رواية ولاء الفصول من الرابع للثامن

عارفه ام ايه دي... بقي في واحده ترمي عيالها كده وتمشي .... جلها قلب ازاي.. دي الوحده مننا مبتعرفش تنام غير وعيالها في حضنها 
ام عادل اقول ايه حسبى الله ونعم الوكيل... تعبت ياختي والله مبقاش فيا صحه ليهم 
ام فاروق طب متجوزي ابنك ياختي... اهو تجيبي واحدة تشيل عنك العيال 
ام عادل اجوزه منين ياختي هو عادل حلتو حاجه... ال عيال قاطمين ظهره من المصريف ... وعادل يوم شغال ولا 
تنزل فاطمة وحكمت والبنات 
فاطمة سلام عليكم
الستات وعليكم السلام ورحمة الله وبركاته...
ام عادل ازيك يا ست فاطمة... عامله ايه يا ابله حكمت 
حكمت بابتسامة الحمدالله يا خالتي... 
ام نبيل برخامه مش تعرفونا على الحلوين... 
فاطمة تبص للبنات وتبتسم دي ندا... ودي أميرة...وتبص لها اوي احفادي يا ام نبيل... زيهم زي حكمت بظبط 
ام فارق يا اهلا وسهلا... نورت يا حبايبي... وانتم في سنه كام...ولا مش في مدرسه 
اميره بابتسامة لا يا طنط بندرس... احنا أخذنا الثانوية العامة السنه دي ... ومستنين النتيجه 
ام نبيل زي رحاب بنتي... هي كمان في ثانوية ومستنيه النتيجة ... ربنا ينجحكم يارب 
فاطمة تنزل يارب يام نبيل ويطمنك على رحاب .. عن اذنكم... يلا يا بنات علشان منتاخرش... سلام عليكم 
الكل وعليكم السلام 
وأول ما خرجو ا من الباب البيت 
ام نبيل بقولك ايه يام عادل.... ما تجوزي عادل لبت من البنات دول..اهو تاخد بالها من العيال وتخدمهم ... وترتاحي انتي 
ام عادل يالهووووي يا وليه... اجوز عادل عيله... دا عادل 45سنه.... دي بنته ألكبيره أصغر منهم ب 3 سنين .. 
ام نبيل وماله ياختي عادل بصحته ولو على بنته اهي هتلاقي حد من دورها تتسلو معاها ..... وبعدين انتي ابنك أرزقي يوم بيشتغل ويوم لا... وممعهوش مصاريف جواز تاني ... والبنات دول لا ليهم اب ولا ام.... يعني ماحدش هيقولك هاتي ومتجبيش.. وهتخش على العفش اللي في الشقه . وهي بعد الجواز تبقى تنزل تشتغل في أي محل... وتساعد ابنك في المصاريف.... وهو انتي هينوبك ثواب في ستر بت يتيما هتلاقي ليها بيت يتاويها... وتبقي كفالتي يتيم.... زي الشيخ صالح ما قال 
ام عادل بتفكير وهي الست فاطمة ولا ابله حكمت هيوافقوا... انتي ما سمعتي الست فاطمة بتقول احفادهم زيهم زي حكمت عندها 
ام نبيل ياختي دا كلام... بتقوله قدام العيال... علشان متكسرش نفسهم... انتي روحي اخطبي واحده منهم ..وهي ما هتصدق حد يشيل من عليها... هي حكمت هتصرف عليهم منين 
ام عادل ياختي خاېفه الست فاطمه ترفض 
ام فاروق و لا هترفض و لا حاجه... مش احسن ما يعنسوا ويعقدو ا جمبها زي حكمت... بصي بكرا...نبقى نطلع ليهم معاكي... ونكلمها... خلينا ناخد ثواب وربنا يرضه علينا... ويستر بناتنا
ام عادل يارب ياختي.. ويفرحك ب ساميه... اللي هي هتدخل امتى... دي بقالها كتير مخطوبه
ام فاروق بحزن ادعيلها يام عادل ونبي... احسن ھموت بحسرتها ياختي... البت بقالها 10سنين مكتوب كتابها
ام نبيل وأم عادل ربنا يكرمها... ويطمنك عليها
ام فاروق يارب
حكمت وفاطمة والبنات قضوا يوم حلو اوي...راحو السينما... وبعدها جابوا سندوتشات وقعدواعلى كافيه أكلوا وشربوا شاي.. والبنات أكلوا آيس كريم ... وفضلوا يلفوا على الهدوم بس الأسعار كانت غاليه اوي...وندا كانت بترفض تقيس اي لبس وتقلع هدمها وطرحه.. كانت خاېفه حد يشوف الحړق.. فمعرفوش يشتروا حاجه... واميره رفضت تشتري من غير ندا...وحكمت زعلت منهم ... بس ندا قالت ليها تشتري قماش وهي هتصمم حاجات احلى من اللي بتتعرض...وفعلا جابوا قماش كتير... وبليل روحوا وهم مبسوطين وعاملين يضحكوا... وفات اليوم جميل البنات انبسطوا فيه اوي ... وتاني يوم... ندا كانت قاعده بتصمم وتقص القماش.... فالباب خبط..واميره جت تفتح الباب 
ندا بسرعه استنى يا اميره وخدت طرحتها من على الكنبه... ولبست وفضلت تتأكد انها ملفوفه كويس... خلاص افتحي 
اميره فتحت لقيت التلات ستات قدمها 
اميره بابتسامة اهلا وسهلا اتفضلو ا
ام فاروق اهلا بيكي يا حلوه... أمال الست فاطمة وابله حكمت فين 
اميره جوا في المطبخ... هدخل اقولهم.. اتفضلوا 
دخلو التلاته.. وندا كانت واقفه جمب القماش 
ندا بارتباك هي لسه ماخدتش تتعمل مع الناس بس بتحاول تنسى جرحها وتتعامل علشان لما تدخل الجامعه 
ندا ترسم ابتسامة اهلا وسهلا 
ام نبيل اهلا بيكي.. و يروحوا يقعدوا قدام ندا.. تبص على القماش انتي بتعملي ايه.. يااا... انتي اسمك ايه معلش نسيت 
ندا بابتسامة اسمي ندا.. 
ام نبيل عاشت الاسامي.. بتعملي ايه يا ندا 
ندا مافيش يا طنط...دا انا بفصل هدوم ليا انا واميره 
ام نبيل تبص لام عادل وتغمزلها.. ف ام عادل ابتسمت 
ام عادل انتي بتعرفي تفصلي .. 
ندا اه.. شويه يعني.. وتيتا فاطمة بتعلمني 
ام عادل بابتسامة شاطره... طيب بتعرفي تطبخي و تنظفي وتغسلي... 
ندا بصت ليها باستغراب .. وحكمت وفاطمة كانوا خرجوا من المطبخ وسمعوهم فبصوا لبعض باستغراب 
فاطمة سلام عليكم...ايه النور دا... خطوة عزيزه 
وسلموا عليهم.. وقعدوا معاهم... واميره عملت شاي وجيت... وهما عمالين يسالوا ويتكلموا في حاجه غريبه