رواية نوفيلا الفصل السادس بقلم صديقة القلم
الشبكة وكانت غالية جدا بس هي كانت عايزة اكتر من كدة وامي حسيت انها طماعانة فيا ونبهتها اكتر من مرة لكن مافيش فايدة .
منة وبعدين اية اللي حصل
سامي مافيش امي لما اضايقت منها وانا كمان زعلت علي زعل امي مبقتش أسأل فيها لحد لما هما بعتوا الشبكة اللي انا جبتها وقالولنا كل شيء قسمة ونصيب وبصراحة قولنا احسن .
منة طبعا لان مامتك اضايقت من البنت فقررت تفسخ خطوبتك عشان متزعلهاش
منة طب انا اية ذنبي اني محبش شبكة .
سامي مين قالك كدة انا كنت هجبلك شبكة بس بعد الجواز
منة الناس بتجيب قبل الجواز مش بعدة
سامي لاة بس انا وامي كنا مقررين اننا نقولك علي موضوع خطوبتي دة بعد الجواز عشان يبقي بينا وبين بعض وكنا هنديكي الشبكة اللي البنت رجعتها وكانت قيمة جدا.
منة اييية هتديني شبكة واحدة تانية اختارتها علي ذوقها.
منة للدرجادي عشان كدة قولتة خلينا بعد الجواز لحد لما نتأكد انها بقيت معاكوا عشان فلوسكوا متترميش عالارض مش كدة.
سامي بالظبط كده واعتقد كدة كلة كان هيبقي مستريح.
منة ممم فهمت
منة وعد خلاص
سامي طب انا مضطر اقفل معاكي وهبقي اكلمك تاني لو عرفت اسيبك علي خير.
منة وانت بخير مع السلامة
منة قفلت مع سامي وهي في ذهول مش مصدقة اللي سمعتة وان في ناس بتفكر بالشكل دة ومعقولة تفكيرهم في الفلوس هو كل هدفهم بصرف النظر عن مشاعر الناس والتعامل بالأصول يبقي ازاي ..
وفكرت منة وقالت انها لازم تتكلم في كل حاجة مع سامي وتفهم طبيعتهم ودماغهم اكتر وان اكيد كل موقف بيحصل معاها اكيد لية سبب ودة اللي هتفهمة من مكالماتها مع سامي الفترة الجاية ....
وقالت إنها وعدت سامي انها مش هتجيب سيرة لحد من اهلها وهتفضل كل حاجة سر ما بينهم وأنها هتعمل زي مامتها وباباها ما بيتعاملوا مع بعض وان محدش بيعرف اذا كانوا زعلانين ولا مبسوطين وقافلين علي حياتهم ومانعين اي حد من قرايبهم يعرفوا حاجة عنهم وهو نفس النظام اللي منة كانت عايزة تعملة مع خطيبها سامي وعشان كدة اي حاجة سامي كان بيقولها لمنة بقي واثق أن محدش من اهلها هيعرفها..
