رواية جديدة جامدة الفصول من الثاني عشر الي الثالث وعشرون بقلم الكاتبة الرائعة
المحتويات
. وفضل يفكر ان ممكن يكون الوقعه عملت حاجه . دماغه قفلت
فزاع اعوذو بالله من الشيطان الرجيم من الافكار اللي في دماغي . انا مش هقول لشمس حاجه غير اما اعملها السونار واتاكد انها بخير
الحلقه ١٣
اللهم صلي وسلم علي نبينا محمد
فزاع دخل لناصره وهو قلقان ووشه متغير
ناصره مالك يا فزاع شمس تعبانه
ناصره حضنته وطبطت علي كتفه قول يا بني في ايه
فزاع شمس حامل
ناصره بفرح الحمد لله . اخيرا هشوف عيالك
فزاع الدكتور كلمني وقالي انه عملها تحليل وطلعت حامل . بس انا خاېف من الوقعه يكون حصل حاجه
ناصره تف من بوقك يا ولدي. ربنا يجيب العواقب سليمه
فزاع هي نايمه من التعب وبليل هخدها اعملها اشعه واطمن .
فزاع حاضر يا حاجه . انا بعت عارف يجيب الدوا لشمس ابقي اديها وانا هروح الجامع اصلي
خرج فزاع وراح علي المسجد وناصره خدت الدوا من عارف وقالت لسعاد تطلع تشوف شمس صاحيه وله نايمه
مني مكنتش مشيت وقعدت بسبب اللي حصل . واشرف قال ليها ولامها يفضلو مع ناصره علشان تعب شمس لو احتاجت حاجه
مني لسعاد انزلي انتي وانا هشوفها صحيت وله لا
مني دخلت اوضه فزاع وفضلت تتفرج عليها . وشمس ابتدت تقلق فتحت عينيها . كانت مني واقفه وبتضحك
شمس ايه اللي دخلك هنا
مني بضحك مزاجي . وانا الحاجه اللي بتيجي علي مزاجي بعملها
شمس بتعب اطلعي بره . انا مش عايزه اتكلم معاكي
شمس مالي شكلي . انتي بس اللي عينيكي واحشه وشايفه الناس كلها واحشين . اطلعي بره
مني ضحكت ومشيت بتدلع وخرجت
شمس قامت من علي السرير ووقفت قدام المرايا واتخضت من شكلها نص وشها كان ازرق ووارم . وفوق عنيها متخيط
سعاد نزلت لناصره وقالتلها ان مني نزلتلها
ناصره اتضيقت وطلعت لشمس خبطت ودخلت لقت شمس بټعيط
ناصره راحت حضنتها وفضلت تطبطب عليها وتهديها وشمس مش بتتكلم بټعيط بس
شويه وفزاع طلع يطمن عليها . وشافها وامه حضنها وهي بټعيط .
فزاع مالك ياشمس . انتي تعبانه في حاجه بټوجعك
فزاع يومين وهتبق كويسه . بطلي بكي
فزاع هضايق من ايه . صلي علي النبي يا شمس واهدي وبطلي تفكير عفش. انا عمري ما اضايق منك
شمس خليك معايا
فزاع انا علي طول معاكي . انتي حبيبه قلبي
شمس استريحت ونامت في حضنه . فزاع لسه بيفكر وقلقان .شمس صحيت كان فزاع قاعد جنبها
فزاع جاب الاكل واقعد اكلها وادها العلاج .
فزاع شمس قومي هساعدك تلبسي ويلا ننزل للدكتوره
شمس ليه ننزل . انا مش هنزل بالشكل ده . وشي كله وارم
فزاع بيحاول يتمالك اعصابه يا شمس افهمي . هننزل نروح نعملك اشاعه
شمس ما انا عملت اشعتين وبعدين مش عايزه انزل
فزاع اشاعه تانيه غير اللي عملتيهم . اسمعي كلامي وبطلي تعرضي .علشان انا كلمتي اللي هتمشي
شمس بعند وانا مش هنزل بالشكل ده . انا تعبانه اساسا . خليها يومين
فزاع بصوت عالي لا هننزل دلوقت لازمن اطمن .
