الويل والثبور وعظائم الأمور....
تنحنحت امل في حرج هاتفة
انت شرفتنا يا بني ...ثواني واجهزلك فنجان قهوة علشان الصداع اللي حصل
لتهرب هي الاخري من أمامه ويتحرك مصعب مبتسما دون حرج ويجلس على أقرب كرسي وينظر لغرفة منيرة المغلقة هاتفا 
هانت يا منيرة ....خمس ايام وهتكوني في بيتي ...وابقي وريني شطارتك وشجاعتك ولسانك الطويل يا منيرة النمرة...
دخلت منيرة غرفتها سريعا فوجدت فاتن ورضا وبدأت تسألهم سريعا وهي تختار ملابسها لتغييرها 
فاتن ....رضا ..حد فيكم يعرف اسم الدكتور مصعب بالكامل
تفاجأ الاختين بالسؤال لتهز كل منهما رأسيهما بالنفي وتسألها فاتن بتعجب 
ليه هو انتي مش سألتى علي اسمه لما أتقدم او في جلسه التعارف
لم ترد عليها منيرة وهي تفكر بسرعة كيف تتصرف في هذا الموقف لتخرج منه بسهولة ...طبعا ابيها يعرف ولن تستطيع الوصول إليه أو حتي سؤاله ...ومصعب بالخارج لن تستطيع سؤال أحد اخوتها الذكور مطلقا لتهتف فجاءة
لقيتها ...طيب يا دكتور مصعب 
أمسكت بأقرب تليفون محمول أمامها لتصرخ رضا 
تليفوني ....حرام لسه شاحنه الرصيد يا ظالمة ...خدي تليفونك أو تليفون فاتن
لم تهتم منيرة حتي بالرد عليها لتسمع جرس من الطرف الآخر لترد سمر فتسألها بسرعة
سمر ...اسم الدكتور مصعب بالكامل ايه
صمتت سمر دليل الجهل الكامل والتعجب للسؤال وهتفت اخيرا
معرفش والله يا منيرة ...محدش قال الأسم كامل قدامي ...وياسين مش موجود
صړخت منيرة في التليفون هاتفة
طيب نادى اي حد من الاولاد بسرعة
نادت سمر علي أحمد اكبر الاولاد ليمسك التليفون لتسأله منيرة بهدوء كاذب متملق
حبيبي ...تعرف اسم زوج مريم بالكامل ايه يا حلو يا أمور انت
استمعت منيرة لأحمد لتتألق عينيها بظفر
خرجت منيرة من غرفتها وهى سعيدة وتلبس بنطال متسع ازرق اللون وعليه قميص ابيض اللون فضفاض و حجاب جميل يزين وجهها لتقترب من مصعب وتمد يدها مرحبة هاتفة بمكر أنثوي لذيذ بالنسبة له
اهلا اهلا دكتور مصعب السيد فتيح عندنا ...يا مرحبا يا مرحبا
ليلتقط مصعب أصابعها الرقيقة ويضغط عليهم بشدة كادت أن تكسر معها أصابعها إلا أن منيرة لم تتأوه بل بادلته الابتسام ونظرات التحدى ليبتسم لها مصعب ويهتف 
ممتاز طالبة مجتهدة وعرفت إجابة السؤال....يارب تفضلي علي طول مجتهدة ومش ناخد ملحق او نعيد السنة في الآخر
رن جرس الباب لينقذ منيرة ويترك مصعب يدها علي مضض وهو متعجب من حاله لا يفهم سر سعادته البالغة بوجود منيرة في حياته والتي لا تتعدى الاسبوعين ولكنها اشعرته بالحياة فعلا....
أسرعت والدة منيرة بفتح الباب لتدخل رجاء صاړخة پغضب 
هو فين اخويا اللي حتي مش بيسأل في اخته يعرفها بخطوبة بنته ....اعرف من الناس يا امل ان منيرة اتخطبت ....ليه دا انا حتي افرحلها هي بالذات مصېبة وهتنشال من البيت الحمد لله....ويا تري المعدول اللي وقع في شړ أعماله بيشتغل ايه
اكيد طبال علشان يعرف يتعامل مع بنتك ويسكتها بصوت الطبلة....
