رواية شيقة مطلوبة جدا الفصول من الخامس للتاسع
المحتويات
بتكشيرة ... بتاعك !!! ده مكتوب عليه أميرة يبقى بتاعك ازاي
نظر لها ادهم نظرة جعلتها تدرك أن الموضوع منتهي حتى لا تتحدث فيه بعد الآن
نادين بغيظ .. طيب تمام والف سلامة عليك تاني يا ادهم
ادهم ... الله يسلمك
خرجت نادين وعلى عكس ما توقعت إنها ستكون فرحة بموافقته ولكن موضوع هذا الأنسيال عكر صفو فرحتها وجعلها تشك بوجود إمرأة فى حياته وهى لا تعلم برغم كم المعلومات التى جمعتها عنه
نظر ادهم للانسيال وامسكه بيده وتأمل به
فكل مرة يقع فيها يرجع إليه مجددا وكان بينه وبين هذا الشيء الصغير البسيط رابط لا يعرفه
...............
نادين وهى تقود سيارتها اتصلت بصديقتها رنا وحكت لها كل ماحدث
رنا .. خلاص كبري دماغك منه ادام في حد في حياته
نادين ... مش متأكدة هكمل فى خطتي بصي ادهم دخل دماغى خلاص ولازم اوقعه
وبعدين يا نادين انتي كل شباب الجامعة يتمنوا بس نظرة منك اشمعنى ده يعني
نادين بإنبهار.. انتي ما شوفتيهوش معذورة وبعدين بصراحة عاجبني تقله وشخصيته
وتابعت بتوعد
انا هخلي ليلة راس السنة دى ولا فى الآحلام هخليه يحلم بيها
نادين بمكر ... وبعدين هو اللى هيجري ورايا
.........
الفصل التاسع
ذهبت اميرة الى السوق للشراء
بينما الجدة صفية خرجت من شقتها للشقة المجاورة وضغطت على الجرس
وفتحت لها سعاد
سعاد بلطف.. اتفضلي يا صفية هانم
الجدة ... متشكرة اوي يا سعاد
دخلت الجدة وجلست على آقرب مقعد
الجدة .. لا مالوش لزوم هو ادهم عامل ايه انا عرفت من البواب النهاردة الصبح اللي حصل
سعاد بابتسامة بسيطة.. الحمد لله جت سليمة انتي عارفة اعداء النجاح كتير
الجدة .. ربنا يسلمه منهم يارب
سعاد .. امين هو فى مكتبه هدخل اقوله انك هنا
الجدة .. لا استنى خليه براحته انا كنت عايزاكي فى موضوع
اخرجت الجدة ظرف صغير من جيب ثوبها
الجدة .. الظرف ده كنت عايزاكي تخليه معاكي امانة
سعاد ... فيه ايه الظرف ده
الجدة .. فيه حاجة تخصني ومش عايزاها تقع فى ايد حد تاني
سعاد ... ممكن افهم الموضوع اكتر
روت لها الجدة كل شيء
سعاد ... لا حول ولا قوة الا بالله
............................
اشترت اميرة كل المطلوب واتجهت الى المنزل وهى تترقب نظرات من حولها وتخفض وجهها
ضغطت على جرس الشقة ولكن لا يوجد من يجيب
جلست على أحد درجات السلم وهى تنتظر وتسلل الخۏف بداخلها من إحتمالية حدوث شيء للجدة وبعد بعض الوقت خرجت الجدة من الشقة المجاورة وبرفقتها سعاد
اميرة وهى تنهض .... صفية هانم انا خبطت الباب كتير وحضرتك ماردتيش وقلقت جدا
وكانت تنظر لها پخوف حقيقى مما لفت انتباه سعاد ونظرت الى الجدة بنظرة ذات معنى
الجدة وهى تمد يدها بالمفتاح.. خدى المفتاح اهو وافتحي الباب
اميرة .. حاضر
نظرت سعاد الى اميرة نظرة طويلة ومتأملة
فتحت اميرة الباب وانتظرت الجدة حتى تدخل وهمت بالدخول لولا إن اوقفها سؤال سعاد
سعاد ...انتى اسمك اميرة
اميرة .. ايوة
سعاد ...انتي صاحبة جودى واتكلمي معايا بصراحة
اميرة وشعرت إن الجدة تكلمت معها
اميرة .. لو قولت لحضرتك انى ماشوفتش جودى الا مرة واحدة هتصدقيني
سعاد .. ممكن اصدقك
اميرة ... نفسى تصدقونى والله العظيم انا ماجيتش هنا غير لانى كنت محتاجة مصاريف للكلية بتاعتي وكان لازم اشتغل
سعاد ...لو انتي صادقة ربنا هينصفك وانا هقف فى صفك
اميرة .. وعشان انا صادقة صابرة ومستنية عدل ربنا ومتأكدة انه هيوقفلي اللى يساعدنى
نظرت لها سعاد وفهمت كلامها
سعاد .. طب ادخلي انتي وانا لسه ما كملتش كلامي معاكي
اميرة .. حاضر هدخل وياريت متطوليش عليا لاني محتاجة لحضرتك بجد
ونظرت لسعاد والدموع بعينيها تستنجد ودخلت الشقة
انصرفت سعاد ايضا لعملها وهى تفكر فى هذه الفتاة فكل شيء فيها يوحي بالصدق لا يمكن أن تكون بهذا الاتقان من الإدعاء
................
دخلت اميرة لعملها وظلت فترة ولم تسمع للجدة صوتأ شعرت ببعض القلق وذهبت لتلقي عليها نظرة لتطمئن
ذهبت لغرفتها بهدوء ورأت الجدة تسجد لرب العالمين وتبكي بخفوت
نظرت لها اميرة وهى تتعجب من آمر هذه الجدة فمن يرى معاملتها بالآمس سيتعجب عندما يراها هكذا اي منهما الحقيقة
وانشغلت مرة اخرى بعملها فى المنزل وكأنها استسلمت للأمر ..
......................
تابع ادهم اعماله من خلال اللاب توب وتعجب من نفسه عندما أجاب على نادين فى امر هذا الشيء الانسيال
شعر إنه تسرع فى الاجابة بعض الشيء وتذكر آمر هذه الحفلة وهو متأكد إن نادين تخطط لشيء حتى تقترب منه أخذ سماعة الهاتف واتصل بأحدأ ما ......
ادهم .. الو
معتز بمزاح .... حبيب قلبي وحشني من امبارح
ادهم .. وانت عمرك ما وحشتني اصلا
معتز بتذمر .. واطي وندل
ادهم ... عايزك فى خدمة
معتز ... اتفضل قول
ادهم بضيق... عندى حفلة فى البيت عندى ووجودى هيبقى ضرورى
وانا مش عايز احضرها
معتز بتعجب .. حفلة وفى بيتك !!! عجيبه انت مابتحبش الحفلات
ادهم ..ادبست
متابعة القراءة
