رواية نوفيلا الفصل السابع بقلم صديقة القلم
المحتويات
الحلقة السابعة.........
منة بدأت تتكلم مع سامي وطبعا المكالمة اللي فاتت اتفاجئت باللي اتقال من سامي عن خطوبتة قبل كدة وأنهم خبوا عليهم ومن حقها كانت تعرف حاجة زي كدة وقالت بينها وبين نفسها مش مهم خلاص يمكن هو مش حابب يتكلم في حاجة زي كدة بس المهم اننا اتكلمنا مع بعض وبقي في حوار بينا.....
عدا كذا يوم وكان سامي مبيتصلش خالص ومنه استغربت وقالت تتصل هي تتطمن وتشوف فية اية ....
سامي الحمدلله انتي عاملة اية
منة انا الحمدلله انا قولت اتصل اطمن عليك عشان بقالك فترة متصلتش
سامي معلش اصل اصحابي اللي في الشقة معايا موجودين معايا عالطول معرفتش اكلمك وبنزل معاهم عالشغل ونرجع سوا عالبيت ..
منة دة مش مبرر علي فكرة انك متكلمنيش .
سامي معلش ڠصب عني انا وقتي مشغول جدا عشان اقدر اجيب فلوس واعملك عيشة كويسة بعد الجواز.
سامي لا طبعا مش ناسي وانا هدبر اموري متقلقيش انا وعدتك واصلا مينفعش اتجوزك واسيبك في بلد وانا ابقي عايش في بلد تانية
منة طب كويس أن وجهة النظر دي انت مقدرها
سامي متقلقيش
منة علي فكرة انا رحت شفت الشقة
منة ممم وقالتلك طيب اننا لقينا عفش فيها
سامي طب ما انا عارف
منه يعني اية
سامي يعني عارف العفش
منه بس انت المفروض كنت تشترية وتنقية معايا
سامي هو جديد عالفكرة بس يظهر لسة الصورة موصلتش ليكي
منة مش فاهمه
سامي العفش دة هو اللي كنت هتجوز علية البنت اللي كنت خطيبها وسيبتها ولما امي اضايقت منها وحصل اننا فسخنا الخطوبة طبعا مش هنرمي العفش في الشارع امي قالت اهو كدة كدة انا هجيب عفش واهو بقي موجود وجديد .
سامي ماهو جديد ومحدش لمسة وبعد كدة واحنا مع بعض نبقي نغير اللي عايزاة .
منة خلاص ماشي مش مشكلة .
سامي بس انا عايز اطلب منك طلب
منه قول طبعا
سامي لازم تخلي امي تحبك وتبقي مبسوطة منك عشان لو زعلت منك وخدت موقف انا مش هينفع ازعلها وكدة الموضوع مش هيكمل .
منه طب وانت لو حصل موقف مثلا وهي فهمتة غلط مش المفروض تسمعني وتصلح ما بينا ولا تاخد الكلام من طرف واحد.
منه كانت مضايقة من كلامة بس اللي كان مصبرها هي واهلها انها هتسافر بعد الجواز مع سامي في الكويت وهيعيشوا بعيد عن ام سامي وتحكماتها ودة كان مريحهم شوية..
منة لقت نفسها كل كلامها لما يزيد مع سامي تكتشف اكتر واكتر ودة كان مريحها لأنها كانت بدأت تكون فكرة عنة وخدت قرار بينها وبين نفسها
متابعة القراءة
