رواية نوفيلا30 الفصل الخامس بقلم راوية الحكايات

وشخصيتي 
منصور بيطبطب عليها ويهديها 
اهدي ياحبيبتي محدش هيجبرك على حاجه طول مانا عايش 
سمر بعصبيه 
إلى بتعمله معاها دا ماينفعش دلعك الزايد ليها دا غلط لبسها وطريقتها غلط انت كدا بتخليها تكابر وتعند اكتر
منصور خلاص كل واحد حر يعمل إلى بعمله انا مديهم حريه شخصيه وواثق فيهم كويس شاهي مس عاوزه تلبس زي ميار يبقى مش هتلبس محدش هيجبرها على حاجه
امسحي دموعك ياقلبي ماتخافيش اعملي إلى انتي عاوزاه محدش هيجبرك تعملي حاجه انتي مش عاوزاها 
سمر صدقني يامنصور هتندم على دلعك دا انت مبسوط من لبسها دا وتصرفاتها وسلوكها 
منصور مالها ياسمر انا مش عارف انتي عامله قلق ليه دي بنتي انا وانا أدر بمصلحتها دي بنتي الكبيره حبيبه قلبي دي إلى أول ماعيني شافتها وتعلقت بيها جدا انا مش هجبرها على حاجه 
سمر انت هتشلني يامنصور هتحاسب على عمايلك دي لأن كل راعي مسؤل عن رعيته وهتتحاسب عند ربنا حساب عسير
باااااااك
فاقت من شرودها على صوت زوجها 
منصور اي بقالي ساعه بنادي عليكي سرحانه في اي 
سمر بضيق 
سرحانه في عمايل بنتك شاهي 
منصور مالها حبيبه ابوها 
انتفضت پعنف من الكرسي 
انت لازم توقفلها يامنصور البت دي مبقاش يهمها حد دي ھټموټني بنتك تصرفاتها زادت وبقت قليله الأدب بسببها خطوبه اختها كانت هتتفسخ لولا أن زيدان طلع متفاهم اي واحد مكانه كان زمانه خد اخوه ومشى 
منصور ممكن افهم انتي بتزعقي ليه دلوقتي موضوع وفات وانتهى على خير اي لازمه الكلام دا 
سمر فات اي انت مش مدرك الموقف أن بنت ټضرب راجل وسط الناس دي كلها لا وحضرتك معملتش حاجه غير كلمتين انتي غلطانه ياشاهي متتكررش تاني 
منصور بتهيالي أن حضرتك ضربتيها قدام الناس ودا انا عديته ومحسبتكيش عليه 
سمر بذهول مقارب للجنون 
تحاسبني انا ازاي حاسب بنتك إلى غلطت قدام الناس لا وكمان مستكفتش دي حطت شطه في الأكل بتاع زيدان فوق يامنصور وفوقها الناس بتتكلم علينا 
منصور پغضب ناس مين انا مالي ومال الناس انا ليا بنتي وبس وانتي عاقبتيها خلاص خلصنا مش هفتح معاها تاني شاهي واعيه وانا واثق فيها كويس جدا ومش هتكرر غلطها 
سمر آخره الدلع دا مش حلو دلعها بس بحدود يامنصور اما كدا ماينفعش نهائي انت مش هتحس بكلامي دا غير لما ترجعلنا بمصېبه تكسرنا وتوجعنا ساعتها ابقى افتكر كلامي كويس 
انا داخله اعمل الاكل 
_
ماهي قاعده متضايقه أحمد كان بيكلمها عالنت لما بيروح ويفضلو يرغو طول اليل لحد ماينامو بس انهارده مكلمهاش مع ان فاتح 
طب اعمل اي اكلمه ولا مكلموش بعد تفكير اخدت قرارها انها تكلمه
فتحت الشات إلى بينهم وكتبت 
مساء الخير 
عامل ايه مزاجك راق ولا لسه مضايق
أحمد شاف رسالتها فرح لأنها اول مره تبدأ أن هيا تكلمه هيرد عليها بس افتكر إلى حصل قدامه رجع مكانه تاني مش هرد ياماهي لازم تتعلمي