رواية صعيدية الفصول من الاول للتاسع بقلم الكاتبة الرائعة

وانا بعتبرك أكتر من ورد بتي.... عشان انتي بت الغالي اخوي اللي الصغير.... ومش إكديه وبس وچفة فهد چدامي عشان يتچوزك قبل مايعرف بكلامي انا وابوكي وانه يتحداني عشانك كانت كبيرة وخليتني اشوفيك بعيونه وانك فعلا تستهلي الحب اللي بيحبهولك
ليلبدموع صدقنى يا عمي والله انا بحبه انا كمان.... بس جايز مع الوقت يمل مني او يزهق لأني مش متعودة على عاداتكم
ضمھا إليه بحنان احترامك هو عاداتنا يا ليل..... وزوقك وطيبتك تقلدنا
ليل حاضر يا عمي اللي حضرتك تشوفوه
عزت وعاوز اچولك ان فهد على چد ماهو عصبي وبيغير عليكي بس بيعشچك ومايچدرش يعيش من غيرك.... ولازم كل وقت والتاني تچوليله إكديه عشان ماهيخليش عيشتك طين
ليل ههههههههه حاضر.... كل يوم هقوله اني بحبه وبعشقه وانه الهوا اللي بتنفسه
فهد مين دا بچا!! 
عزت بيچي على السيرة ههههههههه..... انا هدلي للبلد شوية 
فهد في رعاية الله يا ابوي
ليل مع السلامه يا عمي
عزت الله يسلمك يا بتي
عزت خرج وفهد فضل يبص لليل
فهد كنت سامع شوية كلام حلو كدا..... على مين 
ليل ليك انت
فهد لا إله إلا الله... اخيرا نطقتي..... لا انتي تقعدي مع ابويا كتير
ليل طب بحبك
فهد چلبي يا ابوي
ليل هههههههه
ليل
لفت تشوف مين واڼصدمت من وجودها هنا
ليل رحيق! 
في جنينة الدوار
كانت واقفة مستنية اخوها وعمالة تهزق فيه لحد مازهقت وقررت أنها تدخله..... بس لقيت في وشها عزت
عزت انتي مين يا بتي! 
فرح انا فرح منصور
عزت خيت أحمد! 
فرح أيوا يا عمي
عزتبمكر عال يا بت منصور عال..... بالإذن يا بتي
فرحبقلق اتفضل...... لا انا مش هدخل انا هرجع استناه في الجنينة أحسن
رجعت الجنينة تاني وكانت لسه هتقعد
انتي مين.... وبتعملي إيه إهنه! 
5 
بالصعيد بالتحديد بمحافظة سوهاج
بمنزل عزت القناوي
في الجنينة
فرح رجعت تانى وكانت لسه هتقعد... بس سمعت صوت من وراها خلاها تقف بسرعة
انت مين..... وبتعملي ايه إهنه! 
فرحبخضة خضتني و.... قطعت كلامها لما شافت الشخص اللي قدامها وفضلت بصاله 
انتي مين! 
خفضت بصرها أرضا قائلة بخجل انا فرح منصور
انتي خيت أحمد! 
فرح إيوا..... انت مين! 
عمر القناوي
فرح أخو ورد! 
عمر لع ولد عمها..... انتي بتعملي ايه إهنه عاد
فرح مستنية أخو
عمر طب ادلي على چوا واچفة هنا لي! 
فرح انا كنت هعاود بس چولت استناه إهنه..... اصله هو اللي جايبني بعربيته مش السواچ
عمر ايوا بس..... 
انت بتعمل ايه عندك يا عمر..... ومين دي اللي واچف معاها! انتي مين! 
فرح الله يسمحك يا احمد انا فرح منصور خيت أحمد يا عمة
عمر دي تبچي بت عمي منصور الدالي يا عمتي عفاف
عفافلفرح انا مش عمتك يا نضري.... انا ستك وتاچ راس عيلة الدالي كليتها
فرحبحرج نعم! 
عمر في ايه يا عمتي ايه الكلام الماسخ دا
عفاف ايه يا ولد اخوي بتحامي لبت الدالي ومش عاجبك حديتي.... انا دلوچتي هچول لأمك أنك واچف مع بت الدالي
عمر عيل أصغير انا إياك عشان تخوفيني بأمي
فرح عن إذنكم
عفافبتريقة مع السلامه والچلب معاكي يا... يانضري
عمر انا ماشي
كان متابع الموقف من بعيد عزت القناوي اللي غير اتجاه سيره لبيت الحاچ منصور الدالي
____________________
بالمندرة
ليل رحيق!!! انت جيتي هنا ازاي! 
رحيق وصلت البلد وسألت علي عيلتك
ليللفهد فهد.... دي رحيق أختي من ماما وأخت حاتم
هز رأسه متذكرا ايوا فاكرها... ثم وجه حديثه لرحيق أهلا وسهلا..... خديها يا ليل واطلعي أوضتك
ليل حاضر..... تعالي يا رحيق
صعدوا معا للأعلي بينما توجه فهد للخروج ليجد أحمد أمامه
فهد ادا انت إهنه! 
أحمد لا هناك ههههههه
فهد يخربيت ظرافتك يا أحمد
أحمد عامل ايه يا معلم
فهد انت يالا مابتقلقش ابوك يسمعك وانت بتتكلم كدا! 
أحمد ماهو سمعني وزعقلي ههههههه
فهد وانت عادي بتتكلم كدا برضه
أحمد انا اتعودت على كدا.... زي ما انت اتعودت على الصعيدي هنا وفي مصر تتكلم عادي
فهد انت صحيح هتسافر بعد الجواز تقعد في القاهرة صح! 
أحمد ايوا بس مش دايما يعني..... هننزل كل شهر هنا.... بعدين لسه الحج منصور ماقررش
فهد بضحك ان شاءالله هيصدر القرار بالرفض
أحمد يااخي بعد الشړ..... قولي انت رايح فين!! 
فهد هتمشي شوية
أحمد طيب تعالي اما اتمشي معاك
فهد يالا
______________________
بغرفة ليل
ليل مالك يا رحيق..... اكلمي يا حبيبتي
رحيقبدموع صدقينى يا ليل لو كان فيه مكان تاني اروحه كنت روحت عشان ماسببلكيش مشاكل
جلست بجانبها واضعة يدها على ظهرها ايه اللي بتقوليه ده يا رحيق!!..... حبيبتي انا وانتي مالناش غير بعض..... انتي جيتي هنا ازاي لوحدك
رحيق بدموع روحتلك الجامعة الاسبوع اللي فات وسألتك عليكي..... صحابك قالولي انك سافرتي مع ورد ومش جاية الا على الامتحانات.... أخدت عنوان ورد وجيت البلد هنا وفضلت أسأل..... كمان انتي فونك مقفول
ليل ايوا صحيح.... انا قافلة الفون بقالي كتير..... طب ايه اللي حصل احكيلي
رحيق ماما سافرت الأسبوع اللي فات... وطبعا الشاب اللي هيا متجوزاها كان في البيت و...... 
ظلت تبكي وشهقاتها تعلو
ليل رحيق اتكلمي ماتقلقنيش عليكي
قالت من بين بكاءها كلمتها وقولتلها ماينفعش انها تسافر وتسيبني لوحدي كدا وخصوصا ان حاتم في مأمورية مش في شقته لقيتها بتقولي فيها ايه يعني هو هيكلني