رواية جديدة قمة الروعة الفصول من الخامس للثامن

بيستفزونى جدا ايه مش مقتنعة دى !!! قولى هو فرض بس انا لسه ربنا مش هدانى ليه لكن متقوليش انا مش مقتنعة دى احنا مش هنجادل مع ربنا ده امر من ربنا ومادام امر مينفعش اقتنع اصلا او مقتنعش المفروض ننفذ كلام ربنا مادام رضينا بالأسلام دين اصل مينفعش اقول لربنا استغفر الله العظيم انا مش مقتنعة بدى ولازم يبقى عندنا ثقة كده من جوا ان ربنا عمره ما هيأمرنا بحاجة تضرنا فأحنا علينا التنفيذ وبس
كلامك جميل
اى حد مؤمن بربنا لازم يبقى مقتنع بده كويس
خلاص إن شاء الله هغير لبسى فى الأيام اللى جاية
إن شاء الله
بينما كان إياد يجلس مع باسل و خالد اصدقائه وكان ېدخن سيجارته فقال له باسل
مالك يا برنس مش پتدخن كده الا لما تكون مخنوووق
ارتبك إياد قليلا ثم قال
انا !! مخنووق وهتخنق من ايه بقى !!
واحنا هنعرف منين بقى اكيييد فى حاجة مضايقك هى دى عشرة يوم
فتذكر إياد نهاال وجاءت صورتها فى مخيلته ثم حرك رأسه لكى يستفيق من تلك الأفكار وينفضها من رأسه فقال خالد
شكل فى حاجة بتفكر فيها
لا ابداا بقولكوا ايه انا عاوز اروح
وانت لحقت تقعد
مليش نفس
ثم وقف إياد وخرج خارج الملهى بينما نظر باسل إلى خالد
ماله ده !
مش عارف
كان إياد يتجه إلى سيارته وهو لا يدرى لما يفكر ب نهال وحدث نفسه قائلا
يا ترى بفكر فيها ليه !!! لا وعاوز اشوفها ومضايق جدا انى مشوفتهاش طول اليوم يووووه انا هروح اصلا مش عااوز افكر فى حد
وفى الصباح ارتدت نهال ملابسها وجلست معهم لتفطر فنظرت لها سميرة
ايه ده هتمشى مش هتقعدى لحد بليل 
اعمل ايه يا مامى بكرة هروح إن شاء الله مع عمى الشركة وعاوزة استعد
فنظرت لها سما
كان نفسى تقعدى معايا اكتر من كده
اعمل ايه طيب وبعدين انا مضايقة منك شوفى انا وانتى متخرجيين فى نفس السنة مع انى اكبر منك بسنتين
فإبتسمت سما
اكييد ظروف سفرك اجلت دراستك
اكييد طبعا يلا الحمد لله
طب بعد ما نخلص اكل هنقعد نكلم شوية
اه هنكلم بس الاول عاوزة اكلم uncle عادل على انفراد شوية
فنظر لها عادل
عاوزة تكلمينى انا 
ايوة
فأطلقت سما صافرة
يا سلاااام عليك يا عادل مدوب البت وامها
فنظر لها عادل بشدة
عيب تتكلمى كده يا بنت
فظلت سما تكح بينما ابتسمت نهال و سميرة وبعد ان انتهوا جلست نهال مع عادل بمفردهم 
عمو انا عاوزة اكلمك
خير يا بنتى
احنا اول تعامل بينا مكنش لطيف انا فهمت حضرتك غلط لما حضرتك كنت بتبص ع لبسى مكنش عجبك وانا فهمت حاجة تانية خاالص فعاوزة اعتذر لحضرتك عن اللى حصل منى انا فاهمة كويس انى غلط عارفة ان لبسى غلط
يا بنتى انتى اد بنتى ومش هقولك كلام الأفلام انا لو كنت اتجوزت امك كان زمانك بنتى لأن محدش بيطلع ابن حد تانى بس عاوزك تفهمى انى كنت خاېف عليكى وعمرى ما هبصلك بصة زى ما بيجيبوا جوز الأم فى الأفلام كده
ابتسمت نهال
ياااريت يا uncle بابى يبقى زيك
وانتى بقى بابكى مش عجبك فى ايه 
بابا دايما بيقولى ان ماما اهم حاجة عندها الشغل مع انى اللى شيفاه ان بابا هو اللى مشغول فى الشغل تعرف حتى مكلمنيش من ساعة ما جيت الا مرة واحدة وكان مدينى عنك فكرة وحشة
فأبتسم عادل
مانا كنت وحش فعلا وهو سافر قبل ما اتجوز والداتك واتغيرت
فأبتسمت نهال
يااريت تسامحنى يا عمو
مسامحك يا بنتى
وهنا دخلت سما
حديث الثلاثاء ده مش هيخلص ولا ايه
ثم نظرت ل نهال
لا خدى بالك بقى انا بغير ع بابا يعنى لولا ان طنط سميرة كويسة و اهى مراته مكنتش سبتها ابدااا
فإبتسمت نهال
انتى ليكى حق تغيرى منى انا عندى بابا و uncle عامر و uncle عادل انتى لأ
واخرجت نهال لسانها ل سما
شايف يا بابا شايف البت دى بتقول ايه اقټلها
فضحك عادل وقال
بس يا بنات ايه الهبل اللى بتعملوه ده
ماشى اخلع انت بقى يا عادل عشان فى حساب لازم يتصفى مع المزة
ماشى اسيبكوا انا بقى وهنزل اصلى الجمعة
اوك
وخرج عادل بينما نظرت سما إلى نهال
اعترفى كنتى بتقوليله ايه 
كنت بقوله الله انتى مالك اصلا
بقى كده
ايوة ايوة
مااشى يا ستى
بقولك ايه يا سما
يا نعم
فعوجت فمها نهال
مالك يا