رواية شيقة مطلوبة جدا ج2 الفصول من الاول للسابع

تكمل لحد الخطوبة لانى مش متخيلة لو سيبتها دلوقتى ممكن تعمل ايه اررررجوك
رد بثبات ...
انا اديت كلمة لاهلها انى هقابلهم بكرا  
وانا ارجل من انى احط بنت فى الموقف ده انا هروح 
وهخطبها بس زى ما قلتلها وهقولك دلوقتى نادين لا انا ليها ولا هيا ليا ومش بتحط قدام الامر الواقع  
ونظر لها بقوة وتحذير ...
ولو الصور دى ليها نسخ 
قاطعته رنا وهى تعطيه كارت بأسم والدها  
عارفة يا استاذ ادهم ده كارت لبابا لو لقيت صورة واحدة بس من دول عنوان بيتى وتليفون بابا على الكارت ده 
اخذها منها وقال 
انتى بنت المحامى محمود عزت 
رنا بايجاب ... ايوة ويمكن اقدر اثبتلك حسن نيتى وندمى بجد  
ووقفت لتذهب وهى تشكره 
انا متشكره جدا لتفهمك لموقفى ولموقف نادين  
وقالت وهى تبتسم  
على فكرة يوم ما اقرى خبر خطوبتك او فرحك انت والانسة اميرة انا عازمة نفسى عندك  
رد بابتسامة صادقة 
وانا بعزمك من دلوقتى  
ردت له الابتسامة ودخلت اميرة فجأة بغيظ من تأخيرهم 
ولاحظت الابتسامة المتبادلة  
استأذنت رنا بالانصراف وذهبت 
اميرة .... الله الله  
ادهم يحاول اخفاء ابتسامته  
نعم  
اميرة بغيظ .. نعم الله عليك ياخويا  
ادهم .. بقولك ايه خدى الباب وراكى عشان اكمل شغل 
تصاعد غيظها وهى تخرج وتقفل الباب بعصبية اضحكته
ونظر للصور بعشق احلى ما فى الموضوع ان تهور نادين 
نتج عنه تخليد ذكرى من اجمل واروع لحظات حياته  
واول مرة يقابلها ليلة رأس السنة ويضع الستارة الحريرة على رأسها  
وقال بعشق ...بموووت فيكىوههد الدنيا دى عشان ابقى معاكى انتى وبس 
...............................
الحلقة السادسة ج٢ 
جلس يتأمل الصور لعدة دقائق اخرى وحمد ربه ان اميرة 
من ضيقها لوجود رنا لم تلاحظ الصور على المكتب  
وابتسم عندما تذكرها ووجهها وهى تنظر له ولرنا  
وشعر بالحزن لانه مضطر لخطبت غيرها حتى لو مؤقتا 
ونعت نادين فى سره لتفاهتها وسوء تصرفها وللمأزق الذى تسبب فيه 
...................
كانت تستشيط ڠضبا بالخارج عندما أتاها موظف من الحسابات بظرف المرتب 
تعجب وسألته ...
ايه ده  
رد الموظف بهدوء .. 
مرتبك 
رددت جملته 
مرتبى !! بس انا ماكملتش شهر ! 
اجاب الموظف بشرح ...
مالوش علاقة احنا فى يوم ٢ فى الشهر والنهاردة ميعاد القبض ولازم كل الحسابات تتقفل حتى لو اشتغلتى اسبوع 
وكمان دى اوامر ادهم بيه 
تعجبت اميرة ..
ليه هو امر بأيه  
الموظف ...
ان حضرتك تستلمى مرتبك النهاردة من هنا مش من البنك زى بقية الموظفين ...
اميرة بتفهم ..
خلاص ماشى شكرا 
انصرف الموظف  
فتحت اميرة الظرف لتتسع عينيها وقالت 
شكله مبلغ كبيرة  
ونظرت لشيك المرتب لتتفاجئ بأن المبلغ ٤٠٠٠ جنيه
احتارت اكثر وقررت الدخول لادهم لتستفهم 
دقت على الباب بخفوت وسمح لها بالدخول 
اميرة ... ممكن اسألك على حاجة 
نظر لها وهو منشغل بأوراقه وقال 
بس بسرعة عشان مشغول 
انا استلمت المرتب ولقيته مبلغ انا ما اشتغلتش بيه !! 
نظر بأستغراب وقال 
ماتنسيش انك اشتغلتى فترة قبل ما تيجى هنا شيلى الظرف واخرجى يا اميرة مش فاضيلك  
اميرة ... ادهم لو سمحت انا مش هقبل حاجة مش من حقى 
قاطعها ادهم بحدة ...
على فكرة امل كانت بتقبض اكتر من كدا ولو مش مصدقانى اتصلى بيها واسأليها  
اعترضت اميرة وهى تأخذ نص المبلغ وتعطيه النصف الاخر 
وقالت بتصميم ...
انا فعلا اشتغلت عندك قبل ما اجى هنا بس بردوا هاخد نصه مش كله انا ما اقبلش اخد احسان من حد 
وخرجت وعلى وجهها الڠضب 
زفر بضيق من عندها  
وعندما وقف ليذهب لها قاطعه صوت الهاتف  
ادهم ... الو 
نادين بفرح... ايوة يا حبيبى عامل ايه  
ادهم بملل .. اللى بعده 
نادين بنرفزة .. هو ايه اللى بعده عموما انا كنت عايزة اقولك 
انا نقيت خاتم قراية الفاتحة والفاتورة هتتبعتلك على البيت 
ادهم بعصبية ...
طيب فى حاجة تانى 
نادين پغضب ... لا شكرا 
وقفل الخط وهو يتمنى اليوم الذى يتخلص فيه من هذه التافهة  
اخذ باقى مرتب اميرة وخرج لها  
وقال بحدة  
لما اقولك حاجة تسمعى الكلام ومتسأليش كتير انا عندى فى الشغل شغل وبعدين احسان ايه اللى بتتكلمى عليه 
يخربيت غبائك 
تفاجئت من لفظه ونعتها بهذه الطريقة وردت بحزن 
شكرا  
تنهد بضيق وكره نادين اكثر فهى السبب فى عصبيته  
وقال بأسف .. 
انا اسف ما تزعليش  
لم ترد عليه  
ادهم بحدة ... اااااميرة 
نظرت للحاسوب وبدأت تتظاهر انها تعمل