رواية شيقة مطلوبة جدا ج2 الفصول من السادس عشر للثاني عشرون

محبة .....والوضع ده مش هيستمر كتير صدقينى  
وبصراحة ادهم كويس جدا ومايترفضش نهااائى 
بس يااارب مرات عمى تواافق بقى 
احلام ....
انا فضلت استغفر وادعى ربنا انه يجبر بخاطرى النهاردة بالذات 
وهفضل ادعى يا محمود لحد ما ربنا يكرمنا ونخلص من كل مشاكلنا واجيبلك حتت عيل يملى علينا الدنيا  
محمود وهو ه قائلا 
انا مش هنكر انى نفسى ابقى اب بس نفسى يكون منك انتى يا حبيبتى مش من اى واحدة تانية  
انا تعبت كتير اووى يا احلام على ما بقينا مع بعض ومش مستعد اتنازل عنك بسهولة مهما كان 
احلام بحب ....
ولا هتنازل عنك ابدا ولو كنت عايزة امشى كنت مشيت من ساعتها بس هصبر لحد ما ربنا يفك الكرب ده 
محمود بابتسامة ....
والله العظيم حاسس ان ربنا هيكرمنا احسن كرم اللى بيصبر بينول والصبر اخره الڤرج 
احلام بابتسامة ... صح  
...............................
كانت رنا تتردد على منزل نادين فى خلال الايام الفائتة ولكن نادين تأبى پجنون ان تستمع لصوت العقل  
رنا بحدة ....
انتى عايزة ايه بالضبط اااانسى بقى 
نادين بوجه شاحب من كثرة البكاء ...قالت 
مش هسيبها 
رنا وهى تزفر بحدة .... ويحصل زى كل مرة وتيجى على دماغك انتى من حفر حفرة لاخيه وقع فيها يا نادين 
والبنت دى ماعملتلكيش اى حاجة وحشة 
انتى اللى كنتى بتحاولى بكل الطرق تذليها 
نادين بعصبية ....
انتى عمالة تدافعى كدا ليه ! هو مين صاحبتك بالضبط 
ولا بقى عندك ضمير فجأة 
اڼصدمت رنا من حديث نادين وقالت 
بقى عندى ضمير فجأة !!!! ليه هو انا ماكنش عندى قبل كدا ولا ايه انا استحملت يا نادين كمية اهانات منك اليومين اللى فاتوا محدش يستحملها بس كل انسان وليه طاقة
نادين بحدة ....محدش قالك تستحملينى ولو عايزة تتفضلى 
الباب اهو 
رنا بحزن ..
ماشى يا نادين ماكنتش احب ان الامور توصل بينا لكدا 
لكن انا كدا عملت اللى عليا معاكى وهمشى