رواية نوفيلا الفصل الثاني والثالث بقلم صديقة القلم

والأطفال والانترية والسفرة .
مصطفي _ احنا اكيد مش هنختلف علي حاجة عشان كلة لأولادنا .
ام سامي_ انتوا بقي هتعملوا المطبخ كامل وعايزة صالون اخر موضة وهتجيبوا كل الأجهزة الكهربائية.
مصطفي _ انا معنديش مشكلة في حاجة كلة لبنتي في الآخر وهجيبلها انضف واغلي حاجة . 
سلوي _ ماهو لسة في مفروشات وسجاد وكدة .
ام سامي_ اكيد عاملين حسابكوا ولا اية 
مصطفي _ بص لسلوي وقال اة طبعا يا حاجة عاملين حسابنا دي بنتنا الوحيدة مافيش مشكلة .
ام سامي_ بس معلش عايزين نوضح حاجة صغيرة .
مصطفي _ اتفضلي
ام سامي_ طبعا هيبقي في قايمة
سلوي _ اكيييد 
ام سامي_ مافيش مشكلة عندنا بس احنا مش هنكتب الانترية في القايمة .
سلوي _ لية 
ام سامي_ لان دة هدية من ابو سامي ومينفعش يتكتب .
مصطفي _ مافيش مشكلة دي المفروض حاجة خاصة بيكوا ملناش دعوة بيها .
ام سامي_ انا بوضح بس 
مصطفي _ مافيش مشكلة والوضوح احسن طبعا منعا للمشاكل.
ام سامي_ طيب كدة خلصنا العفش ندخل بقي عالشبكة 
مصطفي _ اتفضلي 
ام سامي_ احنا مش هنجيب شبكة دلوقتي خالص وسامي هيجيب الشبكة بعد الجواز 
سلوي _ اززاي يعني الكلام دة
مصطفي _ مينفعش يا حاجة الكلام دة مافيش بنت في العيلة اتجوزت من غير شبكة ومنة بنتي مش اقل من حد عشان تتجوز من غير شبكة وبعدين اية السبب يعني !
ام سامي_ اصل سامي مش معاة فلوس دلوقتي
مصطفي _ اومال هيتجوز ازاي
ابو سامي _ خلاص انا هسلفة اصل هو كان عايز يجيب من معاة
مصطفي _ دي حاجة بينكوا وبين بعض احنا ملناش علاقة بيها .
ابو سامي _ طبعا طبعا
مصطفي _ بصوا يا جماعة لو مش جاهزين الجواز قسمة ونصيب ولما يبقي جاهز يبقي يجي يتقدم 
ابو سامي _ خلاص يا استاذ مصطفى احنا هنتصرف بس مش هنقول لحد اننا جبنا شبكة .
مصطفي _ ازاي يعني
ام سامي_ يعني مش هنعمل فرح ولمة وخطوبة هنأجل دة في الزفاف أن شاءالله.
تاني يوم نزلت سلوي وبنتها عشان يجيبوا الشبكة .
وكانت المفاجئة ....
سامي جة هو واختة لوحدهم من غير ام سامي ولا ابوة وطبعا سالوة ...
سلوي _ اومال فين الحاجة والحاج
سامي _ اصل كانت تعبت شوية ومقدرتش تيجي والحاج قاعد معاها.
سلوي _ احنا مش هنكمل ربع ساعة من فضلك خليني اكلمها مش هناخد وقت.
مصطفي _ سلوي اتصلي انتي بابوة وكلمية عشان انا لو كلمتة هغلط لانة محترمش اتفاقة معايا واخرة تكلمة واحدة ست .
سلوي _ عندك حق ماشي دي مهزلة والله
المهم جة ابو سامي ونقت منة وسامي دبلتهم والشبكة ...
الشبكة كان سعرها متدني جدا علي الرغم أن سامي واهلة من أثرياء المنطقة ومعاهم فلوس لكن واضح انهم حريصين شوية .
المهم منة لبست
شبكتها في الصاغة من غير هيصة وفرح وكانت سلوي علي اخرها وحسيت أن فرحتها ببنتها راحت وفهمت أن الخطوبة اكيد علي العروسة وهما كانوا جاهزين لكل ترتيبات الفرح بس فهمت أن قاعة وفرح يعني فستان وكوافير ومصاريف لازم العريس يدفعها وام سامي مكنتش عايزة تعمل كدة .
سلوي _ يا منة فكري تاني انا مش مرتاحة للناس دي 
منة _ انا ميشغلنيش الأمور المادية يا ماما 
سلوي _ أمة هي اللي ممشية كل حاجة وانتي الف واحد يتمناكي 
منة _ بلاش استعجل واحكم علية عن طريق الفلوس خلينا نصبر شوية 
سلوي _ انا قولتلك رايي وانتي حرة بس بالشكل دة انتي هتعيشي حياة ناشفة جدا وبخيلة وانتي واخدة علي الدلع والعز.
منة _ في فترة الخطوبة اكيد هتعرف علية اكتر 
سلوي _ انتي حرة بقي وربنا يستر.