رواية الشغف العاشق الفصول 3-4

أهل الحارة 
قالها يعقوب فعقب عرفة 
ربنا يزيدك من نعيمه يا معلم و ربنا يقوم الجماعة بالسلامة
يارب يا عرفة يارب 
و بعد أن أنتهي من الدعاء وجد أمامه شيخا كبيرا فى العمر ألقى التحية عليه 
السلام عليكم يا يعقوب يا بني
شعر الأخر بأن هناك أمر ما و قد أتى إليه هذا الرجل من أجله
و عليكم السلام يا عم سليمان أتفضل
ذهب كليهما و جلس كل منهما على كرسى مقابل إلى الأخر الذى يحدق إليه بعتاب و لوم قائلا 
أنا جاى لك و زعلان منك جامد ينفع اللى عملته مع راوية ده
أخبره يعقوب بتبرير ما قد فعله 
أنا معملتش حاجة حړام
عقب الأخر 
بس كان لازم تقولها يا بني و تسيبها تختار
شعر بالضيق و الضجر لذا قال إليه 
بص يا عم سليمان أنا عارف مقام راوية بنت أختك عندك غالي أوى بس يعلم ربنا أنا براعي ربنا فيها إزاي و كل طلباتها مجابة و مسألة جوازتي التانية دى محسوم أمرها عايزة ترجع البيت أهلا و سهلا أنا ما قولتلهاش تسيب البيت و تمشي برغم إن أنا محذرها لو سابته ما ترجعش و صممت برضو تنفذ اللى فى دماغها
تنهد سليمان و وجد أن الأمر على وشك التعقيد فشعر أن عليه أن يخبره بما يعلم إياه 
هى دلوقتى مجړوحة و حاسة إنك أهانت كرامتها بجوازك عليها من وراها و لما أتمسكت بجوازك من التانية شافت إنها ما بقاش ليها أى قيمة عندك معلش يا بنى تعالى على نفسك المرة دي و روح خدها من بيت عمك إن مكنش عشانها يبقي عشان خاطر اللى فى بطنها 
انتفضت من مكانها و تهز رأسها برفض ثم عقبت على ما أخبرته بها شقيقتها للتو 
لاء يا سعاد مقدرش و مستحيل أعمل حاجة زى كدة أنت فاهمة اللى بتقوليه ده يبقي إيه و عقابه عند ربنا إزاى!
نهضت الأخرى ثم جلست جوار شقيقتها توسوس إليها كالشيطان بل هى أقوى منه شړا فهناك نوع أخر للشياطين أشد خطۏرة و على قدر عال من الشړ و ما هم سوى شياطين الإنس. 
اسمعي كلامي هاتكسبي أوى لأنك لو معملتيش كدة هتورث معاكم أنت و ابنك أنت اللى أحق بكل حاجة و ما تجيش واحدة ما نعرفش أصلها منين تيجي تقش على الجاهز تعب و شقي جوزك و بتاعك أنت كمان زى ما هى قاسمة معاك جوزك
نظرت نحو الفراغ بشرود فكان وقع الكلمات على أذنها أقوي من السحر بدأت ترضخ إلى الأمر فقالت 
طيب إفرض وافقت على اللى بتقوليه أنا مش هعرف أتحرك من مكانى من وقت ما يعقوب جه خدني من عند أمى و حالف عليا ما هخرج من باب البيت غير بإذنه
ظهرت ابتسامة شېطانية على ثغر شقيقتها و قالت بثقة 
سيبي عليا الموضوع ده و فى خلال أسبوع هاتسمعي خبرها
الفصل الرابع
الأوقات السعيدة لم تدم طويلا فيجب على المرء أن يعد ذاته لتلقى الصدمات فى أى وقت
مرت الأيام بل شهور و كانت من أجمل أيام عمره الذى عاش خلالها أروع الذكريات التى ستخلد فى ذاكرته حتى المت لم يكن لديه علم من قبل عن المعنى الحقيقى للحب سوى بين يديها.
ينظر فى الساعة التى تحيط رسغه و صاح مناديا
يا رقية يلا أتأخرنا
خرجت من الغرفة بخطى ثقيلة و السبب يعود إلى بطنها المنتفخ من الحمل
يلا أنا جاهزة شوف منظري بقى شبه الكورة ببطني اللى بقت مترين قدام
أطلق قهقهة فقال
و الله زى القمر و بتحلوى بزيادة
اقتربت منه و تعلقت فى ذراعه قائلة