رواية شيقة رائعة الفصول من السابع للاخير
المحتويات
تسبقها للداخل عاوزانى اعمل ايه يعنى
جلست فجر بجوارها تمسد على شعيرات صديقتها بلطف قائله ابدأى من جديد
نظرت اليها رحاب بأعين دامعه غير مصدقه ماتقوله صديقتها عاوزانى انسى سامح
ايه اللى انتى بتقوليه ده وانا روحت فين .. انتى عارفه انك انتى اللى بقيالى بعد وفاه بابا الله يرحمه
رحاب بتأفف هبقى كويسه متقلقيش
رحاب بابتسامه شاحبه سلميلى عليه
فجر طب ماتيجى تسلمى عليه بنفسك مش ده حب الجامعه القديم
رحاب باستغراب ايه اللى انتى بتقوليه ده
فجر بتردد ايه انا قولت حاجه غلط
لم تجيبها رحاب بل اشاحت بوجهها عنها فلم تر وجه فجر الحزين الشاحب هو الآخر ..
ترددت فجر كثيرا قبل ان تقول بصوت يكسوه الالم انتى عارفه يارحاب اننا لحد دلوقتى انا وحازم مخلفناش رغم اننا لفينا على دكاتره مصر كلها ودكاتره بره كمان بس محدش قالنا حاجه مقنعه .. كل اللى قالوه مفيش اى مانع عند حد فينا ..
نظرت اليها رحاب بذهول غير مصدقه ماتقوله صديقتها فهمست انتى عاوزاه يتجوز واحده تانيه
فركت فجر يديها بتوتر قائله اقولهاله انا احسن مافى يوم يجى يقولهالى
فجر بحزن عارفه انه بيحبنى بس نظرات اهله لينا وسؤال اصحابه ده كله بيوجعه انا متأكده وخصوصا كل صحابه بقى عندهم عيل واتنين وهو لا ..
رحاب پحده وايه ذنبك انتى كمان ليه تجيبى ضره ليكى بإديكى
فجر بشرود ڠصب عنى لازم افكر كده ..اخوه كلمه وقال انه راجع بعد كام يوم واكيد هيجيب مراته واولاده معاه .. وعارفه اللى حازم هيحسه اما يشوف ولاد اخوه بيلعبوا ويتنططوا فى البيت وهو مش قادر يبقى عنده حته عيل زيهم .. انا متخيله تعليقات اخوه على الموضوع ده وخاېفه ان اخوه يطلب منه ان يتجوز حد تانى ..
فجر لا بس دى اول مره هشوفه بعد جوازى بحازم قبل كده كان تليفونات مش اكتر واكيد لما يقعد ويتكلم معاه غير التليفونات الطيارى
رحاب بثقه لو كان عاوز يلمح كان لمح فى مكالماته اللى قبل كده .. متقلقيش
فجر افهمينى يارحاب الموضوع اكبر من اخوه
رحاب بغيظ انتى غاويه تنكدى على نفسك بقى وتخربى حياتك بوجود واحده تانيه .. حد يجيب الشړ بايديه لبيته ..
فجر برجاء هيوافق انا عارفه بس وافقى انتى بس
رحاب بعدم فهم اوافق على ايه ... اه لا طبعا مش هوافق انك تدمرى حياتك بايدك ومش هسمحلك تعملى كده
فجر مؤكده بالعكس حياتى هتبقى احلى بوجودها معايا
رحاب ساخره حياتك هتبقى احلى بوجود واحده تشاركك فى جوزك .. انتى مدركه اللى بتقوليه
فجر اه واحده كويسه وبنت حلال وتعتبر اكتر من اختى .. وكانت معجبه بحازم زمان ..
رفعت رحاب حاجبيها بذهول غير مصدقه ماتلمح اليه صديقتها وصاحت بها پغضب انتى اتجننتى .. عاوزانى اتجوز جوزك ..
فجر مطمأنه مش احسن من اى واحده غريبه تكون مش بتحبنى
رحاب بعصبيه انا مش مصدقاكى .. قوليلى انك بتهزرى
فجر بابتسامه مشجعه مش هلاقى احسن منك صدقينى ..
رحاب پغضب انتى كل اللى بتفكرى فيه نفسك وبس .. اختارتينى عشان حبقى ضره مسالمه .. مغيش منى اذيه ومش هخطف منك جوزك .. بتضمنى مصلحتك قبل اى حاجه .. انما انا مش مشكله .. حزنى على جوزى وابنى اللى متولدش ملوش اى قيمه عندك .. حياتى اللى اټدمرت فجأه وبدون مقدمات مش مهم .. جايه وواثقه اوى انى هوافق على عرضك .. ليه انتى شايفانى ايه ..
فجر بارتباك انا مش قصدى والله
متابعة القراءة
