رواية شيقة مطلوبة جدا الفصول من العشرين لاربعة وعشرين

بكاء الجدة بندم مرير وروت لجودى كل ما حدث 
مما جعل جودى تبكى مما عانته تلك المسكينة 
جودى پبكاء .. ليه يا تيته كدا بس حرام عليكى دى بنت غلبانة كانت محتاجة شغل بعد ابوها ما ماټ وجبتها تشتغل هنا على ما اجى من السفر 
قالت الجدة بحزن وحدة 
مانتى اللى جبتيها بعد اللى عملتيه كنتى عايزانى افتكر ايه يعنى وبعدين والله العظيم انا ما اعرفش ان ابوها مېت الا منك دلوقتى 
اقتربت جودى من جدتها اكثر واحتضنتها بقوة وهى تقول 
انا اسفة يا تيتة ارجوكى سامحينى انا السبب فى كل اللى حصل بس مټخافيش هصلح كل حاجة وهروح واعتذر لاميرة لحد ما تسامحنى 
الجدة بلهفة ... ياريت يابنتى لو فعلا عايزانى اسامحك جيبيهالى لحد هنا وانا هعتذرلها من ساعة ما سابتنى وانا التعب زاد عليا ومابقتش قادرة اقوم من مطرحى ولولا ستر ربنا ان البت سنية جت تزورنى فى يوم ورجعتها الشغل هنا كنت هفضل لوحدى مش عارفة اقوم حتى اخد العلاج 
مسحت جودى دموع جدتها وقالت بحب 
حاضر هروح اجيبهالك ودلوقتى انتى مش قولتى انها فوق
الجدة ... ايوة فوق بس انا بعتلها سنية تشوفها اول امبارح والنهاردة ومالقتهاش موجودة 
جودى ... طب انا هطلع اشوفها تانى يمكن كانت بتزور حد ولا حاجة 
الجدة ... ياريت يابنتى تلاقيها انا ضميرى مش بينيمنى الليل من اللى عملته فيها نفسى تسامحنى عشان ارتاح 
وازداد نحيبها مجددا
خلاص يا تيته ارجوكى بطلى عياط هى هتسامحك زى مانتى سامحتينى كدا 
الجدة بتوسل ... اطلعيلها يا جودى وقوليلها تيته صفية عايزاكى ضرورى 
جودى ... حاضر 
خرجت جودى من شقة جدتها وصعدت للاعلى 
اتجهت ناحية غرفة اميرة دقت الباب عدت دقات ولكن لا يوجد من يجيب 
استمرت جودى امام الغرفة حتى فقدت الامل من وجود احدا بالداخل 
نزلت الى شقة جدتها مجددا وهى تشعر بالخيبة 
ودخلت مباشرة لغرفة جدتها 
مالقتهاش يا تيتة 
ازداد الحزن على ملامح الجدة وقالت بدموع 
نفسى اشوفها نفسى تسامحنى دنا بهدلتها اووى يا بنتى 
ربطت جودى على كتف جدتها بحنان 
هلاقيها وهجيبهالك ومټخافيش لما احكيلها على السبب اللى خلاكى تعملى كدا هتعذرك وهتسامحك اوعدك بكدا 
...................................
استمرت نورا فى الاتصال على اميرة لعدت مرات ولكن لم ترد 
ليلى ... نورا تامر جه 
خرجت نورا مسرعة واخذت معها شنطها 
ابتسم لها تامر ابتسامة واسعة وقال 
ها خلصتى 
نورا .. ايوة خلصت بس فى مشوار عايزه اروحه الاول 
تامر ... احنا ورانا سفر مشوار ايه ده 
نورا .. معلش يا تامر المكان فى طريقنا بس ماعرفتش اروح الايام اللى فاتت مانت عارف ماكنتش ملاحقة 
تامر ... طب هنعدى الاول على الاستوديو نحجز وبعدين نشوف مشوارك 
نورا بغيظ ... طب مانت وراك مشاوير ومأجلها اهو 
تامر ... يلا بقى وبطلى لماضة 
نورا بضحك .... يلا يا تيموووو 
ودعت نورا نيرمين وليلى وذهبت 
قفلت ليلى الباب بتعحب 
ليلى .... مش عارفة هى سافرت ليه طب ماهى هتيجى تانى قبل الفرح بيوم هنا وهتعيش هنا 
نيرمين بسخرية ... دى عادات وتقاليد يا بنتى اهلها هيفرحوا بيها فى بلدهم ويجبوها ويجوا هنا على الفرح 
ليلى .... عقبالك يا نيرموووو 
تنهدت نيرمين بضيق ولم ترد 
قالت ليلى بتردد 
هو انتى مش بتشوفى عصام يا نيرمين 
نظرت لها نيرمين پغضب 
ماتقفلى على السيرة دى 
ليلى .... اصلى شوفته النهاردة 
نظرت لها نيرمين پصدمة ووقفت وتحركت باتجاهها 
وقالت بلهفة 
انتى قولتى شوفتى مين  
ليلى ...عصام شوفته النهاردة  
نيرمين ...شوفتيه ازاى انا اعرف انه نقل اوراقه 
ليلى ... لا انا شوفته لما كنا برا وبنجيب هدية لنورا النهاردة 
لما خرجت انا ارد على الفون برا المحل 
