رواية ممتعة جدا الفصول من الاول للرابع بقلم الكاتبة الرائعة

عندى فكرة جديدة
ريم خلاص يا دكتور مبقتش محتاجة اى افكار ولا اى جلسات تانى
ماجد بصلها باستغراب ليه..... اوعى تقولى انه خلاص عرف بحبك
ريم ضحكت بسخرية لا مفتكرش انه عرف..... بس زى ما تقول انا الى فوقت لنفسى وعرفت ان البنت لازم تكون عزيزة ومترخصش نفسها ادام اى واحد حتى لو كان الواحد ده بتحبه . انا مش ناوية اعمل اى حاجة تانية عشان يحس بيا لانه لو مشافنيش من نفسه وحبنى يبقى الموضوع كله ملوش اى لزمة الحب كرامة واحترام يا دكتور ولو راحوا يبقى العلاقة اسمها اى حاجة غير الحب
ماجد بصلها باعجاب شديد على قد ما انا فرحان بيكى وبكلامك على قد ما انا زعلان انك مش هتيجى العيادة تانى
ريم متقلقش يا دكتور هيعدى عليك حالات كتير زيى ويمكن اكتر منى
ماجد بصلها بحزن كان نفسه يقولها انها مش مجرد حالة وانها بقت حاجة مهمة اوى فى حياته بس لسانه كان متلجم مشاعره ليها نسته حاجة مهمة انها جواها شخص تانى بتحاول تلفت انتباهه يعنى قلبها مشغول بحد تانى ولو قالها على الى جواه من ناحيتها هيبقى تطفل فى حياتها
اما ريم فقررت تنسحب خاڤت تضعف ادامه اكتر من كده وفضلت تمشى وهى محتفظة بكرامتها واعتزازها بنفسها
ريم انا مضطرة امشى يا دكتور بعد اذنك
ماجد بحزن اتفضلى
بتمر الايام وماجد حاسس بفراغ كبير اوى فى حياته الايام كلها بقت شبه بعض بيروح تدريب التنس الصبح فى النادى وبعد ما يخلص يفضل يدور على ريم الى مبقتش تروح النادى عشان متقابلوش. وبعدها بيروح العيادة يشوف الحلات بتاعته لكن طول الوقت ريم فى دماغه حاسس انه مفتقدها وحشه هزارها وخفة ډمها وحشه اوى وجودها فى حياته.
فى عيادة ماجد
ماجد بعد ما خلص كل الحالات الى عنده قعد لوحده يفكر فى ريم ولقى نفسه بيطلع اللوحة الى رسمتهاله ريم وفضل باصص فيها وبعدين راح علقھا على حيطة قصاد مكتبه عشان كل لما يبصلها يفتكر ريم . بعد ما علقھا فضل باصصلها وافتكر كلام ريم ليه لما ادتهاله
ريم دى هدية جايباها لحضرتك
ماجد جيبهالى انا ! بمناسبة ايه انا حتى عيد ميلادى فات بقاله كتير
ريم اعتبرها هدية شكر منى ليك
ماجد شكر على ايه يا ريم انا بقوم بشغلى يعنى مش حاجة استاهل عليها هدية
ريم ييييييييه دكتور اعتبرها هدية من غير مناسبة وخلاص واتفضل بقى
ماجد بصلها باستغراب معقولة انتى الى رسمها
ريم اه حضرتك مستغرب ليه
ماجد مش مستغرب انا بس اول مرة اعرف انك بترسمى وبصراحة الصورة روعة دا كانى كنت واقف ادامك وانتى بترسميها
ريم حاجة زى كده
ماجد يعنى ايه مش فاهم
ريم يعنى تقدر تقول كنت متخيلاك ادامى وانا برسمها 
ماجد لما افتكر كلام ريم بص ابتسم لكن بص باستغراب كأنه افتكر حاجة مهمة
ماجد انا كلمتك عشان اقولك ان لقتيلك فكرة جديدة تلفتى بيها نظر حبيبك....... هدية! قدميله هدية
ريم هدية ! هو يعنى الهدية الى هتعرفه انى بحبه
ماجد اكيد بس طبعا مش اى هدية لازم تكون هدية تعبرى فيها عن كل مشاعرك واحاسيسك ليه
ريم ودى تبقى ايه بقى 
ماجد خلى احساسك هو الى يدلك عليها هسيبك بقى تفكرى فيها 
ماجد فى نفسه ايه ده معقولة الى بفكر فيه ! ليه ريم ادتنى الهدية دى وفى الوقت ده بالذات معقولة اكون انا الى .........
ماجد قعد ما نفسه بعد موقف اللوحة يعيد كل المواقف فى دماغه ويربطها ببعض
ماجد الانقاذ
ريم الانقاذ!!! يعنى ايه مش فاهمة
ماجد يعنى يا ستى بطريقة ما حبيبك يتعرض لاى خطړ يعنى عربية هدوسه لوح خشب هيقع عليه المهم يتعرض لاى خطړ
وتلحقيه على اخر لحظة فيحس بخۏفك وقلقك عليه
ماجد بس بجد خدى بالك وانتى بتنفذيه لتروحى انتى فيها
ريم بصتله بحب واتكلمت بجد صدقنى ساعتها ھموت مبسوطة لان على الاقل اخر حاجة هشوفها هى نظرة الحب فى عينيه وانى ھموت وهو عارف انى بحبه وانى روحت فداه
ماجد بصلها باعجاب ياااه للدرجة دى بتحبيه بجد يا بخته بحبك 
وبعدها شاف مشهد حمام السباحة لما وقع فيه وازاى نزلت تنقذه وهى حتى مبتعرفش تعوم وجيه فى دماغه كلامها ليه ساعتها
ريم لما شوفتك بتقع فى حمام السباحة وحسيت انك فى خطړ مفكرتش ساعتها انا بعرف اعوم ولا لا ولا ايه الى ممكن يحصلى كان كل همى ان انقذك وبس
ماجد بيخبط على المكتب بعصبية غبى فعلا انا غبى ازاى مفمهتش انها تقصدنى انا مع ان الموضوع كان واضح جدا كل كلامها ومواقفها معايا كانت بتقول الى هى مخبياه فى قلبها. معقولة ريم كانت تقصدنى طول الفترة الى فاتت دى دى كانت بتنفذ عليا كل الافكار الى بقولهالها انا ازاى مخدش بالى ازاى مفهمتش كلامها وتلميحاتها ليا انا للدرجة دى كنت اعمى عن حب ريم ليا دا كان واضح زى الشمس ولا يمكن