رواية جديدة قمة الروعة الفصول من الاول للرابع

ان تشرب فقررت ان تهبط للإسفل لتصل إلى المطبخ وفى تلك الاثناء سمعت صوت يأتى من مكتب عامر فذهبت لترى ماذا يحدث وجدت إياد فى المكتب ومعه احدى الخادمات٠٠
ظلت نهال مصډومة لما تراه ووضعت يدها على فمها وهى لا تصدق ٠٠
وضعت نهال يدها على فمها وهى لا تصدق ما ترى وإلتفت حين سمعت صوت شخص ما يدخل من باب القصر فنظرت له الذى لم يكن سوا عمها عامر
مالك واقفة كده ليه ! وبتعملى ايه عندك
فأبتلعت ريقها ونظرت لعمها
عمى جيت امتى 
لسه داخل اهو سلامة نظرك
فأءتسمت نهاال ببلاهة ووجدت ان عامر يقترب من المكتب فمسكت يده
ايه ده انت رايح فين يا عمو 
عندى شغل كتير فى المكتب لازم اخلصه
فمسكت يده وسحبته وهى تقول
لا يا عمى انت لسه جاى وراجع تعبان عشان كده هكافئك
فأبتسم عامر
وهتكافئينى بأيه بقى 
فسحبته تجاه المطبخ وقالت
اقعد هنا هعملك احلى عصير موز باللبن مش هتدوق زيه ابدا
يا بنتى انا ورايا شغل
ماهو ده هيديك power عشان حضرتك تقدر تكمل شغل
فأبتسم عامر وهو يهز رأسه
ماشى يا نهاال
وظلت نهال تعد العصير حتى انتهت ثم نظرت لعمها
اشربوا بقى عقبال ما اروح اشوف المكتب متروق ولا ﻷ
يا بنتى اقعدى لو فيه فى حاجة هقول لحد من الخدامين
لا ازاى انا لازم اشوف بنفسى
ع راحتك
فذهبت نهاال وهى تمشى على اطراف اصابعها وفتحت باب المكتب لترى هل مازال إياد فى المكتب ام لا فلم تجد احد فتنفست الصعداء وقالت
الحمد لله
ثم شعرت بالضيق وحدثت نفسها قائلة
مكنتش اعرف يا مراد انك كده
فى صباح اليوم التالى استيقظت سما وكانت تعد الفطار وأعدت الشاى فأستيقظ عادل وقبل رأسها
صباح الخير يا حبيبتى
صباح النور يا بابا امال فين طنط سميرة 
نااايمة سبيها اصلها سهرت امبارح كان وراها شغل كتير
امممم ماشى
ثم جلسوا ليتناولوا الأفطار فقال عادل
صحيح يا بنتى
ايه !
فى واحد متقدم ليكى
فعوجت سما فمها
ليه يا بابا
هو ايه اللى ليه انتى يا بنتى كبرتى وبعدين خلصتى دراسة ايه السبب اللى يمنع جوازك
مش لاقية انسان كويس ٠٠ ده مش سبب 
لا هو بنى ادم محترم جدااا وزوق واخلاق وابن ناس
يعنى عاوز ايه يا بابا
بصى المفروض النهاردة تقابليه فى النادى تتعرفوا ع بعض !
ايه !! اقابلوا لوحدى
بصى يا حبيبتى انا هوصلك وهستناكى فى العربية بارة
تحدثت سما معترضة
بس انا مش ممكن اقعد معاه لوحدى ابدااا
يا حبيبتى انتى هتبقى وسط الناس وفى الكافتريا بتاعت النادى وانا هقف استناكى بارة النادى بالعربية عشان تتعرفوا ع بعض بشكل احسن
اوك يا بابا
فأبتسم عادل لها
بينما كان امجد أستيقظ من نومه وأستعد ليدلف إلى الحمام فدخلت عليه ماجدة
صباح الخير يا حبيبى
صباح النور يا ماجدة
قولتلك ماااامى
عيب عليكى بجد بعد السن ده كله تخلينى اقول مامى طب العضلات دى ايه
وكان ينظر لذراعه ثم نظر لها وتابع
ورق يعنى !
سن ايه ده انت لسه فى اول حياتك
عاوزة ايه طيب !
النهاردة هتقابل البنت اللى قولتلك عليها
قال أمجد غير متذكرا
انى بنت !
اللى قولتلك عليها قبل ما تسافر أمريكا
اهااا
هنا تذكر أمجد
يا ماما فكك من الجو ده انا مش هتجوز بالطريقة دى
خلاص انا حددت ميعاد مع باباها وهتشوفها النهاردة فى النادى الساعة 2 الظهر
فعوج أمجد فمه
حاااضر يا ماما