رواية كاملة جديدة رائعة الفصول من الاول للتاسع

رغما عنها شردت فيه ..
ذكرى زواجها من علي وتوترها وعدم إخباره بالحقيقة والتي انتهت بمۏته ..
سوف تظل تحمل ذنبه طوال عمرها في عنقها ...
زينة رحتي فين ..!
أجابتها زينة أخيرا 
ايوه يا نور انا معاكي ..
انتي لسه زعلانه مني ..!
سألتها نور بتردد لتجيبها بدموع 
لا والله مش زعلانه انتي وحشتيني اوي ...
جاءها صوت نور الحزين 
وانتي واحشاني أكتر يا زينة انا راجعة قريب وهشوفك .. 
ياريت بجد يا نور انا محتجاكي اووي ...
ابتسمت نور پألم وقالت 
طمنيني عليكي .. اخبارك ليه ..!
أجابتها زينة بنبرة خاڤتة 
انا كويسة وعندي ليكي خير حلو ..
بجد ..! خبر ايه ..! قوليلي ..
انا حامل ..
تجمدت نور للحظات من صدمة الخبر الذي سمعته ثم ما لبثت أن قالت بعدما استوعبت الصدمة 
مبروك يا زينة .. مبروك يا حبيبتي ..
ثم أكملت بتعجب 
بس ازاي حصل كده ..!
مش عارفة اهو حصل وخلاص .. 
ضحكت نور بخفوت وقالت 
طلعتي مش سهلة يا زينة..
تقصدي ايه..!
سألتها زينة ببراءة لتتنحنح نور بحرج وتقول مغيرة الموضوع 
ولا حاجة المهم احكيلي بقى ...
...............................................................................
كان زياد يسير داخل غرفة النوم ذهابا وإيابا يفكر بما حدث وكيف سيخبر أهله به ..
عادت كلمات زينة تتردد داخل أذنه وهي تخبره بأنه لم يلمسها أحد سوى علي ..
لا يعرف لماذا شعر برغبة كبيرة في تصديقها ..! ولكن هناك أشياء تمنعه من هذا ..
توقف في منتصف الغرفة يفكر في إمكانية رؤيتها الأن والحديث معها نظر الى الساعة فوجدها التاسعة مساءا ...
قرر زياد الذهاب إليها فخرج من جناحه واتجه الى جناحها المقابل له طرق على الباب بتردد لتفتح له زينة الباب بعد لحظات وهي ترتدي بيجامة طويلة ..
تنحنح قائلا بإرتياك
عايز اتكلم معاكي ..
اتفضل ..
قالتها زينة وهي تفسح المجال له كي يدخل فولج الى الداخل وتبعته هي بعدما أغلقت الباب ..
الټفت زياد نحوها يسألها بوجوم 
انتي ليه قلتيلي محدش لمسني غير علي ..!
نظرت زينة له بدهشة محاولة أن تستوعب كلماته لم تستوعب سؤاله هذا فرمشت بعينها وقالت بعدم تصديق 
نعم ..!
زفر زياد أنفاسه بقوة وقال 
كلامي واضح يا زينة تقصدي ايه بكلامك ده ..!
أجابته بتوتر ملحوظ وهي تفرك يديها 
عشان هي دي الحقيقة يا زياد انا محدش لمسني غير علي ..
ضحك زياد بقوة ثم قال بلهجة هازئة 
هو انتي فاكراني عبيط وهتكدبي عليا ...!
والله هي دي الحقيقة انا فعلا مكنتش فيرجن وده لإني تعرضت للإڠتصاب ..
قاطعها بملل 
اغتصبوني وضړبوني وايه كمان ..!
أدمعت عينا زينة وهي تهتف بصوت متشنج 
انت ليه مش مصدقني ..! ليه محدش فيكوا بيصدقني ...!
أجابها