رواية كاملة 6 الفصول من الثالث وعشرون للثامن وعشرون بقلم الكاتبة الرائعة

قايلك انه مستنى الوقت المناسب و ان عينه منها و هو على عينه والله الواد راخر نفسه النهرده قبل بكره 
هيام و انا والله 
ليلى بصى يا ست هيام سمر لحسام النهرده بكره بعده براحتها وقت متحب بس فى الاول و الاخر باذن الله نصيبهم سوا هو يعنى انا مش مستعجله انى افرح بابنى لا والله على عينى انه يستنى بس سمر تستاهل انه يستنى و بصراحه و منغير زعل انا حقانيه و اللى فى قلبى على لسانى متاخذنيش هو اساسا مش راضى بغيرها غلبت معاه و طلعت روحى بس هو متمسك بيها حتى مع ظروفها النفسانيه دى 
هيام شده و تزول باذن الله 
ليلى والله اللى مصبرنى هو نسبك و اهو الاختين يبقى قلبهم على بعض و يحاجوا على بعض و على اجوازهم و مفيش فى الدنيا زى اخلاق و ربايه بناتك 
هيام الله يخليكى و يعزك 
ليلى بس ايه يا هيام مفيش كوبايه شاى و لا حته كيكه من بتاعتك الحلوه دى و لا اقولك شكلك تعبان انا هقوم اعمل ليا و ليكى مهو انا مش ضيفه دا بيتى 
هيام انتى بتقولى فيها دانتى صاحبه مكان اتفضلى اتفضلى بس انا هقوم اساعدك بس 
ليلى هههههههههههه كلو على الله 
......................
فى العربيه 
حسام ايه الاخبار 
سمر تمام الحمد لله 
حسام على عينى والله مكنتوا خلتكوا مټخانقين تلت اربع سنين كدا ولا حاجه 
سمر اخص عليك عاوز تبعدنى عن ماما تلت اربع سنين 
حسام لا انا عاوزك جنبى 
سمر طب اطلع اطلع انت باين عليك رايق النهرده 
حسام هو حد يصطبح بوشك و ميروقش
سمر برده ولا مليم زياده على مرتبك اطلع عالبنك يلا 
حسام تحت امر معالى الريسه 
سمر هههههههههههههه
..........................
بعد فتره 
فى البيت 
سمر يا سالى والله خاطرك غالى عندى بس انتى ازاى عوزانى اروحله و اشمعن لوحدى يعنى
الحلقه السادسه و العشرون 
بعد فتره 
فى البيت 
سمر يا سالى والله خاطرك غالى عندى بس انتى ازاى عوزانى اروحله و اشمعن لوحدى يعنى 
.....................
سالى هو زعلان منك و بصراحه هو معاه حق كان ممكن تكرشى فتوح عادى انا اصلا مبحبوش بس سيد دا اخويا و غالى عندى له نفس غلاوتك بالظبط 
سمر يا حبيبتى و انا معترضتش بس هو غلط فيا جامد
سالى لا مغلطش هو لا كرشك و لا هزقك قدام اهلك انتى اللى عملتى كدا هو غلط لما جابلك عريس و لا غلط لما جابلك عريس وحش فى الحالتين ارفضى و قولى مفيش نصيب مش تهزئيهم 
سمر بصى خلينا بس نخلص مالجوازه دى و بعدين نروح براحتنا اعتزرله 
سالى هو كدا عمره مهيجى الفرح 
سمر ياربى عليكى يا سالى 
الباب يتفتح و عليا و مصطفى يدخلوا شايلين كميه اكياس رهيبه مصطفى يرميهم فى الارض و يترزع عالكنبه جنب سمر 
مصطفى انا بفكر جديا افسخ خطوبتى باختك حقيقى 
سمر دا يوم المنى يا حبيبى 
مصطفى احلى حاجه فيكى انك بتحبينى 
سمر دانت روحى روحى كدا عارف قاعد و مستربع كدا فى الحته اللى فى الشمال 
مصطفى دا العشم برده 
عليا حد يرمى الاكياس كدا افرض فيها حاجه تتكسر 
مصطفى ايه اللى ممكن يتكسر فى شويه هدوم و شنط و جزم يعنى ايه هاه ايه 
عليا اما انا جبت شويه اطقم انما ايه جناااااان وهم بجد هياكلوا منى حته 
مصطفى زوقى 
سمر كدا بدات اتوغوش 
مصطفى انا اصلا غلطان انى وافقت انى انزل معاها مبراحتها تلبس اللى تلبسه لكن انزل انا اربع ساعات اللف على الهدوم لما رجلى تورم كدا دا غير امبارح عالانتيكات و قبله و قبله 
عليا على فكره و بكره كمان 
مصطفى بقولك ايه هو انا كنت خلفتك و نسيتك مانا كمان عاوز انزل اشترى لنفسى شويه حاجات 
عليا بجد وماله هاجى معاك 
مصطفى دى مصدقت 
سمر مش عاوز تتجوز شيل 
مصطفى تعجبنى دماغك الرايقه 
عليا دا وقت روقان انا امتحاناتى بعد اسبوعين يعنى قدامك لاخر الاسبوع اكون فرشت الشقه و خلصت كل حاجه 
مصطفى مهو حضرتك الفرح مش اخر يوم فى الامتحانات فى كمان اسبوع بعد الامتحانات 
عليا لا حضرتك الاسبوع ده بتاعى انا عروسه و محتاجه تظبيط 
مصطفى عارفه انا ام التظبيط بتاعكوا ده هتروحى الكوافير يشطفوكى و يمرشوكى و يدخلوكى صندوق العجايب سبحان الله بقدره قادر تطلعيلى منه واحده تانيه لا ياختى انا عجبانى عليا دى اوى مانا مش هروح استلمك مالكوافير بوصل و اقعد احلفه اذا كنتى انتى عروستى و لا لا دانا صحابى بيحكولى بلاوى يا شيخه 
سمر متجرب مش يمكن تسحب واحده بالغلط و تطلع احلى 
عليا اخص عليكى 
مصطفى حقيقى اخص عليكى هو فى احلى من لولى 
عليا تطلع لسمر لسانها 
سمر اشبعوا ببعض اما اقوم اكلم حسام و انتى يا ست سالى خلصى الواجب بتاع الكورس ساعدها معلش يا مصطفى 
عليا انا هدخل ادخل الهدوم دى و اساعد ماما فى المطبخ 
مصطفى ورينى يا ست سوسو الواجب 
سمر تدخل البلكونه 
سمر انت فين يا حسام 
حسام بلف عالمواقع خير 
سمر لسه مخلصتش 
حسام لا خلاص اخر واحد اهو 
سمر انا بجد بقيت مستحرمه اقبض مرتبى