رواية مطلوبة جديدة الفصول من التاسع للثالث عشر
المحتويات
والفون وقع منها اتلم عليها كام ست من الشارع والسواقين اخدوها على المستشفى وعلي ابنها ماسك عبايتها وبيعيط ماهي لوحدها مالهاش غير ماهر وابنها في الدنيا وصحبتها الوحيدة هدهد بس هي فين الدنيا ضربها في الخلاط هي كمان.
___________
عند ماهر هيتجنن من صړيخ بطه وايه حصلها! هو كان متوقع إنها تصرخ تزعق بس مش بالشكل ده! أكيد جرالها حاجه.
ابوس إيديك دقيقة واحده بالله عليك أطمن عليها بس مش عارف حصل لها اية
الكوماندا رفع عينه وقال
بس بس أنت هتعيط يا توتو ماتسترجل كده ياض خد أهو بس دقيقة واحدة حسابك تقل أوي وبلغ الجماعه يحولوا رصيد خمسين جنيه.
الو الو يا بطه.
ست ردت
الو أنت مين يا خويا
ماهر پخوف وقلق أكبر ونبضات قلبه بتدق بسرعه أوي
أنا جوزها يا ست مراتي فين حصلها إيه
أيوه يا ماهر أنا خالتك توحه بطه بتولد جبناها على المستشفى أنت فين يابني
ماهر دموعه نزلت واتحررت بقوه من حبستها طول اللحظات اللي فاتت وخبط الحيطة بأيده بكل قوة واحساس العجز سيطر عليه مش عارف يتصرف إزاي حاسس پألم فظيع شق صدره أصعب لحظة ممكن يمر بيها الراجل لما يقف متكتف مسجون ظلم وأقرب ما ليه خارج قضبان الزنزانة ومش عارف يطمن عليه اااه من قهرة الرجال لما الدنيا تيجي عليهم.
يارب أنا عارف إني غلطت كتير وتبت توبه نصوحه يارب اقبلها مني ومتورنيش حاجة وحشه في بطه أنا هصبر على اي حاجة أنا فيها طمني عليها هي واللي في بطنها يارب افرجها علينا يارب أنت عارف أنى مظلوم وبرئ أظهر برائتي يارب.
فضل يناجي ربنا كتير والكل بيبصوا عليه مستغربين منظره بس في اللي متعاطف معاه وفي اللي بيقول عليه توتو ومش راجل.
في المستشفى بطة ولدت وفاقت بتفتح عينها بصعوبه لاقت ستات كتير حواليها
متابعة القراءة
