رواية مطلوبة جدا الفصول من السادس للعاشر بقلم الكاتبة الرائعة
كدا
شهقت بفزع ونظرت نحوه بضيق : مبعملش
غيث وهو يقترب نحوها : الحميل ناوي يدي موافقته علي الجواز امتي
جوهره وهي تنظر اليه : انت بجد ناوي تتجوزني يعني مش ناوي تقنع جدك اننا مينفعش نتجوز
غيث وهو يعقد حاجبيه : لا طبعا مش هقنع جدي بحاجه احنا هنتجوز يا جوهره
جوهره بنرفزه : بس انا مش عايزه اتجوز
غيث : وهو انتي هتلاقي حد زي تتجوزيه
جوهره : انا لا عايزه اتجوزك ولا تجوز غيرك انا عايزه اكمل حلمي عايزه ابني لنفسي كرير
غيث بلامباله : تمام وهو حد قالك اني هقتل حلمك
جوهره : وانت ليه مصمم اننا نتحوز
غيث بهدوء : قلت لك قبل كدا انا مبحبش ازعل جدي
جوهره : بس..
غيث بمقاطعه : صدقيني مش هتخسري بالعكس دا انتي هتبقي حرم غيث العطار يعني اسم ليه وزنه ومكانته في المجتمع وبعدين جربي هتخسري اي ! المهم انا مش هصبر كتير هديلك مهله يومين تفكري وبعد كدا وافقتي تمام موافقتيش يبقي تلم هدومك انتي ومامتك وتخرجوا من هنا لاني هبقي وقتها مدايق ومتعصب وانا ڠضبي وحش فأحذري .
جوهره بعقدة حاجب : انت بتهددني ولا بتطردنا
قاطع حديثهم دخول والدتها داده فطيمه مبتسمه لهم
غيث وهو يبادلها الابتسامه : اهي داده فطيمه جيت كلميها يا داده وعرفيها الصح اي عشان انتي عرفاني صبري بيخلص بسرعه
داده فطيمه : حاضري يا ابني
غيث وهو يقبل راسها : تسلميلي ممكن بقا تحضريلي فنجانين قهوه ليا ولجدو من اديكي الحلوين دول
داده فطيمه بضحكه : من عنيا
غيث وهو يخرج من المطبخ : تسلم عنيكي
جوهره باستهزاء وهي تردد كلماته : ننننن تسلم عنيكي اي البي ادم الرخم داااا
داده فطيمه : دا غيث دا طيب وابن حلال انتي بس الي متعرفيهوش
تستمر القصة أدناه
جوهره : ولا عايزه اعرفه يا ماما البعد عنه غنيمه
داده فطيمه بهدوء : لا يا جوهره القرب منه نعمه ونعمه كبيره اوي انتي متعرفيش قيمتها اسمعي ملامي وريحي قلبي عشان خاطري ارضي بالجواز ووافقي
جوهره بتذمر : والكليه يا ماما وحلمي ومشروع الرسم !
داده فطيمه برزانه وعقلانيه : هو هيموتك يا بنتي حد قالك انه هيحبسك في البيت ومش هتخرجي منه ما انتي ممكن تكملي كل دا وانتي متجوزه عادي
.....
سمر بهدوء : انا نفسي افهم انت ليه بتحب ترخم عليها كدا دي يا عيني هتعيط من الي بتعمله فيهاا
أدهم بضحكه وهو ينظر لها : انتي مش متخيله كم الضحك الي بصحكه لما برخم عليها هي وخطيبها وبعدين دي اختي يعني فاهمها وانا شاطر بعرف امتي افصل
سمر بفضول : طب بيبقي رد فعل خطيبها لما ترخم عليه في المكالمات والخروجات وكدا
ادهم وهو يشرب من كوب قهوته ويبتسم علي فضولها تحدث بحب : اشربي العصير الاول وقوليلي عملتي اي النهارده في الكليه ومش مهم خطيبها دا خالص الوقتي ما انا مش جاي متذنب جمب بوابه الكليه عشان نقضي الخروجه كلها علي اختي وخطيبها
سمر بخجل ومشاكسه : طيب اي السبب في انك تيجي !
ادهم بضحكه رجوليه وهو يغمز لها : يعني انتي مش عارفه
سمر : تؤ
ادهم بنبره مضحكه : عشانك انت يا جميل جاي واقف قدام الكليه بقالي نص ساعه وسايب شغلي بس عشان اشوفك واطمن عليكي واعزمك علي الغداء ونشرب قهوه وعصير زي ما عملنا كدا بالضبط او بمعني ادق عشان وحشتيني
اسدلت سمر وجهها ناظرة الارض بحياء مبتسمه بحب
ادهم بحنان : هنكتب الكتاب امتي
رفعت سمر وجهها للاعلي سريعا باستغراب : اشمعنا !
