نوفيلا27 الفصل الثاني والثالث بقلم ملكة الروايات

الفصل الثاني
خرج عمر من غرفته فوجد جميله تضع الافطار على المائدة 
لم تجيبه ودخلت المطبخ مره اخرى وعند عودتها بالاطباق وجده يجلس وياكل وعندما احس بها ابتسم وقال
معلش يا جميل اصلى جعان اوى ومقدرتش استناكى .. 
امال محمد فين صحيح
التفتت له پحده وهى تقول
وكمان بتسال عنه 
عموما هو صحى بدرى غير وفطر ونام تانى

ليعقد حاجبه وهو يقول
ومسالش ليه يعنى. ااااااه قصدك عشان امبارح حرام عليكى يا جميله يعنى من زمان مطنشانى عشانه ولما الاقيكى عمله ليه جو ينط لينا فيها وبعدين هو جرا ايه عيط شويه ونام تانى
اندهشت جميله من كلماته وهى تقول
عيط شويه قصدك انفلق من العياط وبعدين قال يعنى انت قدرت الجو الى بتقول عليه ده
ابتسم عمر بمكر وقال
ليه طب دى كانت ليله من الاخر ولا ايه يا جميل
حاولت جميله نقاشه في الموضوع وقالت
ايوا بس انت مكنتش كدا يا عمر انت كنت حنين اوى الاول وعلاقتنا كانت اخد وعطا 
اقصد انك كنت .....
ارتبكت جميله وزاد خجلها فقالت 
عمر انت فاهمنى مش كدا 
امبارح يمكن انا الى اتوترت وعصبتك مش كدا 
نظر لها عمر وقال باستخفاف
انتى الى مضيقه لما محمد عيط شويه
وكنتى عايزه تسيبينى عشانه وبعد كدا وقت ما نكون سوا تنسى اى حد الا انا فاهمه 
تركها وانتفض ودخل غرفته ليغير ملابسه فقامت خلفه وهى تقول
عمر اسيبك عشانه هو مين دا طفل وابنك
انت عايزنى اعمل ايه لو صحى فجاه 
وبعدين مش دا كان قصدى ياعمر انا قصدى بصراحه انت متغير مبقتش تتعامل معايا بحب لا بقيت بتاخد حقك وخلاص حتى بتكون ناسى انى معاك 
انتهى عمر من ارتداء ملابسه وخرج وهو يقول
انا مش فاضي للكلام دا
انا خارج بلا قرف
خرج عمر تاركا خلفه زوجته لا تستطيع تصديق كلامه
اهو يغار من ابنه ويتعامل معه وكأنه يقصد مضايقته 
أخرجها من ذهولها بكاء محمد لتدخل له غرفته وهى تقول 
حبيب قلب ماما بټعيط ليه يا صغير 
يالا تعالي نجهز ونعدى على تيته عشان ناخد تطعيم الشهرين يا قلبي 
وفعلا جهزت جميله نفسها وطفلها واعطته دواء خافض للحرارة تحسبا لبعد التطعيم كما اوصتها والدتها ومرت بالطريق عليها وذهبت لمكان التطعيم وأثناء عودتهم لاحظت والدتها اضرابها فصممت على اخذها معها وقضاء اليوم معاها وهناك تكلمت جميله مع امها بصراحه علها تجد عندها ما يريحها وبالفعل إجابتها امها
بصراحه يا جميله العلاقة الزوجية مش المفروض تحكى عنها لاى حد بس انا عزراكى
بصى يا بنتى فى رجاله كدا مش بيسمحو لاى حاجه تشغل مراتهم عنهم حتى لو كان ابنه واكيد الوقت إلى بتكونو سوا بسبب محمد قل ودا برضو ممكن يزود غيرته 
ردت عليها بضيق وقالت
ياماما بقولك مبقاش زى الاول وكل حركاته