نيرمين بفرحة ... بجد شوفتيه عامل ايه 
ليلى ... اه شوفته وكان خارج من المول اللى كان قدام المحل اللى اشترينا منه وكان معاه واحدة 
نيرمين پصدمة ... واحدة  
ليلى بقلق من وجه نيرمين الغاضب 
اه شوفت معاه واحدة وكانت ماسكة فى ايده 
نيرمين پغضب ... هو خطب  
ليلى ... مش عارفة ما اخدتش بالى من ايده والله 
امتلئت عين نيرمين بالدموع وهى تقول بعدم تصديق 
لا مش معقول مش هصدق انه حب واحدة غيرى لا 
اشمعنى انا مش قادرة احب غيره 
ليلى وهى ټندم على ما قالته 
انا اسفة بجد يا نيرمين ماكنش قصدى ازعلك 
صړخت نيرمين بوجهها 
ااااخرسى بقى يعنى ماكنتيش عارفة انى هزعل لما تقوليلى كدا 
ليلى بدفاع ..... لا ماكنتش عارفة انا فكراكى نسيتيهزى ما مفهمانى 
نيرمين پبكاء ... انا عمرى ما نسيته وكنت بقول كدا عشان مش عايزة ابان ضعيفة بس لسه فكراه واكتر من الاول كمان 
ليلى ... طب اهدى يا نيرمين انا بجد اسفة 
نيرمين پحقد ..... هى السبب هى اللى دخلت ما بينا 
كنا بنزعل وبنرجع لولاها هى كان زمنا مع بعض دلوقتى 
ليلى ... اميرة 
نيرمين بغل ... ايوة سى زفته والله اما كنت اخليها تشوف الويل مابقاش انا 
ليلى ... اكتر من كدا حرام عليكى يا نيرمين دى زمان جدة جودى مورياها الويل ومبهدلاها 
نيرمين ... مش عارفة انا عمالة اتصل بجودى من فترة وفونها غير متاح على طول 
ليلى وقد تذكرت شئ مهم ... فى حاجة تاهت عن بالى مش عارفة ازاى يا نيرمين 
نيرمين .. ايه هى  
ليلى .. فى واحد من زمايلنا شاف اميرة وهى ماشية مع واحد اخر يوم الامتحانات 
اندهشت نيرمين مما قالته ليلى 
اميرة ومع واحد  
ومسحت دموعها وابتسمت بغل وشړ 
يعنى اهلها مش عارفين انها بتشتغل ومخبيه عليهم وبتعرف واحد كمان لا ده كدا الموضوع عايز قاعدة عشان الشغل الصح هيبتدى 
......................................
كانت تجلس فى غرفتها وهى شاردة هل حقا كل ذلك يحدث معها ولكن لمحت طيفا من الامل جعلها تبتسم قليلا 
وتحدث نفسها بصوتا عالى 
طب ايه اللى هيخليه يزعل لما اديله الخاتم ومش عايز ياخده لا وكمان حاطة بالعافية فى ايدى 
نظرت للخاتم بحب وبلوم كأنها ترا صاحبه 
وضمت قبضتها بقوة وقربتها ناحية قلبها واحتضنتها 
وهى تقول 
هو مش عايزنى اقلع الخاتم اللى هو حاجة غالية عليه اووى 
ونظرت امامها بأمل 
فى حاجة اكيد ورا كل اللى بيعمله ده وانا لازم اعرفها 
واغمضت عينيها پألم وقالت بحزن 
رغم ان كلامها بيوجعنى بس هستحمل لحد ما اعرف 
هو بيعمل كدا ليه 
ونظرت للخاتم مجددا 
انت اخر امل ليا مش هشيلك من ايدى ابدااااا تانى 
وابتسمت بحب 
.............................
انهى ادهم اجتماعه مع بعض فريق اعماله 
ادهم بحزم ... خلاص يا شباب 
الفريق باكمله ... خلاص يا فندم 
تكلم مجددا بجدية 
التصميم ممتاز بخلاف التصميم الاول والتانى 
برافوا عليكوا كدا خلص اجتماعنا بالتوفيق للجميع 
خرج الجميع من المكتب وجلس ادهم امام مكتبه وارجع رأسه للوراء  
استاذنت سكرتيرة مكتبه للدخول 
ادهم .. فى ايه يا امل 
امل بتوتر ... كنت عايزة اتكلم مع حضرتك فى موضوع 
ادهم .. قولى 
امل ... انا فاضل على فرحى شهرين وطبعا هاخد اجازة قبل الفرح وبعد الفرح فعايزة حضرتك تجيب سكرتيرة معايا على بس ما اخلص اجازتى 
تنهد ادهم بضيق 
والمطلوب منى ايه  
امل ... انا بقول لحضرتك كدا عشان قلقانة على الشغل لو جبت حد وانا مش هنا ممكن يحصل لغبطة فعشان كدا عايزة حد افهمه النظام لحد ما ارجع تانى هى بس فترة مؤقته مش اكتر 
ادهم بتفهم ... خلاص ماشى هشوف الموضوع ده 
والف مبرووك يا امل انتى عارفة انا بعتبرك اختى الصغيرة 
ابتسمت امل بامتنان 
انا عارفة يا فندم 
خرجت امل من المكتب وهى