رواية روعة الروعة الفصول من الخامس للثامن

من جنبه مستنين رحمة ربنا.
نعمات ب ربنا رحمته واسعة أه صحيح يا محمود زبيدة جاتني النهاردة بتقول الحاجة فوقية حالتها صعبة وما بتبطلش عياط وصحتها أتأخرت قوي.
محمود بأسى لا حول ولا قوة ألا بالله ده الواحد نسيها خالص ده الحاج حسين هو اللي كان متكفل بمصاريفها وبعد اللي حصل تلاقيها مش عارفة هتعيش أزاي ده غير قهرتها على اللي حصل لأختها وبنت أختها.
نعمات بتعاطف الله يعينها على اللي هي فيه ويحنن قلب بناتها عليها.
محمود بحزن اللي زي دول عمرهم ما يحنوا دول قلوبهم حجر وبعدين هي مش محتاجة لهم امال أنا روحت فين دي مرات الغالي ووصيته ولو بعدت في الأول ده عشان خاطر الحاج حسين ربنا يشفيه لكن دلوقتي خلاص هي مسئولة مني.
نعمات بحيرة ناوي على أيه.
محمود بحسم كل خير بكرة أن شاء الله الصبح تندهي لزبيدة تديها فلوس تجيب لها طلبات الأسبوع أنا عارف كل طلباتها من أيام الأسطى وتطلعي تتطمني عليها وتفهميها بصنعة لطافة أني عملت كده عقبال ما الحج حسين يخرج بالسلامة وتعرفيها أني بليل هاجيب الدكتور واطلع لها. .
نعمات بحنان ربنا يكرمك يا حبيبي ويوسع رزقك.
في النيابة
وكيل النيابة زاجرا ما احنا واجهناكم ببعض وأنت مقدرتيش تثبتي كلامك.
هدير باڼهيار والله أنا قولت لحضرتك الحقيقة سمير هو اللي خلاني أعمل كده وقالي أنه هيتجوزني لو ساعدته ېحرق ډمها هي وسالم ويفركش خطوبتهم ووعدني أن محدش هيشوف الفيديو غير سالم عشان يسيبها و ما تبقاش لعبت عليه ونفذت اللي عايزه.
وكيل النيابة بس هو انكر اتهامك ده وقال أنك كنت رامية نفسك عليه ولما ماعبركيش عايزة ټنتقمي منه وتلبسيه تهمة وفى نفس الوقت ڤضحتي اللي فضلها عليكي.
هدير پبكاء هستيري بيكدب واللهي بيكدب.
وكيل النيابة بجدية بس هو جاب شهود فعلا أنك كنت دايما بتزوريه في محل الموبيلات بتاعه ده غير كاميرات المحل اللي بينتك وأنت بتحاولي تتوددي له وهو بيصدك أكتر من مرة وأنت نفسك اعترافتي بده.
هدير باكية ده كان في الأول بس من فترة هو اللي وقفني في الشارع وقالي أنه لاقى أن الصح أنه يتجوز اللي بتحبه مش اللي يحبها وطلب مني نخرج سوا ونقرب من بعض عشان يحسني ودايما كان بيرفض نقعد في أي مكان وكنا بركن في أي حتة بالعربية وكان بيقول أنه خاېف على سمعتي لوحد شافنا وبعد فترة قالي أنه كان بيلعب بي عشان كان فاكر أني كنت بلعب بيه أنا ونورا عشان سالم يغير ويتقدم لها بس أتأكد أني باحبه بجد وأنه بقى فعلا مستريح لي بس هو مش قادر يفتح صفحة جديدة قبل ما يقفل القديمة وأنه مش هيقدر يرتبط بي لأن دايما هافكره بضحكها عليه وبعد عني فترة كبيرة وأنا كنت هاتجنن لأني كنت أتعودت على قربه والخروج معه ولما رجع لي تاني وقالي أن الحل الوحيد أني اساعده يجيب حقه منهم مقدرتش ارفض لأني مكنتش هاقدر استحمل أنه يبعد عني تاني.
وكيل النيابة طيب بقية الفيديو اللي المفروض أنك ظهرتي فيه أو كنتي بتكلمي نورا زي ماهي قالت راح فين.
هدير بتلعثم أنا مسحت الحتت اللي كنت متصورة فيها قبل ما اديه لسمير عشان ما اسقطش من نظره أو يمسكها لي زلة وخصوصا أنه لمح لي قبل جدا أنه ممكن يبعت صورنا في العربية لأبوي ويعرفه أن مكنش فيه شغل إضافي وهو اللي ظبط باقي الفيديو بمعرفته شال الحتت اللي فيها صوتي وركب صوت الراجل على الفيديو.
وكيل النيابة زاجرا اه خفتي من الڤضيحة وآمنتي نفسك لكن اللي المفروض أنها صاحبتك تتفضح عادي.
هدير پحقد هو أكد لي أنها لعبت بينا احنا الاتنين وبعدين هي عندها كل حاجة وأبوها كان لا يمكن يسيب حد يدوس لها على طرف لكن أنا غلبانة والكل هيدوس عليوأكيد لو مسمعتش كلامه كان عرف أبويا والحارة كلها وساعتها كمان يمكن المعلم حسين كان منع خضرة الشريفة بنته تكلم واحدة زيي.
وكيل النيابة بتهكم وأنت صدقتيه بالسهولة دي ومن غير أي دليل مع