رواية ولاء الفصول من التاسع للثاني عشر

احسن تعرف وتبطل تساعدهم
هاني وانتي ياختي جايه تقولنا ليه طالما مش هنعرف نجيبهم.....بټحرقي دمنا بس 
نغم تضربه على كتفه بقولكم علشان نفكر ناخدهم منها ازاي يا جزمه
مازن انا هاجيهم لكم 
نغم اقعد اقعد... متتعبش نفسك هي مالهاش في النظام بتاعك خالص
مازن بغرور كلهم في الأول بيبقى ملموش... ومع مازن بيبقى ليهم ويغمز ليها ويمشي ريح لندا ...
كان في واحد واقف وراهم...عند البوفيه بيشرب قهوه وسمع الحوار بينهم الواحد دا يبقى عمران هنتعرف عليه كمان شويه عمران حس بفضول وبقي عاوز يعرف مازن هيعمل ايه مع البنت .فبقي بيبص عليهم باهتمام 
مازن قرب من ندا اللي كانت قاعده وسط الكتب ومندمجه في الكتابه 
مازن بابتسامة لو سمحتيندا رفعت عنيها وبصت ليه ممكن اقعد معاكي على الترابيزه .... اصل مافيش ترابيزه فاضيه... 
ندا رفعت رأسها وبصت حواليها شافت  أماكن تانيه كتير فاضيه... وشافت الشله بتاعته وهم بيبصوا على مازن... وبيتهامسوا سوا
ندا تبص له بابتسامةاه طبعا اتفضل 
مازن فرح وبص لأصحابه وغمزلهم... وهم مصدقوش عنيهم...بس مازن يادوب بيقعد... كانت ندا لمت كل الكتب ... وشاورت لحد ... وعمران شافها... فضل يبص هي بتشاور لمين... 
ندا مشيت من قدام مازن... ومدتهوش اي اهتمام وهو لسه هينطق بس ملحقتش لأنها بعدت عنه... فاصحابوا كلهم ضحكوا بصوت عالي.. وهو واقف يبص بغيظ على ندا ... لقى حد وره بيخبط على كتفه..فبص عليه
االنادل الحساب 50ج 
مازن باستغراب 50ج بتوع ايه ... انا مطلبتش حاجه 
االنادل دا حساب التربيزه دي... اللي انسه اللي كانت قاعده معك هي اللي طلبت فطار وعصير ونسكافيه ... وشاورت ليا قبل ما تمشي انك انت اللي هتدفع الحساب
صوت النادل كان عالي وأصحاب مازن ضحكوا بصوت عالي جدا... وعمران كمان ابتسم بإعجاب بذكاء البنت اللي ميعرفهاش...
ندا لما مشيت كانت أميرة وصلت قدام الكلية وروحوا الاتنين سوا
وهم قاعدين بيتغدوا مع فاطمة وحكمت .. ندا كانت بتحكي ليهم.. مواقف مازن... والكل عمل يضحك
ندا بضحك يعني اكلتي وشربتي... ودبستيه هو في الحساب 
أميرة بضحك علشان يتربى... فاكر نفسه حدق اوي وجاي يستظراف وأصحابه قاعدين وفاكرين انه الواد  فالنتينو وبيوقع اي بنت 
حكمت بابتسامة اتغيرتي اوي يا ندا... مبقاش يتخاف عليكي...من يوم موضوع ام عادل... وانا ملاحظه تغيرك انتي ماكنتيش كده... انا مبسوطه اوي انك خرجتي من عزلتك وبقيتي تعرفي تتعاملي.. وبتواجهي الناس وتدافعي عن نفسك زمان كنتي على طول بتستسلمي 
ندا بابتسامة حزينه انا فعلا اتغيرت...وانا في الملجأ.. كان الكل عارفني وعارفين الحړق اللي في جسمي... فكنت بهرب من البنات والمشرفات ومش بواجه حد فيهم كنت بستسلم ...كنت بهرب عشان مشفش نظرت الاشمئزاز وهم بيبصوا عليا... أو أن حد فيهم يتخانق معايا ويقول يا مشوهه.. الكل ساب الاكل وبص ليها بحزن لكن لما خرجت من الملجأ... وعشت معاكم وبقيت قاعده براحتي من غير طرحه و لا قميص برقبه.. ورغم انكم شايفين الحړق... مش شايفه في عنيكم غير نظرة الحب... بقيت حاسه اني عاديه... نسيت الحړق رجعت ليا ثقتي في نفسي... والناس بره.. ماحدش يعرفني... فنظرت عنيهم ليا عاديه... وتبتسم وفي أوقات بتبقى نظرات إعجاب... فبطلت اخاڤ... واللي بيحاول يعمل نفسه ذكي ويشوف نفسه عليا... بعرف ازاي اعرفو حدوده.. ويبقى قدم نفسه عيل اهبل وعبيط 
اميرة بضحك ايوه بقى يا نيدوش... والله وبقيتي قطه بتخربش ندا بصت ليها وعملت صوت القطه بتخربش بايدها 
فاطمة بابتسامة ربنا يحميكم.. ويبعد عنكم كل الشړ 
أميرة ايوه ادعيلي اوي يا تيتا...وتبص لحكمت ادعيلي ابله حكمت توافق 
حكمت بصت ليه باهتمام أوافق على ايه 
اميره بابتسامة على شغلي 
حكمت بصت ليها باستغراب شغل ايه 
أميرة حكت ليهم على الشغل في المستشفى... وان نهى كلمت المدير... اميره كانت بتكلم بحماس.. وحكمت باصه ليها اوي... وبعد اما اميره خلصت كلام بصت لحكمت بقلق 
اميره بارتباك ايه رأيك يا ابله 
حكمت بصت ليها شويه وسكتت... وبعدين رجعت تاكل 
حكمت موافقة 
ندا باستغراب بجد يا ابله و لا بتهزي 
حكمت بابتسامة لا بجد وبصت لاميره  انا كان ممكن أرفض لو حسيت انك بتشتغلي علشان المصاريف أو تساعدني... بس وانتي بتكلمي لقيت مش الفلوس اللي فكرتي تشتغلي عشانها... انتي عاوزه تشتغلي علشان تتدرب وتبقى دكتوره شاطره .. وطالما الدكتورة نهى هي اللي جبتلك المستشفى اللي تدريبي فيها يبقى المكان كويس وهبقي مطمنه عليكي وتضحكمستعجله انتي اوي عشان تبقى دكتوره .. مش صابره لحد ما تخلصي. اشتغلي اميره
اميره بفرحه تقوم متشكره اوي يا ابله.. ربنا يخليكي ليا 
حكمت بس لو لقيت الشغل مقصر على صحتك أو دراستك هتسيبيه.. اتفقنا 
اميره ببتسامه اتفقنا 
وخلص الغدا والمغرب حكمت راحت مع أميرة المستشفى عشان تقابل المدير زي ما نهى قالت ليها ...وحكمت راحت معاها عشان تكون مطمنه على اميره...
وفي بيت حكمت
و ندا وفاطمة قاعدين الباب خبط... فندا لبست طرحتها وراحت تفتح ... لقيت ام فارق ومعاها ساميه بنتها 
ام فارق السلام عليكم... ازيك يا حبيبتي 
ندا وعليكم السلام... الحمد الله بخير