رواية جديدة شيقة الفصول من الواحد والثلاثون للسادس والثلاثون بقلم الكاتبة الرائعة

كلته ياستي مش انا
نيسة بنصف عين علي اساس ان عيني مش بتشوف صح وانا شيفاك بتوكلها معلقة وبتاكل قبالها عشرة
حسن بأندفاع ما انتوا لو بتخلوني اشتري مكنتش هتجه ل السړقة
كانت فوزية بتلك اللحظة تقترب منهم وعندما سمعت كلمة سړقة شهقت وهي تتقدم منه هاتفة بړعب سړقة سړقة اية دي ياحسن سړقت مين انطق
كاد يضحك عليها وعلي هلعها البين ولكن رغم هذا اقترب واحتضنها وهو يهتف مسرقتش حاجة ياست الكل انا بس بحكي عن...
وسكت من احراجه
فقالت نيسة بسخرية بنتكلم عن سيريلاك بنت اخته اللي بيسرقة
فوزية بضحك وهي تتقدم لتجلس علي مقعدا بجوار نيسة خليه ياعمتي ياكل هو الاكل بفلوس
بعث لها قبلة في الهواء مغمغما حبيبتي
اما نيسة فقالت بنزق ياكل اكل عليه القيمة مش اكل اطفال
قال حسن وهو يتجهز ليغادرهم الا صحيح فين مراتي حبيبتي
جاءه اجابتهم المختصرة عند صفية
فقال بزهول غاضب فين....
_______________________________
كان ابراهيم متوترا ومتضايقا فهو لم يري رضوي 
لقد غادروا قبل عودتهم قلبه يشتاق لرؤياها
يتسأل بحنين .. متي ستعود لمنزلها ب حيهم 
اما في غرفة سمر ..
جلست سمر علي الفراش بعدما نزعت حجابها وهي تقول بقلق انا خاېفة لحسن حسن يتخانق معاكي
نوران ببساطة يتخانق ليه ما طنط فوزية وتيتا هما اللي قالوا اجي معاكي علشان اروح عني نفسي شوية
سمر بس برضوا كان لازم تستأذنيه
نوران معتقدش انها هتفرق معاه اووي كدا المهم بكرة متنسيش المحاضرات علشان عايزة ابدأ اذاكر الامتحانات قربت وانا المنهج ضايع مني
سمر متقلقيش بكرة هجيب كل اللي فاتنا والدنيا هتتظبط ان شاء الله
ثم عادت تقول بقلق ياريتك ما جيتي انتي لسة مش كويسة وچرحك ممكن يتفتح مع اي حركة زيادة
_متقلقيش يابنتي قولتلك اني بخير والله..
.........
بالمشفي ..
خرجت صباح من غرفة الطبيب ويدها ب يد زوجها والابتسامة الهادئة مرتسمة علي شفتيها
وهي تسأله هتكمل معايا ل الاخر
فهتف مجيبا عليها بحب مستحيل اسيبك في النص انتي مراتي ياصباح يعني طريقنا واحد
كان مظهرهم جميلا وفي غاية الروعة يظهر ل العيون التي تراقبهم
بأنهم عاشقان 
كانت خلفهم تسير رضوي ومعها جنات وهمام الذين جاءوا ليطمنوا علي صحة طفلهم
قال همام بتساءل ل رضوي يعني الدكتور قال عمليتك سهلة صح 
اجابته مطمنة اياه ايوة والله قالي العملية مش هتاخد وقت وبعدها علطول وشي هيرجع زي الاول
ابتسم ب اطمئنان 
بينما منحت جنات رضوي الرضيع اسر 
وهي تقول مادام كويسة ياعمته ابقي امسكيه شوية بقي احسن انا ضهري وجعني
مسكته رضوي ف بكي
فأخذه همام وهو يضحك هاتفا رابع طفل يتولد في العيلة وكالعادة اول ما تمسكه رضوي يعيط
جنات وهي تبادله ضحكاته زي ما بيكونوا بيشوفوا فيها نموذج ل العمة الحرباية
نقلت انظارهم بينهم وهي تهتف بغيظ انا شايفة ان الحفلة قلبت عليا
حاولوا كتم ضحكاتهم بهزار لكن لم يستطيعوا فأطلقوها عالية وهم يسيرون معها
هم عائلة ليست ك غيرها
جنات ليست زوجة اخ بل اخت حتي صباح كذلك
لكن في وقتا ما خرجت صباح من نفسها
وها هي قد عادت مرة اخري
صدمة فأخري تجعلنا نخرج من حال قد كان سيذهب بنا الي الچحيم
ليرجع بنا الي حياة نحن كنا نستحقها منذ البداية
وهكذا كان حال صباح
______________________________
صفية بعدما عادت من الزيارة نامت بسبب ارهاقها ابراهيم في الخارج وفي المنزل فقط سمر ونوران
انفزعت كلا من الفتاتين بسبب الطرق القوي الذي علي والجرس الذي راح يرن بتكرارا
لفت سمر حاجبيها بسرعة دون اهتمام وخرجت لتري من هذا الطارق وخلفها نوران
فتحت الباب فظهر امامهم حسن الذي وقع بصره فورا علي نوران الواقفة خلف سمر
فهتف بزمجرة غاضبة وهو يشير لها لتسير امامه يلا ياهانم علشان نمشي
توترت من حالته وغضبه هذا وهي تؤمي بنعم وذهبت لترتدي حذائها
بينما هتفت سمر محاولة ان تهديه اية ياحسن مالك متعصب كدا .. نوران خرجت بعد....
قاطعها هاتفا بجدية سمر انا مش طايق نفسي فالاحسن دلوقتي اننا منتكلمش علشان متعصبش عليكي
هتفت نوران بعدما انتهت من ارتداء حذائها وجلب حقيبتها انا جاهزة..
سحبها من يدها وذهبوا وسمر ترمقهم بقلق
بالاسفل ..
فتح السيارة ودفعها بداخلها بقوة تأوهت بسبب فعلته ولكن تحاملت وهي تعتدل في جلستها
ركب في مقعد السائق وادار المحرك متجها بأسرع سرعة له نحو منزلهم الجديد
هتفت بتوتر والله ياحسن انا خرجت لما تيتا وطنط وافقوا وهما اصلا اللي عرضوا