رواية جديدة جامدة جدا الفصول من الحادي عشر للخامس عشر
شقة باسمها رفض وقاللها انه ماعندوش استعداد انه يضيع شقى السنين على تصرفاتها الغير مسئولة
طول حمل ايمان كان يوسف مدللها كل حاجة عشان راحتها وسلامتها لحد ماولدت ولد زى القمر يوسف سماه يامن وقاللهم انه اختار الاسم ده عشان حروفه من حروف اسم ايمان
وقبل ماتعدى سنة على ولادة يامن كانت ايمان حامل لتانى مرة والمرة دى جابت لهم وداد وبرضة اللى سماها يوسف واللى كان بيستبد برأية بشدة فى تسمية ولاده والمرة دى قاللهم ان الاسم ده عشان ولادهم وصلوا الود مابينهم طول العمر
امنية وايمان الصغيرة نجحوا بتفوق فى الثانوية العامة ورغم ان مجموعهم يدخلهم هم الاتنين طب الا انهم قرروا انهم يدخلوا تجارة زى ايمان ويوسف عشان يشتغلوا مع ايمان بعد التخرج
البنى ادم احيانا بيتعرض لمواقف كتير ولما النتيجة ماتعجبوش بيندم وبيقول لو كنت اعرف ان ده اللى هيحصل كنت عملت او كنت ماعملتش ونسيوا ان رغم اننا احيانا بنغلط بغبى مننا لكن برضة اوقات بيبقى فى حاجات كتير بتحصللنا حتى لو كنا نعرف قبلها برضة ماكناش هنقدر نمنعها
مش عيب انى اغلط لكن عيب انى اعرف انى غلطان واتمادى
مش عيب انى اغلط لكن عيب انى اكرر نفس الغلطة مرتين
مش عيب انى اغلط لكن عيب انى اشوف الغلط واروحله برجليا
كلنا بنغلط بس اكبر غلطة ممكن نغلطها اننا نعمل نفسنا اننا مش شايفين
