رواية رائعة 9 الفصول من الرابع والعشرين للسابع وعشرون
رأسه
لينهض من مكانه متجها الى حديقة الخلفيه للفيلا ليقوم بمكالمه
تحدث عندما وصل اليه صوت الاخر بخفوت حتى لا يسمعه احد
مش وقو سلامات دلوقتى اسمعنى كويس انت لازم تخلى مالك واخواته يسيبو مصر الفترة اللى جايه الياس نازل كمان يومين اسكندرية
الشخص يعنى انت عايز تقنعنى ان هو مفيش غير مالك واخواته اللى الياس هياخد باله منهم وبعدين فرع الشركه بتاعته فى القاهرة وهما فى اسكندريه يعنى استحاله يعرف عنهم حاجة وبعدين هما لو شافوه ولا حاجة مش هيفتكرو اهدى انت وكله هيمشى مظبوط وهتعدي
قاطعه الاخر وهو يقول
مبسش مفيش حاجة هتحصل هو هيكون فى محافظة وهما فى محافظه تانيه يعنى تهدى كدا عشان ميشكش فى حاجة
مراد بتوتر وقلق ان شاء آلله خير ويعدى الايام دى على خير علشان مش مستريح للجاى
الشخص انت اللى مكبر الموضوع مفيش حاجه واحنا عملنا كدا عشان مصلحة الكل متنساش ويلا سلام انت اخد بنزين كتير كدا ياصاحبي
والله احمد مش عارف اقولك ايه طمنتينى بكلامك بس قولى هما عاملين ايه واخبار شغلهم وملك القردة الصغيرة دى وحشانى اوى
ضحك احمد عندما تذكر تلك المجنونه فهو يراقبهم من بعيد لبعيد كما يقال ويعرف أخبارهم
مكركبه البيت بالابحاث بتاعتها كالعادة لا وداخلا مسابقه كمان وبترسم ليل نهار عشان تكسب والحمدلله وصلت للمرحلة الاخيرة وكل دا مع المذاكرة
ياعم سبها تعمل اللى هى عايزة المهم راحتها مش عايزين نعيد اللى حصل تانى الحمدلله انهم بخير......
قاطعه احمد وهو يقول پغضب
بس اسكت لحد يسمعك مش هنفتح الموضوع دا تانى مش عايز يكون حد بيهددنى بيهم تانى هما كدا فى امان ليهم ومحدش هيعرف حاجه عن اللى حصل وكل واحد عايش حياته وعدا 3 سنين على الحصل
طب وسارة عاملة ايه لسه بتاخد العلاج ولا وقفته من ساعه ما مالك عرف انى كنت براقبهم وانا مش عارف اوصلهم ولا عارف أساعدهم
احمد ببعض الشقه على صديقه
متقلقش يا صاحبى سارة بخير والحمدلله بطلت تاخد العلاج وبقت احسن بكتير وهى داخله فى 3 اسابيع متجوزه هى ومالك ربنا يسعدهم مع عرايسهم
ايه سارة اتجوزت ومالك كمان مين!
ليكمل بقلق واضح من نبرته
اوعى تقول ان سارة اتجوزت مصطفى ولا مالك اتجوز البت اللى اسمها مريم دى
لينفى احمد له كل تلك الافكار قائلا بجديه وثقة
لا خالص الاتنين دول حكايتها حكايه سارة يا سيدى اتجوزت من رجل اعمال اسمه امير الشهاوى حفيد عاصم الشهاوى اللى هو صاحب اكبر شركات الحديد والصلب فى مصر ومالك بقى الدلع كله اتجوز تولين الشهاوى اخت امير بس حقيقى بيضاله فى القفص زى ما بيقوله
ازاى يعنى ايه كان مقضيها حب وغرام
ليردف صديقه بضحك من الجهة الاخرى
اطلاقا بس البنت هى اللى بتحبه
ليردف مراد بشرود
مصيره يقع فى الشبكه زى اللى قبله ووقعها قبل كدا الياس بس للاسف الياس اتجرح من اللى حبها ربنا يجعل حظك يا مالك احسن من حظه ويكتبلك السعادة
مراد بيييه
كان هذا صوت الياس الغاضب ويبدو على وجهه انه قد استمع الى اخر ما قاله بينما كان مراد مصډوما وهو يتخيل انه قد سمع الى مكالمته فاسرع باغلاق الخط بينما الياس اخد يتقدم ببطئ مخيف عليه وعلى وجهه تعبير غير مفسر وعينيه باردة لا يوجد بهم اى شعور تحدث بصوت خرج منه كفحيح الافعى
ايه اللى انا سمعته دا
مراد و قد كان شديد التوتر لكنه اجاب بهدوء
سمعت ايه وبعدين ليه بتعلى صوتك كدا انت عارف ان ديما بتتوتر من الصوت العالى
اجابه الاخر بنفس نبرته
ملكش دعوة ديما وجاوبنى بتكلم مين عنى...
انهى حديثه بصوت غاضب
اخذ مراد بتلعثم بالكلام وشعر وكأن حلقه قد جف من شدة الخۏف لانه يعلم ان اذا الياس قد علم الحقيقة لن يكتفى بقټله لكن من انقذه هو مجئ الخادمه وهى تركض وتقول بصوت لاهث
السيدة ديما سقطت من فوق الدرج....
و لم تكمل جملتها وكان الياس يركض الى الداخل ليرى اخته الصغيره..
لدي ذكريات لدي أفكار لم تطرأ على بال أحد لدي أصدقاء لا يتعوضون لدي احساس مرهف وتوق شديد لدي بضاعة ثمينة للشكوى لدي ألم ثائر لدي كل ما يحتاجه الراوي ليسرد حكايته ينقصني التعبير.
نهاية الفصل
