رواية جديدة روعة 2 الفصول من الرابع عشر للتاسع عشر بقلم الكاتبة الرائعة

وانا معنديش شغل تاني وهروح بدري 
بدر طب ايه رايك اوديكي مكان عمرك ما روحتيه قبل كده 
نانا مفيش مكان في مصر ماروحتوش قبل كده 
بدر طب ولو وديتك مكان مروحتيهوش قبل كده 
نانا تبقي قدرت تكسب ثقتي. 
بدر وانا قبلت التحدي يلا بينا هوديكي اماكن عمرك ما هتنسيها ابدا طول حياتك .
خرجا معا وامام باب الشركه وقفا امام السيارات 
بدر سيبي عربيتك واركبي معايا عربيتي واوعدك هوصلك لبيتك 
نانا ماشي موافقه 
ركبا معا في سيارة بدر ركبا هو في كرسي القيادة وركبت هي إلى جواره وتحركت السياره 
كانت نانا تفكر ماهو هذا المكان ولاحظ ذلك بدر ولكن تجاهل الأمر حتى وصلوا أمام متجر العاب اطفال فأوقف بدر السيارة وأشار إلى نانا 
بدر يلا انزلي هننزل نشترى شوية حاجات. 
نظرت نانا للمحل بتعجب ونزلت من السياره وذهبت الى جوار بدر 
نانا بتعجب انت عايز تشتري ايه من هنا !
بدر بابتسامه يعني محل لعب اطفال تفتكري هشتري منه ايه لعب اطفال طبعا 
نظرت له نانا بتعجب فهي لم تفهم 
بدر بصي هنشتري لعب وبعد كده هتفهمي كل حاجه ممكن ندخل بقي .
نانا ماشي يا يلا ندخل. 
دخلا الاثنان الي المحل نظر بدر الي نانا اختاري كل اللعب اللي بتحبيها .
نظرت نانا بتعجب كل اللعب 
بدر بابتسامه اه كل اللعب وانا كمان هختار مجموعة من اللعب. 
هزت نانا راسها بالموافقه وعدم فهم وبدأت تختار الالعاب 
نانا في عقلها هو فاكر اني طفله هفرح بشوية لعب ! وايه المنظره دي كل اللعب طيب انا هنقي كل اللعب اللي هتعجبني .
وبالفعل ظلت تختار حتى اختارت اغلب اللعب التي في المتجر واختار بدر ايضا مجموعة اخرى 
بدر ل نانا خلاص خلصتي 
نانا ايوه خلاص. 
بدر موجها كلامه لعمال المحل غلفوا كل اللعب دي علي ما نرجع بس بسرعه. 
وحاسب عليهم وخرج هو نانا وذهب إلى متجر حلويات بجوار متجر الالعاب وقفت نانا أمام باب المتجر .
نانا تعجب انت هتجيب ايه من هنا كمان !
بدر بابتسامه هو ما ينفعش تمشي وانت ساكته هشتري شيكولاته عندك مانع يلا ادخلي واختاري كل الانواع اللي بتحبيها. 
نظرت اليه نانا بتعجب واخذت نفس عميق ودخلت واختارت اغلي انواع الشيكولاتة وافضلها 
بدر باعجاب زوقك حلو قوي في الشيكولاته .
نانا بابتسامه بارده مرسي جدا .
بدر لعمال المحل اوزن كيلو من كل نوع اختارته الانسه على ما اجيب حاجه من المحل اللي جمبك واجي اخذهم 
حاسب بدر علي الشيكولاته وخرج هو ونانا من المتجر وذهب إلى متجر اللعب 
بدر للعمال ها خلصتو لف اللعب ولا لسه 
أحد العمال ايوه يافندم اغلبها خلص 
بدر طب هاتو الي خلصو وتعالو عشان ترصوهم في العربيه 
خرج بدر وفتح صندوق السيارة وكان صندوق كبير ومجهز لوضع الالعاب رتب العمال الالعاب المغلفة وكانت الأخرى قد تغلفت هيا الاخري فرتبوها ايضا واغلق بدر صندوق السيارة واعطي كل واحد من العمال مبلغ من المال وعادوا إلى المتجر وهم يدعون له سعداء بما اعطاهم. 
وذهب بدر الي متجر الحلوى وجدهم قد جهزو له علب الشيكولاته واحضر بعض العمال وجعلهم رتبوها له في الكرسي الخلفي للسيارة واعطا كل واحد منهم بعض المال وذهبو جميعا وهم سعداء ايضا بما اعطاهم يدعون له كانت تقف تشاهد ما يحدث وهي متعجبه ولا تفهم اي شئ فاشار لها بدر لتركب السيارة فذهبت لتركب من الباب الاخر وكانت شاردة الذهن تماما افاقت علي بدر وهو يجذبها نحوه ويحوطها بيديه 
نانا پغضب ايه ده في ايه 
واذا بسياره تمر خلفها بسرعه كادت تصيبها لولا ان امسكها بدر فنظرت نانا للاسفل من الخجل 
فتركها بدر اسف مكانش قصدي بس ماكنش ممكن اسيب العربيه تخبطك .
نانا بخجل انا اللي اسفه كان لازم اركز وانا ماشيه. 
وتحركت نانا وركبت السياره وركب بدر أيضا وتحركت السياره كان بدر سعيد فهذه المره الاولي التي يري فيها نانا ووجهها يحمر من الخجل .
بدر باعجاب تعرفي انك بتبقي جميله قوي وانت مكسوف 
نانا بخجل وضيق معلش نادرا لما بتحصل معايا بس بصراحه انت توهتني. 
بدر اسف يا قمر والف سلامه عليكي من التوهان. 
تنهدت نانا وادارت وجهها للنافذة لتداري خجلها 
ابتسم بدر وكان سعيدا جدا 
نانا في عقلها يا تري ايه المكان ده اللي عمري ماشوفته وعشان يروحه ياخد لعب وشيكولاته ايه الفزورة الغريبه دي يلا كلها شويه وهفهم 
وماهي الا لحظات وتوقفت السيارة 
بدر يلا انزلي وصلنا .
نانا وهي تنظر الى المكان في تعجب هو ده المكان اللي عمري ما شوفته !

الحلقه السابعه عشر
توقفت السيارة أمام دار رعاية ايتام 
بدر وصلنا يلا انزلي .
نظرت نانا الى المكان بتعجب !
نانا بتعجب هو ده المكان اللي عمري ما شوفته !
بدر بابتسامه ايوه متأكد انك هتنبسطي