شمس بتزعق ليه . هو ڠصب عني هنزل
ناصره طلعت علي صوتهم في ايه يا فزاع صوتك عالي
فزاع مش راضيه تنزل تروح تعمل الاشعه . وانا عايز اطمن عليها
شمس يا عمتو وشي بايظ هنزل ازاي كده
ناصره روحي معاه يا بنتي وطمنيه
شمس ليه مصممين . طيب فهموني .
ناصره عشان انتي حامل وفزاع خاېف عليكي من الوقعه
شمس اټصدمت وبصت للفزاع . اللي باصص لامه بعتاب . لانه مكنش عايز يقول لشمس غير اما يطمن
شمس قعدت علي الكرسي وسرحانه
فزاع قرب منها شمس انا عايز اطمن . ولو لقدر الله في حاجه. يبق الحمد لله . بس عايز اطمن عليكي . ممكن تيجي معايا
شمس بصتله بتوهان وهو شدها من ايديها يوقفها
شمس دخلت تلبس وعمتها سعدتها ولفت الطرحه ونزلت مع فزاع وهما ساكتين بس ماسك ايديها يطمنها
وصلو عند دكتوره وقطع كشف مستعجل ودخلت شمس ومعاها فزاع تعمل السونار. والدكتوره فضلت تشرح وطمنتهم ان الحمل بخير . واخيرا فزاع وشمس اطمنو
الدكتوره المدام حامل في ٣تؤام
فزاع بصلها وضحك . وشمس ازاي يعني مش فاهمه
الدكتوره في كيسين في الرحم . كيس فيه نقطه دي اللي هي بتكون جنين والكيس التاني في نقطتين .
فزاع باس راس شمس بفرحه وحب . وشمس فرحانه بس مخضوضه
الدكتوره كتبتلهم علي علاج تمشي عليه وقالتلها اسبوعين وتيجي تاني
نزلو من عند الدكتوره والفرحه ماليهم . بس فزاع كان طاير من الفرحه يمكن اكتر من شمس
رجعو علي البيت وفزاع دخل بشمس عند امه وقالها علي الخبر وهي كانت طايره من الفرحه ودمعت وحضنت شمس وفزاع
ناصره بدموع متقولش لحد لحسن تتحسد انت ومرتك انا بحذرك . العين بتفلق الحجر . ومتقولش لعمك ولا مرت عمك عينيها وحشه
شمس ضحكت . وفزاع كمان بس قالها حاضر
ناصره قالتلها ياخد شمس ويطلع بيها علي اوضتها ترتاح
شمس كانت تعبانه ودايخه من الوقعه وكمان من الحمل
فزاع شالها وطلع بيها علي فوق مني قبلتهم وبصتلهم بغيظ
فزاع انا فرحان جدا كنت خاېف يحصلك حاجه انتي وله اللي في بطنك . بس الحمد لله ربنا حفظكم ليا
شمس كنت خاېف علي واحد . بس ربنا بعتلك ٣
فزاع نعمه وفضل من عنده . انا هنزل اصلي لربنا وادبح كمان حاجه لله . ربنا يخليكي ليا ياشمس . انتي بجد منوره حياتي
شمس ربنا يخليك ليا يا اغلي حاجه عندي
فزاع قرب وحط ايده علي بطنها هتبقي ام الرجال
شمس وافرض طلعو بنات . هتزعل
فزاع لا طبعا. دول رزق من عند ربنا . حد يكره الرزق
شمس كلها ٣ شهور ونعرف نوعهم
فزاع المهم عندي انتي ربنا يحفظك ويخليكي ليا . ياشمسي
خرج فزاع بعد اما شمس نامت وكان نازل بس قال لازم يروح لعمه يقوله يمشي ومفيش داعي للقعده علشان مني تمشي ومتفضلش تضايق شمس
راح علي الباب ولسه بيخبط وسمع كلامهم واټصدم ...
يا تري فزاع سمع ايه !!!!!
الحلقه١٤
سبحان الله العظيم
فزاع كان هيخبط علي باب اوضه عمه اشرف وسمع ناديه مرات عمه ومني بنتها بتتكلم
مني قولتيلي ارمي الزيت علي السلم اتكسرت ووشها مخرشم وبرضو عمال عيحب فيها . مش عارفه البت دي عامله في ايه . انا طول عمري بتمني ليه الرضا
متابعة القراءة
