رواية رومانسية رائعة الفصول من الثلاثون للثاني وثلاثون

يتحدث لوالدها وحين تلاقت الاعين 
اسلبت عينيها بنفور واضح منه....
رجع بتركيزه لعمه الذي قال بصلابة لا تليق بعجزه على مقعد متحرك..... 
وعد كلمتني من يومين وفهمتني ان الحياة ما بينكم صعبة وانها طلبت منك الطلاق وانت رفضت....
نظر عمرو لوعد پغضب ثم عاد إليه قائلا بصلابة... 
والمطلوب....
احتد صوت ثروت قليلا وهو يقول... 
مش محتاجه سؤال ياعمرو.... طلقها... 
رد عمرو بحزم جاد به من العناد الكثير....
مش هطلقها ومفيش حد يقدر يجبرني ان اطلقها وسبها طالما انا مش عايز كده..... مش كده ياهانم ما تعرفي ابوكي بدل ما انتي راحه تشتكي.....
رفعت عينيها عليه بكرها فوجدته يرمقها بإزدراء 
اشاحت بوجهها للمرة التي تجهل عددها وهي 
تشعر ان لسانها قد شل امام نظراته....
خليك معايا هنا ياعمرو وملكش دعوة بيها... اتكلم مع ابوها اللي مسئول عنها... كلمني انا مش هي...
ابتسم عمرو بسخرية لعمه لأول مرة وهو يخرج انياب الوضاعة قائلا....
ابوها......وانت كنت فين ياعمي زمان...بلاش انت اللي تتكلم عن الابوى وبذات عليها هي...لاننا كلنا عارفين علاقتك ببنتك كانت عامله إزاي الأول....
صدم ثروت من هجوم عمرو الضاري عليه لاول مرة يكون بتلك القسۏة معه فالطالما كان عمرو بمثابة ابن
له وكذلك عمرو يعامله كوالده اين ذهب الإحترام والحب وهو يهينه ويعايره بتقصيره السابق مع ابنته.....
كانت وعد اكثرهم تالما وهي ترى وتسمع كلمات زوجها السأمه عن علاقتها الغير سوية مع والدها
هند كانت صامته تنظر لشقيقها بخزي وحرج فدوما كان معلما نبيلا لها وكان اول درس لها معه
ان المؤذي الحقيقي للإنسان هو صاحب اللسان السام والكلمات الممېتة...لم يكن هذا عمرو اخيها
لم يكن.... 
هتفت نادية بحزن ودهشة...
اي اللي انت بتقول ده ياعمرو معقول انت يطلع منك الكلام ده.....اللي بتقل منه قدمنا ده يبقى عمك 
عمك اللي حبك ورباك زي ابنه تمام....معقول.....مش مصدقه انك انت اللي بتقول كده.....
رد عمرو بصلابة لها...
عمي على عيني وعلى راسي لكن ملوش اي حق يجبرني اني اطلق مراتي...
هتفت نادية بدفاع امومي....
بنتنا مش مرتاحه معاك ومن حقها وحقنا اننا نشوفها مرتاحه في حياتها... وطلقها منك احسن
حل ينهي المشاكل اللي بينكم.....
ضړب بقوة على الطاولة فقد اغاظته كلمات نادية وتصممها أكثر.....
وانا مش هطلقها....
صاح ثروت بحدة....
هطلقها ورجلك فوق رقبتك.... إيه هتستعبدها عندك...
نهض عمرو بقوة وصاح بتشنج أكبر....
أيوا هستعبدها اذا كان عجبكم.....وعد هتفضل مراتي ڠصب عنها وعنكم وعن اي حد يفكر مجرد تفكير ان يبعدها عني.........الحاجه الوحيده اللي هترحمها مني مۏت واحد فينا سمعني مۏت حد فينا......
نظرت له وعد بسخرية وهي تلفظ ببرود.... 
متستعجلش المۏت كده كدا جاي مش هنهرب منه...
نهضت من على مقعدها وخرجت من الغرفة بهدوء وملامحها تجتاح الحزن والاستهانة من كل ما يحدث حولها.... ليس هذا هو الحب والتمسك بمن نحب هذه 
احد علامات الانانية في الحب.... تذكرت انه قال لها 
في يوما ما انه اناني.......اناني في حبها....
دخلت غرفتها واغلقت