رواية ماجد 2 الفصول من الثالث عشر للسادس عشر

ولكنه لا يضحك على فتاة بغرض التسلية وچرح قلبها ليس دنيئا لذاك الحد!
علت رأسها مرة أخرى واردفت بضيق عندما لاحظت ضيقه من سوء فهمها له وظنها به محسسني إني فكرت فيك أو اتهمتك بحاجة مثلا! ف الحالتين أنت بتزني سواء ده أو ده الاتنين واحد حرام وغلط ومن أكبر الكبائر يا قاسم.
صمت قليلا ثم اردف مين الي كان ف شقتك وكان عاوز ايه
جاري و من وقت ما جيت الشقة وهو بيضايقني وكان عاوز يتجوزني عرفي وأنا رفضت ثانيا هو متجوز أصلا والنهاردة بقى لما روحت لقيته ف الشقة وكان بيحاول إنه..
صمتت بخجل ولم تعلم ما تقوله ف اردف قاسم بتفهم تمام أكيد مش هينفع ترجعي بيتك تاني.
نظرت له واردفت أمال هبات فين يعني!
حرك كتفه ببراءة واردف ف شقتي.
شهقت وهي تلوح له بيدها واردفت نعم يا روح امك!! هو علشان حكيتلك ظروفي وقولتلك يبقى تفكر انك كدة تقدر ت..
قاطعها قاسم پصدمة واردف بس بس إيه مصورة واتفجرت!! بالعة راديو ع الصبح يخربيتك!! وبعدين ظروف إيه الي اتنيلتي حكتيها!! وايه مريتي بيه يخليني أفكر فيك تفكير شمال وقذر زي تفكيرك دلوقت!! قولتلك هتيجي شقتي لأني قاعد ف بيت عمي وهسيبلك الشقة ليك لوحدك لحد ما تتنيلي تشوفي حل أو اشوفلك شقة كدة صغيرة على قدك تعيشي فيها.
نظرت له بخجل بينما أكمل هو وهو يلوي فمه بدهشة وبعدين إيه شغل الردح الي اتفتح ده أنا بتردحيلي وتشوحي معايا بايدك!!
لينا خلاص بقى وبعدين انت موضحتش قصدك كل الس قولته هروح معاك شقتك هفهم إيه أنا!!
قاسم پغضب تقومي تكلميني بالطريقة دي!!
لينا بضيق خلاص بقى قلبك أبيض ويلا لو سمحت علشان عاوزة أنام.
دفعها قاسم أمامه بخفة واردف امشي قدامي امشي.
لينا متزوقش طب.
بعد مرور أسبوع..
في فيلا ماجد اجتمع الجميع حول مائدة الطعام لتناول الفطار..
ماجد لقاسم الجالس بجانب زياد مش ملاحظ يا قاسم إنك بقيت ضيف تقيل شوية بقالك أسبوع قاعد هنا.
زياد وأنا أقول الأكسجين كدة بقى قليل بقاله مدة ليه!!
قاسم بضيق وهو يضرب زياد خلف رأسه هو أنت معاهم معاهم عليهم عليهم!!
جاسر بضحك لأ أصل زياد عاوز يتجوز ف هتلاقيه مع بابا دلوقت.
قاسم خد بالك أنا اخوها يعني كلمة مني ألغي الجوازة دي.
زياد لأ يا حبيبي عمي مديني كلمة ومش هيرجغ فيها..
ثم نظر لهشام واردف صح يا عمي
هشام بضحك مقدرش أقول غير صح يا قلب عمك.
قاسم بضيق أه بتعجزه على إنه يقولك حاجة تانية!
ماجد كلمت عمك يا زياد وقالي هيحدد معاد.
نهض زياد بسعادة واتجه ناحية عمه واردف الله ينور طريقك يا عمي.
نهض جاسر من مكانه واردف يلا يا قاسم أنت وزياد علشان هوصل زياد الموقع يتواصل هو مع العملا لأن عربيته ف التوكيل وانت روح الموقع التاني وأنا هطلع ع الشركة.
قاسم بخبث زياد هيروح أنهي موقع الي فيه البنت الي طلبت زياد مخصوص وأن التعامل يكون معاه هو
صبا پغضب وهي تنظر لزياد بنت مين
قاسم ببراءة دي عميلة كدة بريطانية ليها شغل مع شركتنا ولما جت طلبت إن شغلها يكون مع زياد شكلها معجبة بيه ولا حاجة..
زياد متمتم لنفسه پغضب الله يلعنك يا قاسم.
نهض زياد من مكانه واردف بتوتر ط..طب أنا رايح الشغل دلوقت و بليل هنتكلم سلام..
ذهب زياد ونهضت صبا واردفت پغضب ولا خد هنا..
هشام بحدة صبا قولتلك ايه قبل كدة
وقف زياد ونظر لها بينما نظرت هي له ولوالدها پغضب والدموع اجتمعت بعيناها ورحلت مسرعة ناحية غرفتها..
زياد عمي لو سمحت صبا أنت عارف كلامها دبش وده طبعها واسلوبها وأنا قابلها بيه وحضرتك تاني مرة تزعقلها وقدامي وأنت قولت بنفسك إني جوزها وحضرتك أبوها على عيني وراسي بس مش هقبل إن أي حد يزعقلها ويزعلها عن أذنك.
رحل زياد خلف زوجته واردف جاسر لقاسم ولعتها وارتاحت!!
قاسم الله!! وأنا مالي أنا.
رحل الجميع وبقى هشام وماجد وزوجاتهم..
ماجد معلش على زياد بس..
هشام بإبتسامة معلش إيه أنا كل ما يوم بيعدي يا ماجد بطمن أكتر إني سلمت صبا لابنك.
أبتسم له ماجد واردف أنا رايح الشركة أشوف شوية حاجات هناك وأعرف الشباب وصلوا لايه وكمان كيان جاي النهاردة ف عاوز أتكلم معاه بنفسي.