رواية لم يستدل علي اسم الكاتب الفصول من الثاني عشر للسادس عشر
المحتويات
جديد ولكن اوقفها يوسف هذه المرة بحزم
يوسف بحزم يلا يا سولا كده كفايه
سيسيل انت خاېف من المطر يا جو
يوسف يلا يا سيسيل مبهرجش
سيسيل حاضر يا جو يلا بس تجيبلي ايس كريم
يوسف يلا يا مجنونه
تعلقت سيسيل في ذراعه ونظرت له وقالت مجنونه مجنونه بس اعمل الحاجة اللي بحبها
يوسف بضحكة طب يلا يا مجنونه
ذهب بها يوسف الي المنزل ولكن كان المطر قد توقف وكان يقف في الشرفه ادم
سيسيل كنا بنجري ع الكورنيش تحت المطر
ادم وانت طاوعتها يا سيادة النقيب
يوسف سولا تؤمر وانا عليا التنفيذ
ادم طب اطلعوا نقعد سوا شويه
يوسف انت اعمي مش شايفنا غرقانين ميه ونظر يوسف لسيسيل وبدأو يضحكون بشده
ادم وربنا مجانين
نظر يوسف لسيسيل وقال مجانين مجانين بس نعمل الحاجة اللي بنحبها
ادم انتوا مش مظبوطين انهاردة انتوا الاتنين
يوسف احنا هنطلع يا عم انت رغاي واحنا تلجنا يلا يا سولتي
سيسيل يلا يا بيبي
ادم وربنا مجانين
صعد يوسف برفقه سيسيل وقامو بتبديل ملابسهم وخرجت سيسيل الي الشرفه لتجفف ملابسها وملابس يوسف وقامت بتشغيل الحاسوب الشخصي الخاص بها ع اغنيه نجاه الا انت وظلت واقفه في الشرفه تستمع الي كلمات الاغنيه وفوجئت بأدم يخرج من الشرفه المقابله لها ويقف يستمع الاغنيه معها
سيسيل ليه
ادم علشان انتي بقالك كتير مشغلتيهاش
سيسيل وهو لازم اشغلها ماتفتحها عندك وتسمعها
ادم انتي ناسيه اني مبعرفش اسمع نجاه غير واحنا واقفين سوا
سيسيل لاء مش ناسيه واسكت بقي خلينا نسمع الاغنيه
ادم ماشي
ظلوا واقفين سويا وكانت سيسيل تدندن الاغنيه بصوت هامس وكانت تركز عيناها علي ادم الذي لا تفارق عيناه سيسيل حتي انتهت الاغنيه
سيسيل وهي تتجمع في عيناها الدموع اصعب حاجة انك تحب حد اوي ويبقي هو سر سعادتك ووجودك وفجأه يبقي هو سر الامك
ادم اه.. يلا ادخلي نامي علشان تصحي مركزة
سيسيل اوك تصبح ع خير
ادم سيسيل
سيسيل نعم
ادم هنروح بكرة المستشفي سوا علشان هعزمكم ع الفطار
سيسيل اوك .. باي
ادم بابتسامة باي
في صباح اليوم التالي استيقظت سيسيل بصعوبه فهي تشعر بۏجع في جميع انحاء جسدها وتشعر بصداع دخلت الي المرحاض وازالت اثار نومها وارتدت بنطال من الجينز سکيني وارتدت بدي باللون الاسود ومن فوقه جاكيت قصير شتوي باللون الاسود وحذاء رياضي اسود وتركت شعرها ينسدل خلف ظهرها وتركت غرتها تزين جبينها ووضعت القليل من مستحضرات التجميل وهبطت الي اسفل وقامت بالرنين ع ادم وماهي الا ثواني قليله وكان امامها
سيسيل بخجل طول عمري قمر بس البعيد ما بيشوفش
ادم ع فكرة لسانك طول
سيسيل طالعالك
ادم طب يلا يا لمضه علشان منتأخرش
سيسيل ماشي يلا
كانوا يسيرون سويا وكانوا يضحكون ويتذكرون مواقف كثيرة من الماضي الجميل ويضحكون عليها وكانت سيسيل عيناها تدمع عندما تتذكر الماضي لكن تدمع من شدة الضحك حتي وصلوا الي الكافيه المتفقين مع ريم ان تنتظرهم هناك
ادم ريم هناك اهي
سيسيل اه يلا
ذهبوا الي حيث تجلس ريم والقوا عليها السلام وجلسوا معها وجاء النادل ليعرف الطلبات ولكن جاء لادم تليفون
ادم اطلبولي انتوا عقبال ما ارد ع التليفون
ريم تاخدي نسكافيه
سيسيل لاء ماليش فيه خالص انا هاخد شاي بحليب
ريم اوك يبقي 2 نسكافيه وواحد شاي بحليب و كرواسون
سيسيل لمين النسكافيه التاني
ريم لادم
سيسيل وادم من امتي بيشرب نسكافيه
ريم هو مش بيشرب نسكافيه
سيسيل اللي اعرفه انه مش بيشرب نسكاافيه
ريم مش عارفه بس هطلبله وخلاص
سيسيل اوك يبقي اتنين نسكافيه واتنين شاي بحليب
ريم ليه الشاي بحليب التاني
سيسيل علشان ادم لو مشربش النسكافيه يلاقي الشاي بحليب اللي هو بيحبه
ريم اوك
ظلوا صامتين حتي مجئ ادم
ادم معلش ع التأخير بس علي صاحبي كان بيطمن عليا
ريم اوك
ادم ها طلبطولي ايه
ريم انا طلبتلك نسكافيه
ادم بس انا مش بحب النسكافيه
سيسيل متقلقش عملت حسابي وطلبطلك الشاي بحليب اللي بتحبه
ادم ايون كده مش تقولولي نسكافيه انا مش عارف البتاع المقرف ده بيشربوة ازاي
ريم ليه يعني طب ما انا بشربه
ادم بس انا بصراحة ماليش في القهوة دي خالص لا بن ولا نسكافيه
سيسيل احلي حاجة والله
جاء النادل ووضع الطلبات علي الطاوله واخذ ادم كوب الشاي بحليب الخاص بسيسيل ورشف منه رشفه قليله ووضعه امامها
سيسيل طب هات بتاعك بقي
ادم تؤ تؤ بعينك
سيسيل بس انا بقرف بقي
ادم من امتي ده انتي مش بتشربي الشاي بحليب ده غير لما اخد منه حبه علشان تجري ورايا
سيسيل وهي تضحك لاء خفيف ولكنها بدأت تسعل
ادم في ايه يا سولا مالك شرقتي ولا ايه
سيسيل لاء بس صدري وجعني
ادم ماهو من الجري تحت المطر امبارح
ريم انتي جريتي تحت المطر امبارح
سيسيل اه نزلت انا وجو جرينا ع الكورنيش تحت المطر
ريم يا بختك
ادم طب انا بقول واحدة مجنونه تطلع
متابعة القراءة
