رواية بسبب الشبه الفصول من التاسع للثاني عشر بقلم الكاتبة الرائعة

اوطى مما تتخيلى فريدة لازم تحبنى ف لمى بقا خطيبك دا عنها وابعدو عننا .
ايمان والا ! 
جمال والا هقولها أننا كنا بنحب بعض ومرتبطين زمان وانى سيبتك وخطبتها هى وانك غيرانه عشان اخترتها هى وحاولتى معايا عشان ارجعلك ..ها ايه رايك .
ايمان پصدمه ومين قالك أن فريدة متعرفش !
جمال لو كانت عرفت كانت عمرها ما هتتجوزنى .
ايمان عندك حق وانت بقا عايزها تحبك ليه .
جمال انا مزاجى كدة .
ايمان مينفعش واحدة حلوة تعدى من ايديك .
جمال الله ينور عليكى شطارتك بقا أننا مننزلش مصر غير وهى مراتى بجد .
ايمان بس كدة عيونى ...
وبصوت عالي ندهت فريدة ..
نور وقفت وقربت منها اى اللى حصل .
ايمان اللى حصل أن البيه جوزك بيهددنى يا اخليكى تقربى منه وتقعى ف غرامه يا هيقولك أننا كنا مرتبطين زمان لا ومش كدة وبس دا عاوز يقولك انى عرضت عليه نرتبط وانتى معاه ..تخيلى القذارة ..
نور بذهول تصدق يا جمال انت اغبى بنى ادم انا شوفته ف حياتى . 
Flash back من ٧ سنين
ايمان تتحدث على الهاتف مع فريدة video call ...
ايمان مش هتقوليلى بقا راجعه امتى .
فريدة يابنتى دا انا لسه مسافرة مكملتش كام شهر لسه معاكى ٤ سنين على ما اخلص .
ايمان پصدمه ايه دا مش هتنزلى اجازات !!
فريدة لا هنزل اكيد بس مش مستعجله يعنى كدة كدة بابا وماما جاين اخر السنه هيقضو معايا شهور الصيف ممكن ننزل سوا الصيف اللى بعد مثلا .. بس اشمعنى يعنى ملحقتش اوحشك واديكى شيفانى اهو ! 
ايمان عشان احدد تاريخ خطوبتى على اجازتك .
فريدة بذهول بتهزرى!! 
ايمان بكسوف لا بتكلم جد والله .
فريدة مين !وامتى وأعرفه ولا لا وشكله ايه وعرفتيه ازاى!! وأهله مين وبيشتغل ايه وازاى بقت خطوبه مش فاهمه جاوبى بسرعه يلا !!!
ايمان بضحك براحه بس ابلعى ريقك كدة بصى انا مش هعرف احكيلك دلوقتى اى تفاصيل لحد ما يكلم أهله والموضوع يبقى علنى بس اه تعرفيه كويس اوى كمان من صحابنا القدام واهله صحاب اهلى ولسه بيدرس معايا ف الجامعه وأمور وعنيه ملونه امتى بقا ف من زمان من وانا كطفله بس هو كان تقلان لكن مؤخرا لما بقينا ف جامعه واحدة قربنا من بعض وأعجب بيا وبقا بينا مشروع ارتباط . بس ياستى المفروض بقا هفاتح باباه قريب جدا مساله وقت بس وبعدين هنحدد الخطوبه أن شاء الله ولازم تبقى موجودة .
فريدة بفرحه وزعل ف نفس الوقت يعنى زى زى الغريب ماشى يا ستى عموما الف مبروك ربنا يهنى سعيد ب سعيدة .
ايمان عشان خطرى متزعليش والله لو عليا كنت حكيتلك من زمان بس هو مصمم وحلفنى محكيش لمخلوق عشان أهله شداد ولو عرفوا من بره هيرفضو ف عاوز يسمعو منه الاول وبعدين اقول براحتى بقا لكل الناس ف الاول رفضت وبعدين فكرت لقيته عنده حق وخصوصا اننا وسط واحد وأهلنا معارف فاهمه !
فريدة بقا كدة ماشى يا مونا هعديها المرادى بس لو معرفتش التطورات اول واحدة لا انتى صحبتى ولا اعرفك .
ايمان لا والله وعد انا مليش غيرك يا ديدا اصلا انتى عارفه.
فريدة ولا انا ياستى انا اصلا مكلماكى عشان احكيلك وافرحك معايا بس لقيت عندك اخبار قديمه بقا .
ايمان تفرحينى ب ايه اعترفى بسرعه .
فريدة بخجل قبلت ولد انهاردة كان لطيف اوى معرفش حصل ايه بس مش عارفه أطلعه من بالى وكنت متخيله انى لوحدى كدة لكن فوجئت بيه سايبلى عل باب السكن ورد وكاتبلى كلام حلو اوي.
ايمان الله ... ايه الجمال دا . وايه كمان ... كاتب ايه.. وعرف سكنك ازاى مشى وراكى! 
فريدة لا احنا جيران اصلا اتقابلنا الصبح وهو بينقل جديد من الدور الأول للدور اللى انا فيه ف الشقه اللى قدامى على طول حصل بينا صدف كتير اوى من الصبح لحد ما وانا راجعه لقيته واقف وماسك الورد ادهولى ومشى من غير ولا كلمه .
ايمان وكاتب ايه بقا عم الرومانسى .
فريدة  
إلى صاحبه اجمل عيون رايتها في حياتي الى اجمل ابتسامه واعذب صوت وارق طبع ظللت أتساءل طوال اليوم إذا كان لشعورى مقابل وحسمت امرى فى النهايه بأن اسالك إذا كان الجواب هو نعم ف سأكون بانتظارك غدا مساء فى مطعم La Maquette الساعه السابعه أما إذا كان الجواب لا ف سأظل اذكرك دوما بانك من سلبتى فؤادى ف دقيقتين ...
امضاء 
س
ايمان سيدى ياسيدى هو فى جمال كدة ... اوعدنا يارب .
فريدة بطلى كدب يابنت انتى مش ليه قايله مرتبطه .
ايمان بحزن بالاسم بس وحياتك ساعات بقول لنفسى أنه حب من طرفى انا بس وساعات بلوم روحى انى انجريت وراه ف العلاقه دى وساعات تانيه بحس انه لا بيحبنى بس مش بيعرف يعبر كويس مش عارفه بقا يمكن متلخبطه بس لو مبيحبنيش