رواية ولاء الفصول من الرابع للثامن

أوكر! انا يا بت بلمع أوكر. 
حكمت تبعد عنها وتضحك بهزر معاكي يا بطوطة
اميره وندا خرجوا من الاوضه صباح الخير
حكمت وفاطمة صباح النور
فاطمة لقيت ندا لبسه الطرح على رأسها 
فاطمة يتصنع الڠضب بت يا ندا انا مش قولتلك متلبسيش الطرحه في البيت... هو انا كلامي مبيتسمعش اقوم اكسر لك دماغك دلوقتي 
ندا بابتسامة لا يا تيتا والله بيتسمع... بس انا لبساها علشان كنت بصلي
فاطمة بابتسامة ااااه.... شاطره يا ندي تقبل الله يا حبيبتي وتبص لأمير وانتي يا اميره صليتي
ندا تضحك وأميره تكسف اوي وحكمت وفاطمة بصوا ليهم باستغراب 
فاطمة باستغراب مبترديش ليه..... صليتي 
اميره بكسوف لا يا تيتا... اصلي مش بصلي
فاطمة وشها كشړ وڠضبت وبصت لحكمت اللي مستغرابه 
فاطمة پغضب مش بتصلي يعني ايه ... تبقى مسلمه ازاي من غير صلى.... دي الصلاة اول حاجة ربنا هيسالك عليها يوم القيامة .... هتقبلي ربنا يومها ازاي وانتي مبتصليش ....هتقولي ايه انا كنت بكسل  اني اقوم اصلي وأقف بين ايدك يارب ....استغفر الله العظيم... عاوزه ربنا يصلح حالك ويكرمك وتنجحي ازاي من غير صلى.... عاوزه ربنا يسترها معاكي ويحميكي وانتي مش بتصلي .... وتبص لحكمت پغضب وانتي يا ست الأستاذة ... ازاي سيبها لدلوقتي من غير ما تكون بتصلي.... وعمله تقولي دول بناتي وانا أمهم.. هي في ام متخافش على عيالها... انتي مش عارفه ان ربنا قال علموهم من سبع واضربوهم من عشره... عندها كام سنه الشحطه دي دلوقتي... استغفر الله العظيم ...ذنبها في رقبتك يا حكمت.... انتي اللي مسؤله قدام ربنا عنهم...
اميره وحكمت كانوا بيحاولوا يتكلموا... بس فاطمة مش مدى فرصه لحد وغضبانه وبتتكلم بسرعه... وندا عماله تضحك... واميره تخبط فيها 
ندا بصوة عالي وضحك استنى بس... يااااتيتا
فاطمه پغضب عاوزه ايه انتي كمان
ندا بضحك يا تيتا اميره مش بتصلي الايام دي بس وتبص لاميره اللي اتكسفت أصلها عندها... عندها ظروف
فاطمة باستغراب ظروف ايه دي وسكتت لما فهمت قصدها ... وراحت ضاحكة اوي وهم ضحكوا على ضحكها
فاطمة بضحك مش تقولوا كده... يخيبكم عيال.... معلش بقى اصلي نسيت الحاجات دي 
حكمت بضحك يااااسلام.... بقي كل اللي عملتيه دا وفي الاخر تقولي معلش... دا انتي دخلتينا الڼار.. لااااا احنا زعلانين.... انتي لازم تصلحينا... وتعملي لينا حاجه حلوه... صح يا بنات 
البنات صح يا ابله 
فاطمة بغيظ تقلدهم صح يا ابله... امشي يا بنت انتي وهي وهي من هنا.... انا مش هعملكم حاجه... وبعدين انا قولت ايه غلط.... ماهو انتي اللي مسؤوله عنهم قدام ربنا... وانا خۏفت تكوني قصرتي معاهم . دول بقوا بناتك واحفادي ... خۏفت عليكي وعليهم ... وبعدين انا اللي زعلانه منكم... علشان قعدتوا تفتكروا اللي فات وتعيطوا.. وانا لما بتعيطوا قلبي بيوجعني... وعينها تدمع وجعتي قلبي.. وافتكرت ابوكي وامك... وانتي لما كنتي هتروحي ما بين أيدي... حسبي الله ونعم الوكيل
حكمت قامت بسرعه حضنت جدتها.. وندا واميره.. نزلوا قعدوا على الأرض قدامها اميره 
حكمت حقك عليا يا تيتا...متزعليش مني بس أوعدك والله مش هكلم في الماضي تاني هنساه... وهبدا حياتي معاكي انتي والبنات 
فاطمة تبص ليهم يعني آخر مره... توعدوني كلكم... محدش فيكم هيفتكر الماضي بتاعوا..ولا يكلم فيه... وتنسوا وتبدوا حياتكم من جديد
كلهم نوعدك يا تيتا
فاطمة بابتسامة خلاص مسمحاكم... وهقوم اعملكم حاجه حلوه 
اميره بحب ربنا يخليكي لينا يا تيتا
حكمت بابتسامة تقومي فين لاااا انا اللي زعلتك وانا هصلحك... وهعزمكم كلكم على الغدا بره.... ونشتري هدوم جديده للبنات علشان نستعد للكلية 
ندا لا يا ابله مش مهم احنا عندنا... كفاية اللي حضرتك عملتيه عشانا... احنا اصلا مش عارفين نشكرك ازاي 
حكمت بزعل تاني يا ندا الكلام دا... بجد لو قولتي كده تاني هزعل منك... انتم بناتي فاهمه يعني ايه بناتي... يعني مسؤولين مني... في بنت بتشكر مامتها... آخر مره يا ندا مفهوم 
ندا بابتسامة حاضر يا ابله 
فاطمة بابتسامة ربنا يخليكم لبعض... وتسكت وتبص لحكمت بغيظ اية بناتك دي... قولت اخواتك
حكمت بضحك لاااا... البيت النهارده فيه حاجه مش طبيعيه... الكل نفسيته تعبانه وطالبه معاكي خناق....احنا نقوم نلبس ونخرج بسرعه...ايه رأيكم ندخل سينما احنا ممكن نلحق عرض الساعة 3 
ندا وأميره بفرحه بجد يا ابله... هنروح السينما 
حكمت بابتسامة ايوه يلا روحوا اجهزو 
جريت اميره وندا بفرحه... وفاطمة وحكمت فرحانين لفرحتهم 
فاطمه بابتسامة ربنا يسعدك... ويحققلك اللي بتتمنيه يا حكمت زي ما بتسعديهم 
حكمت بحب ويخليكي لينا يا تيتا
وبعد ساعه حكمت وفاطمة والبنات كانوا لابسين ونزلين سوا.... والستات من الجيران كانوا قاعدين على السلام بيتكلموا...
ام فاروق ياختي وانتي هتقدري على خدمتهم ...دا ولاد ابنك شياطين... دا انا بشوفهم من الشباك... بصوت وأفضل اقول مستحملهم ازاي... الله يكون في عونك ياختي 
ام عادل بحزن اعمل ايه يام فارق... هرميهم في الشارع يعني .... منه الله امهم... جيت رميتهم لابوهاومشيت
ام نبيل ياختي انا مش