رواية جديدة قمة الروعة الفصول من الخامس للثامن

الحلقة الخامسة
بينما استيقظت نهال وقررت ان تذهب إلى النادى فقد كانت ترتدى هوت شورت لونه اسود وبادى كاب لونه احمر واسدلت شعرها ع ظهرها وكانت قد وصلت إلى النادى وقررت ان تجلس فى الكافتريا وطلبت عصير برتقال وحدثت وهى تفكر فيما رأته بالأمس من إياد
معقول يبقى مستهتر للدرجة ويعمل كده مع البنات انا كنت فاكرة فى الشغل بس اتضح فى حياته كلها وبعدين ازاى فى بنات بتعمل كده فى مصر عااادى من غير جواز انا dad قالى قبل كده ان مفيش الكلام ولازم الواحدة تحافظ ع نفسها لأن اى علاقة من غير جواز تبقى ژنا ودى عقوبتها كبيرة عند ربنا

ثم عوجت فمها واتى الجرسون ووضع لها العصير بينما كان يوجد احد الشباب عندما رأها اطلق صافرة فرمقته بحدة فنظر الشاب امامه ومن ثم تابع طريقه
وظلت نهال جالسة فى النادى وهى تشعر بالضيق حتى اتت الساعة الثانية ظهرا ٠٠
فى تلك الاثناء جلس أمجد وهو ينتظر تلك الفتاة ولم تلاحظ نهال وجوده حتى دخلت سما مع والداها وبحث عادل بعينه عنه حتى ووجد أمجد امامه فأشار ل سما عليه فتوترت سما وخرج عادل فى الخارج بينما أقتربت سما من المنضدة وهى خجلة ثم قامت بقول
حضرتك استاذ أمجد محمد 
فنظر لها مطولا وهز رأسه بالأيجاب فقد كانت ترتدى فستان لونه بينك فى ابيض وواسع وكانت محجبة وعيناها كانت ملونة باللون العسلي فأبتسم لها لأن ملامحها رقيقة وصغيرة فقالت
انا انا سما عادل
فأبتسم أمجد
اه طب اتفضلى اقعدى
فجلست سما ونظر لها أمجد قائلا
تحبى تشربى ايه 
لو سمحت انا مش جاية اشرب
فأبتلع أمجد ريقه وهز رأسه
بس انا مقصدتش ده عشان تعرفى تاخدى راحتك
شعرت سما بالتوتر وهى تقول
انا كده واخدة راحتى
طب عموما انتى عارفة اسمى وده كويس انا شغال مع بابا فى الشركة معنديش اخوات بصراحة مش عارف اقول ايه تاانى
اممم كويس
طب وانتى 
تقريبا زيك بس انا مبشتغلش
اه سمعت انك كنتى بتمتحنى وخلصتى انتى فى كلية ايه 
هندسة معمارى
وااااااو
فنظرت له
بتصلى 
فأرتبك أمجد وقال
ايوة
ايوة بجد ولا بتكدب
هكدب ليه يعنى مش مضطر اكدب انا بس اټخضيت من السؤال
فأبتسمت سما قليلا وظهرت غمازتها فإبتسم أمجد
طب مانتى بتعرفى تضحكى اهو
وهو فى حد مش بيعرف يضحك
لا ده موضوع سهل جدااا وهو فرد عضلة الفم من جهة اليمين ومن جهة اليسار فتنطلق الأبتسامة بكل حرية
فضحكت سما رغم عنها فأبتسم هو لها فى تلك الأثناء قررت نهال ان تذهب إلى المنزل لانها ملت الجلوس هنا ومرت بجانب منضدة أمجد وعندما رأته ابتسمت وقالت
ميجوووو
فأبتسم أمجد
ايه ده انتى بتعملى ايه هنا 
كنت قعدة شوية انت ايه اخبارك 
بينما ظلت سما تنظر لها بشدة وإلى ملابسها الضيقة والقصيرة وكانت تشعر بالضيق بإن من يتقدم لها له علاقة بفتاة مثل تلك ونظرت نهال ل سما
ايه ده دى صاحبتك 
فإرتبك أمجد وكان سيجيب ولكن نظرت لها سما بحدة
ايه يا انسة الكلام ده ايه صاحبته دى مفيييش صحوبية اصلا بين ولد وبنت وبعدين 
ونظرت لها ولملابسها بقرف شديد فنظرت لها نهاال وابتلعت ريقها
انا مقصدتش بجد انتى اخته طيب او قريبته
وانتى مالك اصلا  
فشعرت نهال بالأهانة بينما نظر أمجد بحدة ل سما
انسة سما انتى بتكلميها كده ليه هى مقالتش حاجة غلط
وهو فى غلط اصلا اكتر من اللى هى فيه وع فكرة انا مكنتش اعرف ان ليك فى البنات اللى منظرهم بالشكل ده انا كنت جاية ع اساس انك انسان محترم وبتعرف ربنا كويس لكن اللى شوفته دلوقتى اتضح انك انسان مش كويس مادام تعرف واحدة زيها
وأشارت تجاه نهاال بطريقة مهينة مما جعل الدموع تتجمع فى عيونها وحاولت ان تمشى قبل ان يرى احد دموعها وقالت
انا اسفة انى سببت فى مشكلة عن اذنكوا
ركضت نهال نحو الخارج وهى تبكى بشدة بينما ظل أمجد ينظر ل سما بشدة
خلاااص خلصتى كل اللى عندك انا مش محترم وهى مش محترمة وانتى بس اللى محترمة انتى ميين اصلا عشان تحاسبى الناس انتى تعرفى منين هى كويسة ولا ﻷ احب اعرفك انها مش زى مانتى فاهمة اه هى غلط مقلتش انها صح بس فى اسلوب احسن من كده عشان