رواية جديدة قمة الروعة الفصول من التاسع وعشرون لواحد وثلاثون
نافية ثم قالت
بس انت كنت مرتبط بصاحبتى استحالة اوافق بيك
هز أمجد كتفاه بلا مبالاة
وصاحبتك مش عاوزانى ومبتحبنيش وبعدين فيها ايه ما هى هترتبط ب إياد و إياد صاحبى
نظرت له بأشمئزاز قائلة
ايه القرف ده !!
فأبتسم أمجد ابتسامة هادئة على طريقتها
متهيئلى تفكرى فيا كخطيب احسن ما تفكرى فى إياد كده ولا أيه
انت عاوز ايه
تنهدت سمر
هفكر وأرد عليك
وانا فى انتظار ردك
كان إياد يجلس فى غرفته لم يذهب للعمل فقد شعر بالضيق من علاقته التى تسوء مع نهال فدخلت عليه يسرية
انت مروحتش الشغل ليه !
ماما انا تعبان ومش قادر اتكلم
فى ايه ايه اللى حصل انت حتى متعشتش معانا امبارح وأكلك بقى مش عجبنى بقالك كم يوم كل ده عشان نهاال !! ٠٠ هتتعالج إن شاء الله وبعدين متقدرش الحاجة الۏحشة
لسه مصممة وعاوزة تسيبك
خاېفة يجرالها حاجة وهى معايا فعاوزنى اتجوز وأبعد عنها طبعا انتى مبسوطة
ابتلعت يسرية ريقها
انا مكنتش اعرف ان نهال عندها قلب واحساس وبتحبك اوى كده
ماما اللى بتسميه احساس ده بيقطع فى قلبى
قاطعها إياد
ارجوكى يا ماما سبينى انا عاوز انام مش قادر اتكلم
عوجت يسرية فمها
طب ارتاح دلوقتى
وتركته وخرجت خارج الغرفة ٠٠
وبعد أن انتهى اليوم اخذت سما حقيبتها لتنصرف وكانت ستفتح الباب وجدت نيللى قد سبقتها وفتحته لتدخل داخل المكتب نظرت لها سما فأبتسمت نيللى ببرود
هو لسه آدم جو
نظرت لها سما بشدة
حبيبى كل ما اطلب منه طلب لازم ينفذه قاعد مستنينى طبعا
شعرت سما بالضيق
عن أذنك انا ماشية
أستنى بس انا عاوزة انصحك نصيحة
انتى تنصحينى انا !!!
ابتسمت نيللى
انا بس عاوزة اقولك ان آدم ليا وبحبه وبيحبنى وأوعى تفتكرى انه لما كان خاطبك كان عن حب ده واحد صاحبه استفزه ف آدم حب يوريه ان اى بنت تقدر تحبه
رفعت سما حاجبها فهاهى ايضا تعرف عن ذلك الرهان فتابعت نيللى
ابتلعت سما ريقها
قايلك !! ولما هو بيحبك بيحاول يعتذرلى ليه ولا انتى مش مالية عينه !!
شعرت نيللى بالضيق
لا مالية عينه يا قطة بس حطى فى بالك ان الرهان لسه مخلصش
أبتسمت سما بسخرية ثم قالت
رهان !!
اه الرهان مستمر لسه مخلصش قلت اكسب فيكى ثواب واقولك لاحسن تصدقى ان آدم لسه بيحبك
خير عاوزة ايه
