رواية مختلفة الفصول من الحادي عشر للرابع عشر بقلم ملكة الروايات

ادهم اه خلصت .. انسه نيران المنياوي احب اقولك انك ضعيفه مش قويه زي مانتي فاكره وزي مابتحاولي تظهريه للناس اللي حواليكي يلا بينا عشان نمشي نروح لسامح عشان نرجع بدري 
نيران بعصبيه استني انت بأي حق تكلم معايا بالطريقه دي 
ادهم ببرود هو انا اتكلمت ازاي انا بقول الحقيقه وقرب منها خليكي ع طبيعتك يا نيران صدقيني انتي تستاهلي حاجات حلوه كتير بس واجهي واجهي يانيران دي الحاجه الوحيده اللي هقولهالك 

نيران فضلت متنحه من طريقته بس اكتر حاجه بتفكر فيها انها حقيقي نفسها ترجع البيت واللي هيجننها انها مش عارفه ترد عليه 
ف بيت سمر ..
عبدالله جيه ومعاه التحاليل 
زنوبه دي التحاليل .. ها التحاليل بتقول ايه 
سمر بقت واقفه خاېفه .. وبقت تدعي ان ربنا ينصرها ع زنوبه 
عبدالله مبروك يا سموره انتي حامل 
سمر بفرحه بجد يا عبدالله الف حمد وشكر ليك ياررب الحمدلله
زنوبه كانت هتروح فيها نعم ازاي 
عبدالله بستغراب قصدك ايه يا اما 
زنوبه مقصدش وبصت لسمر بغل الف مبروك 
سمر لنفسها الحمد لله ياررب نصرتني عليها الف حمد وشكر ليك ياررب 
زنوبه لنفسها انتي فاكره انك بكده انتصرتي عليا  العيل ده مش هيفضل جواكي وهتشوفي يا سمر 
ف بيت عم محمد ..
منار قاعده مع ايمان صاحبتها 
منار هتجنن يا ايمان والله 
ايمان اهدي بس كده ونفكر بس استاذ ادهم محترم هو اكيد بس بيخلوا باله منها 
منار بنرفزه ويخلوا باله منها ليه نغه هي .. عيله يعني عشان يخلي باله منها
ايمان انا عايزه اشوفها 
منار متشوفيش وحش هتلاقي صورها مغرقه الفيس ف صفحات الاخبار 
ايمان طلعت موبايلها وعملت بحث ع جريده من الجرائد ع الفيس وبقت تقلب لحد ماشفتها وتنحت اسمها نيران المنياوي 
منار بقرف ايوه هي 
ايمان اوباااا يا جدعان بقولك ايه هي جمالها عادي بس تحسي اني ليها جاذبيه خاصه بجد 
منار هو انا جيباكي عشان تعاكسيها ده انا اكسر عضمك 
ايمان لمعت ف دماغها فكره خبيثه .. طب بقولك ايه اهدي مش انتي عايزه تأذيها 
منار انا عايزاها تمشي بجد حاسها خطړ عليا وهي بالفعل خطړ عليا 
ايمان بخبث طب اسمعي بقا اللي هقولك عليه 
ف لندن 
محسن سعد مش هيجبها البر ابدا مع بنتي انا واثق 
دانيال اهدي محسن .. نيران بنت قويه رخم انها انثي بس ليها قوه خاصه وغير اطمن ع نيره طول مانيران معاها 
محسن بابا هو السبب ف كل حاجه حصلت يا دانيال  بابا هو اللي عمل العداوه دي من الورث والقرف
دانيال لا مش ابوك يا محسن .. مراتك هي اللي عملت العداوه دي وبسببها برضو نيران ونيره كرهوك وشافوك حد خاېن .. ابوك كان دايما فاهمها ايه يا  سياده اللواء دماغك لدرجادي وقفت 
محسن بحزن انا الحاجه الوحيده اللي بفكر فيها يا دانيال اني عايز اخد بناتي ف حضني واعوضهم عن فراقي ليهم طول السنين دي كلها لازم يفهموا كل الحاجه وتوضحلهم الصوره الحقيقي مش المزيفه اللي رسمتهالهم سميره قبل ماتموت لازم يعرفوا انها اللي خاينه وخانتني مع اخويا 
هدي طلعت قعدت مع فاطمه ..
فاطمه تعالي نقعد ياهدي عم محمد طلعلي وقالي ان محسن باشا كلمه 
هدي ليه بتقولي عليه باشا يا فاطمه ..
فاطمه   عشان هو باشا يا هدي فاهمه 
هدي عمرك ماهتغيري اي حاجه يا فاطمه .. محسن كان دايما بيحبك وانا واثق انه هو لحد دلوقتي انتي ف قلبه 
فاطمه هدي ممكن نقفل ع الكلام ده 
هدي وياتري يا فاطمه هتقدري تهربي من الحقيقه
فاطمه خلاص يا هدي خلاص لو سمحتي .. هو اتجوز سميره بس انا واثقه انه مخنش مش محسن ابدا اللي يخون فاهمه 
هدي طبطبت عليها انا عارفه انك پتتوجعي .. انا حقيقي لو كنت مكانك مكنتش هقدر استحمل كل ده ابدا بجد 
فاطمه الحمدلله يا هدي ودمعه هربت من عنيها  انا اهم حاجه اني بسمع اخباره حتي لو فين وفين .. وانه بخير وانا مش عايزه اي حاجه ف الدنيا غير كده 
ف اسكندريه ف بيت سامح 
سهر ايه ده ازيك يا ادهم يا ابني اتفضل 
سامح اول ماشاف ادهم اتنفض من مكانه ونيران استغربت جدا 
نيران لنفسها   لدرجادي خاېف منه 
سهر اومال مين القمر يا ادهم
ادهم كان لسه هيرد بس نيران قطعته
نيران ازيك يا طنط .. انا نيران من حقوق المرأة 
ادهم بصلها پصدمه 
سهر حقوق المرأة 
نيران ايوه يا طنط ..وبصت  معلش يا استاذ سامح مش حضرتك استاذ سامح برضو  هعطلك هاخد من وقتك شويه 
سامح خاف ومش عارف هو خاف ليه 
نيران شافت نظره الخۏف وعرفت كده انها ماشيه صح .. استاذ سامح مرات حضرتك جتلنا وحكتلنا ع اللي حصل واحنا طبعا عشان بنهتم بحقوق المرأه واني احنا لازم نجبلها حقها فكنت لازم اجيلك مدام اسما قالت انك بتزعقلها وبتسبها لوحدها وبتعاملها بطريقه لاتليق بزوجه كانها جاريه هل ده صحيح 
سامح المفروض اني دي حاجه بتحصل بين اي اتنين متجوزين وعادي اني يحصل بينهم تنشنه وزعيق 
نيران ببرود مبالغ فيه ..اهدي