رواية حصرية الفصول من 7-12
المحتويات
الجزء السابع
قراءة ممتعة
في قصر الدميري
وعند الجد محمد صحي بدري وطلب من دادا عزيزة تصحي الكل
عشان يمشو بدري للمزرعة اتفاجئ بشهاب صاحي ابتسم وقال صباح الخير يابني انت صحيت
ابتسم شهاب الي مانمش اصلا وهو بفكر بالي بيحصل وفي ورد تحديدا
وقال ايوه يا جدو صاحي عشان هاروح الشركة اظبط الامور وبعدين الحقكم
واخد بسكتي عمر وعليا عشان هايجو معانا
رد محمد خلاص هنستناك لو هاتروح وتيجي بسرعة
لا يا جدو معلش اسبقوني انتم وانا احصلكم مش عايزكم تتأخرو
انا ماشي ياجدو عشان اخلص والحقكم
ومشي شهاب للشركة بعد ما باس راس جدو
بعد شوية
ركب الحاج محمد مع ورد وجدتها ونادية في عربية وحدة
وعيلة سمر في عربية تانية
وعربية للداد عزيزة والخدامين
وشهاب قبل مايروح وصى الحراس يمشو مع سيارة الحج محمد وينتبهو عليهم كويس
وبعد مدة وصلو العربيات ورا بعض ونزلو
وابتدات الاستعدادات للحفلة
نزل شهاب من عربيته ع الشركة دخل لغرفة عمر
وقعد بزهق
ضحك عمر وهو بشوفه متعصب
يا صباح الخير ايه الي معكنن سيادتك ع الصبح كده
دا منظر الغول الي ولا حاجة تهزو مش ممكن
وقام قعد جنبه مالك يا صاحبي
زم عمر حواجبه وسأل مالها ورد انا شوفت انها كويسة وبتأدي دورها كويس
رد شهاب بعصبية ما هي دي المشكلة
انها كويسة جدا
وعلى قد ما بتساعدني
على قد ما عمال تتأذى
انا خربت حياة البنت دي
تصور انها كانت مخطوبة
وخطيبها شافنا واتعصب
وفضل يزعقلها عشان لبسها ليا
وفي النهاية سابو بعض وضميري بأنبني عشانها
انا زعلان عليها بس مش ممكن اتراجع وابعدها وخصوصي بعد ما شافها
جدو و اتعلق بيها جدا يمكن اكتر من دعاء
وبصراحة حتى انا رجعت اشتاق لدعاء وانا بشوفها بتتصرف زيها
والي عمال يأذي ورد اكتر تصرفات عمتي وجوزها حتى نيفين مش سيباها في حالها
دي مش بتعرف تعترض على اي تصرف انا بتصرفه معاها وانا عارف اني بحرجهاخصوصي لما بقرب منها او بحس انها عايزة ټموتني
حاسس اني ورطتها وبقت في دوامة مش عارفة تخرج منها
واليوم جدو هايعلن خبر خطوبتنا ومعاد الفرح وهي زعلانة وبتقول اني كدبت عليها
رد عمر طيب انت حكت ليها كل التفاصيل وهي عارف كل دا
يا عمر افهمني
اولا انا ماتكلمتش معاها بخصوص حقد سمر وعيلتها عليها
ثانيا الي ما تعرفهوش انت اني غصبتها على جوازنا عشان ما كنتش بتسبني او حتى امسك ايدها والكلب الي اسمه امين عرف من جواسيسه وفضحنا قدام جدو وجدو من الفرحة عايز يحدد معاد الفرح
حرام عليك يا اخي دانت مش بس بوظتلها حياتها لا دا انت خربتها
ودلوقت هاتعمل ايه
رد شهاب ولا حاجة المهم
الخطة تنجح وبعدين اعوضها
يا شهاب يا حبيبي هي مش كل الامور تتحل بالفلوس
وقف شهاب بنظرات جافة وقطع حديث عمر
انا هاروح مكتبي وانهي الشغل في السريع كدا
تكون انت خلصت كمان عشان نمر على عليا و ناخدها في سكتنا
مش عايز تاخير عشان خاېف على ورد وطلع شهاب زي ما دخل وعمر بفكر في كتلة البرائة الي اسمها ورد والي مستخبيلها في وكر الغول وعيلته
في المزرعة
بعد ما ارتاحو الكل من السفر
وقفت ورد اعلى سلم الفيلا الي في المزرعة وهي تايهة مش عارفة تعمل ايه
او تروح فين حتى اللبس شهاب ما قلاهاش تلبس ايه
و ما فيش حد تعرفه من كل المعازيم الي جو للحفلة الا جد شهاب ودادا عزيزة حتى نادية ما تقربتش منها كتير
فجأة سمعت صوت انثوي ناعم و شافت بنت طالعة السلم بتركض و اول ما وصلت ورد بحرارة وهي بتقول وحشتيني يا دودو وعينيها مبرقة من الدموع
ورد وهي بتفتكر مين دي بس باين انها بتحب دعاء من دموعها ولهفتها
ازايك يا دودو انا ما صدقت لما سمعت خبر رجوعك انا فرحانة اوي اني شفتك بخير
سمعو البنتين صوت بيكرهوا هما التنين من ورا ورد وهي بتقول اهلا تقى ايه رجعتلك الحياة لما شفت دودو وهي بتلوي بوزها وبتمط الكلمة
ارتاحت ورد لما سمعت اسم تقى وافتكرتها
الټفت تقى وقالت اكيد يا نيفين امال ترجعلي الحياة بشوفة خلقتك الزفرة ضحكت ورد ڠصب عنها وقالت بمسخرة
عيب يا توتو لما تقولي كدا
تعالي تعالي انا اشتقتلك مۏت
ومشيو من قدام نيفين وهي الارض برجلها من العصبية وبتتوعد ليهم
اما وريتكم انتو التنين ما بقاش انا يا تافهين
وفضلت تقى و ورد قاعدين يتكلمو على نيفين وغياب دعاء
لغاية ما سمعو دقة ناعمة ع الباب ودخل شهاب
جريت تقى واتعلقت برقبته هي وتدلع عليه وهو بيخربلها في شعرها
بص لورد لقى علامة الاستنكار على وشها
على لبعض من غير خجل
اتحمحم بصوتو
وبعد عن تقى بهدوء
وقال ها قوليلي ايه رايك بالمفاجئة ورفع راسه بشاور على ورد تقى وقالت احلا مفاجئة يلا يا عم كفاية حزن بقا خلينا نفرح
ابتسم شهاب وعينيه بتاكل ورد وتفاصيلها وخصوصي نظرة الرفض لعلاقات العيلة
دي
نادى على ورد الي كانت شاردة بيهم
وشاور على اكياس جابتهم الخدامة وقال
افتحي الاكياس
يا دعاء
متابعة القراءة