لتضحك منيرة بصخب وتقترب من عمتها وتهتف بخبث مشيرة ناحية مصعب هاتفة
اهو هو دا المعدول الطبال خطيبي يا عمتو ....حبيبتي والله يا عمتو ياللي فرحانة بيا ...يسلملي شعورك واحساسك المرهف من
ناحيتي
نظرت رجاء لمصعب بذهول متطلعة منبهرة بطوله الفارع واناقته الواضحه والهيبة المرسومة علي ملامحه في حين أنعقد حاجبي مصعب بضيق ولم يعقب على كلامها...
اندفعت نحوه رجاء 
انقضت عليها رجاء بالزغاريد والتهليل هاتفة بصوت خفيض
يا بنت المحظوظه ...دايما بختك ضارب ...اشمعني بناتي ولا واحده خدته حتي موظف او مكمل تعليمه ...يلا محدش يعرف هتكمل ولا لاء 
ارتسم الشړ علي منيرة وهتفت 
عمتو ..كلنا هنخرج دلوقتي نشتري الشبكة وبعدين عفش الشقه ...هم يادوب محلين معروفين ما تيجي معانا ...دا انا منيرة حبيبتك
دخلت أمل وحمدى ومازن المنزل يجرون أرجلهم متأوهين بشدة وهتفت امل 
حرام عليكي..عذبتينا يا بنتي ولففتينا نص محلات البلد ...الحمد لله أنك اختارتي في الاخر...حاسه انك قاصدة اللفة الطويلة دى ...يا تري تعذيب لمصعب ولا عمتك رجاء
نظر مازن نحو منيرة المبتسمة بحالميه وهتف پغضب
دى مفترية والله ...يعني قاصدة عمتي ولا خطيبها احنا نضيع في النص ليه....امتي يجي الخميس وتتجوز وتحل عن سمانا ...رحمتك يا رب وصبرنا لحد يوم الخميس
لم ترد منيرة وتحركت ناحية غرفة اخوتها لتريهم شبكتها وهي مازالت تتذكر كلمات مصعب التي تدل علي معدنة الاصيل ورجولته الحقة
الشبكة والعفش حقك انتي...اختاريهم علي مزاجك وأنا مش هدخل في ذوقك لأن دى مملكتك وحقك ...انتي اللي هتعيشي فيها وتنظميها كل يوم ...ومش تهتمي للفلوس أن شاء الله خير ربنا كتير
دخلت منيرة لتري فاتن وتقفز عليها تقبلها بسعادة وفرحة هاتفة 
يا احلي منيرة ...بحبك اوي اوي...مبروك يا منيرة ...وشك حلو عليا اوي اوي...باركيلي يا اختي اخيرا اخيرا وحيد هيجي يتقدم ليا.... اتفقنا الخميس اللي بعد فرحك على طول ....ياااه بحبه يا منيرة ...نفسي يكون حلالي واتجوزه النهاردة قبل بكرا ...لولا ظروفه الماديه صعبة اوي وشغله قليل وكمان ظروف مرض امه كنا اتجوزنا من زمان .....معلش الصبر آخره السعادة والفرح بأذن الله 
نظرت إليها منيره مشفقة لا تدري كيف تقول لها ما في نفسها وخشيت أن تكسر فرحتها لكنها  وهتفت
الحب لوحده مش كفاية...بس ما علينا المهم يوصل بالسلامة يا ستي واحنا هنعمل معاه احلي واجب علشان خاطر فاتن اجمل واطيب واحده في بيتنا ...ربنا يسعدك يارب يا اختي
وصمتت للحظة ثم أكملت بنبرة حزينة ذات مغزى
أهم شيء تعرفي اننا كلنا معاكي وجنبك...مش تخلي أي حد في الدنيا يكسرك يا فاتن ....اللي يشتريكي جوا عنيكى شيليه واللي يبيعك اياكي تحزني في يوم عليه...
واكملت في نفسها بمر