ادهم بجديه : عشان اعرف اخد راحتي معاكي وكله يبقي في الحلال
سمر بقلق : تقصد اي تاخد راحتك ازاي
ادهم وهو يضرب راسها بخفه : اتنيلي انتي وتفكيرك اوعي يروح بعيد انا اقصد ان قعتدنا مع بعض تكون صح حلال تبقي باسمي قدام ربنا لو مسكت ايدك يبقي في الحلال منبقاش بنعمل حاجه تغضب ربنا
سمر بتوتر : والامتحانات يا ادهم بص خلي الموضوع دا بعد الامتحانات خلينا مخطوبين كدا لحد ما اخلص امتحانات عشان ابقي متفرغه للمذاكره .
ادهم بتنهيده : طيب انتي هتخلصي امتحانات امتي !
سمر ببتسامه : بعد شهر بالضبط
ادهم بتذمر : شهر يا سمر ! كتير دا انا كنت عايز نلبس الشبكه وكتب الكتاب في يوم واحد دا انتي متعرفيش انا عملت اي عشان باباكي يوافق انك تخرجي معايا دا مرضاش الا لما قلت له ان ريهام هتيجي معانا الا فين ريهام دي كل دا بضبط طرحتها في الحمام !!
تستمر القصة أدناه
سمر بضحكه : لا انا عارفه هي هتلاقيها قصده تتلكع علي اساس ناخد راحتنا ومتبقاش عزول صاحبتي هبله وانا عارفاها
ادهم بضحك : طلعت بتفهم البت دي المهم سيبك انتي وحشتيني
سمر بخجل : أدهم اتلم
ادهم بحب : يا روح ادهم انتي
سمر : ادهم اتضبط وبعدين انت مش لسه قايل منتعداش حدودنا
ادهم ببتسامه : ايوا صح صح عشان ربنا ميبعدناش عن بعض احم هتلم حاضر بس دا ميمنعش اني بحبك اوك
سمر وهي تضحك علي كلماته : اوك
_________________
دخلت وبيدها العصير
مراد نظر لها بعدما تركه يحي حتي يتحدث في الهاتف
منه وهي تضع العصير وتجلس بهدوء علي الكرسي المقابل له وتنظر له بأستفزاز مردده : اهلا وسهلا جاي ليه بقا
مراد بغيظ : برن عليك مبترديش ليه
منه : وارد ليه
مراد : نعم !
منه : ايوا يتني ارد بصفتك اي في اي بينا عشان ارد علي اتصالاتك !
مراد : هو مش احنا الوقتي في حكم المخطوبين
منه : دي مسرحيه عشان يوم الحفله تيجي علي انك خطيبي وبعد كدة كل واحد يروح لحاله
مراد وهو يحاول التحكم بغضبه : احنا بينا اتفاق يا منه ومينفعش نخلف بيه دا مش لعب عيال انا حكيت لك ظروفي واني محتاج مساعدتك زي مانت كنتي محتاجه مساتدتي عشان متطلعيش كذابه قدامك صحابك فالمفروض تحترميني وتردي علي لما اتصل بيكي
منه بهدوء : عندك حق فعلا... خلاص انا متاسفه قولي بقا كنت بتتصل ليه
مراد وهو يتنهد : أمي طالبه انها تشوفك وبتقول عايزه تدردش معامي شويه وحابه انك تروحيلها الزياره الجايه
منه بتسأل : زياره ! ليه هي في المستشفي ولا اي !
مراد بإيجاب : ايوا في المستشفي من اسبوع تعبت شويه والدكتور قال ان الافضل لها تقعد في المستشفي فتره
منه بحزن : انا اسفه اني مرديتش عليك عندك حق انا اتصرفت تصرف عيال صغيرين بس وعد هطلع جدعه معاك زي. مانت طلعت جدع ويلا تعالي نمشي يلا
مراد باستغراب : نمشي فين !
منه ببتسامه : نروح نزور مامتك في المستشفي هي مس طلبت تشوفني
مراد بتعجب : ايوا طلبت تشوفك بس انتي هتروحي الوقتي
منه : ايوا هو مش معاد الزياره لسه مفتوح
مراد وهو ينظر الي ساعته : ايوا قدامنا لحد ٧ المغرب
منه وهي تخرج ذاهبه لغرفتها : كويس اوي هنلحق هروح بقا اجيب شنطتي واجي يكون انت استأذنت من يحي
خرجت بسرعه لتحضر حقيبتها وهو ينظر الي اثرها بدهشه من تلك المتسرعه طيبه
