رواية لو كنت اعرف بقلمى ميمى عوالى - الفصل الاول والثاني والثالث
وتحضر معاها ليه كاتعة واللا ناقصة ايد واللا رجل ما هى تحضر
محمود بغيظ وما انا بساعدك كل يوم وبحضر معاكى فرقت ايه بقى .. بنتى وبساعدها
محمود فعلا ابتدى يساعد ايمان اللى مانطقتش ولا كلمة وابتدوا يحطوا الاكل وابتدوا يتلموا حوالين السفرة وسامية نزلت مع جوزها اللى اول ماشاف ايمان قال بتهليل مدام ايمان عندنا يا اهلا وسهلا اتارى الدنيا منورة سألت عليكى سليم الصبح ودايما ببعتلك السلام مع عم محمود والله
عزيزة وهى بتنفخ مش هنخلص بقى ياللا الاكل ده احنا لو صايمين كان زماننا فطرنا من بدرى اما نشوف اخرة الجوع ده هناكل اكل عدل واللا هنرميه
محمود ايمان طول عمرها نفسها حلو فى الاكل و اكلها دايما زى السكر ده كفاية ريحته
جمال الله .. هى مدام ايمان اللى عاملة الاكل طب والله تسلم ايدها الاكل ريحته تجنن وشكله يفتح النفس
اول ما ابتدوا ياكلوا امنية قالت تسلم ايدك ياماما الاكل يجنن
عزيزة بامتعاض ياعينى ياضنايا ما انتى اصلك اخدتى عليه الاكل شكله ما استواش عدل اصلا مالحقش
جمال وهو بياكل ابدا والله ياحماتى الاكل زى العسل
عزيزة بس الفراخ شكلها غريب وفين اللحمة
عزيزة كانت متفقة مع سامية وسليم على كل اللى حصل كانت عاوزة تورى سليم ان مراته يا اما هتعترض انها تعمل الاكل وهى راجعة من شغلها تعبانة يا اما مش هتلحق تعمله وهيطلع فيه عيوب كتير تحرج ايمان وتحسسها انها فاشلة
لما عزيزة وسامية لقوا الكل بياكل ومبسوط اتضايقوا بزيادة فعزيزة اخدت حتة فراخ فى بقها ورغم ان طعمها عجبها جدا الا انها طلعتها من بقها بقرف وقالت ايه القرف ده الفراخ مالها زفرة كده انتى ماغسلتيهاش كويس باين عليكى
عزيزة پغضب وهى بتبص لايمان وبتزعقلها هو انا مش بكلمك انتى مابترديش عليا ليه ايه مش مالية عينك انا يا ست المديرة واللا هتعملى عليا قييمة
ايمان بكل هدوء قامت وقفت وقالت حاضر ثانية واحدة وسابت السفرة وراحت اخدت البالطو بتاعها لبسته ومسكت شنطتها وقالت بهدوء انا مبسوطة اوى انى شفتكم وقضيت معاكم الوقت الجميل ده وان شاء الله تتكرر السلام عليكم
عزيزة قامت پعنف من على السفرة وقالت لاااا ده انتى قليلة الادب وعاوزة اللى يربيكى
