رواية جديدة روعة 2 الفصول من الثامن للثالث عشر بقلم الكاتبة الرائعة

شهر العسل ولا لسه 
شادي رجعنا امبارح 
نانا بسعاده طب خلاص انا هعملك مفجأه واجي ازورك انت والعروسه بكره وجيبالك معيا هديه من بابا 
شادي باحراج ولزمها ايه الهديه بس 
نانا بقولك ايه ابقا قوله في التليفون اديني عنونك وسلام بقا عشان عروستك ما تضيقش مني 
شادي بضحك لاء يا ستي ما تقلقيش عروستي نايمه 
نانا بضحك عشان كده بتتكلم براحتك هاهاهاه
وانهت المكالمه وذهبت الي شقتة عمتها وبقيت معها وفي المساء ذهبا معا الي محل المجوهرات واشريا طاقم الماظ رائع وذهبت مع مازن واختارت سياره وارسلتها الي عنوان شادي وفي صباح اليوم التالي ذهبت لزيارة شادي واخذت السياره بالسائق ووصلت باب العماره كان الوقت اوشك علي الظهر فصعدت ورنت جرس الباب فتح لها شادي واحتضنها 
شادي بفرح نانا حمدالله علي السلامه نورت إسكندريه كلها 
نانا بضحك ماشي يا بكاش ولو اني معرفش يعني ايه بكاش بس بسمعكو تقولها 
شادي بمزاح بكاش يعني امممممم بكاش وضحك الاثنان 
نانا بسعاده الف مبروك يا عريس ها انبسط في الجواز ولا هتدعي علي الي اجوزو قبلك ومحذروكش 
شادي بضحك لاء انبسط ومش هادعي علي حد 
نانا بسعاده مدام كده يبقا تستاهل الهديه واخرجت علبه قطيفه وفتحتها له بها طاقم الماظ 
شادي بتعجب وده انا هلبسو 
نانا بضحك لاء طبعا يا عبقري ده للعروسه اندها عشان اديه لها 
شادي باحراج هيا في الحمام بتاخد شاور 
نانا باحرج طيب قولي فين البلكونه بتاعتكم 
شادي بتعجب وهو يشير عليها اهه 
نانا طب تعالي معيا فرجني عليها فاخذها شادي وهو متعجب من طلبها دخلت نانا الشرفه وبدأت تنظر يمينا وشملا تبحث عن السياره حتي وجدتها 
نانا بسعاده ايه رايك في العربيه دي وكانت تشير عليها 
شادي باعجاب الله دي رائعه تحفه دي عربيتك الجديده 
نانا بسعاده لاء دي عربيتك انت الجديده هديت بابا ليك بمناسبه جوزاك 
شادي بانبهار عربيه هديه جوازي ده كتير قوي 
نانا بتفاخر امال عايز عصمت الناجي لما يهادي يهادي بايه 
شادي بفرح مش عارف اقول ايه ولا اشكر بابا ازي 
نانا سيبك من الكلام ده ادخل يلا انده العروسه عشان ابارك لها واروح 
شادي بزعل تروحي دا ايه انت هتتغدي معنا انهارده 
نانا هو انت شايفني قليلة زوق عشان اتغدي عند عرسان الايام جايه كتير وهتغدي واتعشي وابات كمان ادخل يالا 
شادي وهو يضحك ماشي خلاص يا ستي هدخل ودخل شادي ينادي لعروسته اما نانا بقيت بالشرفه حتي سمعت صوت شادي وهو ينادي عليها 
شادي بسعاده نانا تعالي شوفي حبيبتي وروحي 
دخلت نانا من الشرفه وهيا سعيده وعندما اقتربت من شادي وعروسته تجمدت مكانها وهيا تقول في زهول هيا دي عروستك 
شادي بتعجب نانا مالك فيكي ايه ونظر بتجاه عروسته اذا بها متجمده هيا الاخره وتنظر الي نانا بزهول 
شادي وهو ينظر لهم نانا ليلي في ايه مالكم ايه الي حصل 
نانا باڼهيار ملقتش واحده غير دي تتجوزها الدنيا قفلت في وشك رايح تتجوز اختك 
ابتلع شادي ريقه وقال بزهول اختي ازي اختي اختي يعني ايه لاء لاء لاء انتي فاهمه غلط اكيد مش هيا 
ابتلعت ليلي ريقها وهيا تقول باڼهيار انت اخوهت من الاب يعني انت اخويا بس ازي...... ازي...... لاء لاء اكيد في حاجه غلط لاء نانا مش اختك صح ده مقلب صح هاها رودي يا نانا 
واقتربت من نانا وامسكتها من ذراعها وبدأت تهزها بقوه وتقول وهيا تبكي قولي انه مقلب قولي انه مش اخويا لاء لاء لاء وظلت تصرخ لاء لاء ووقعت في الارض وافجرت في البكاء اقترب شادي من نانا وقال بزهول وهو في حالة اڼهيار اكيد انت فاهمه غلط هيا مش اختي اسمها مفهوش عصمت الناجي يعني ازي لاء لاء انت فاهمه غلط 
نانا پبكاء وهيا مڼهاره امها غيرت اسمها وكتبتها باسم راجل تاني عشان بابا مايعرفش يوصل لها لكن ازي ماخدتش بالها من اسمك ازي ما عرفتش من اسمك في حاجه غلط ايوه في حاجه غلط 
شادي بالم وهو يبكي انا اسمي هنا في اسكنريه شادي شوكت عمي شوكت خلاه اسمي ومحدش يعرف اسم بابا الحقيقي لان حتي في الكروت بتاعتي اسمي شادي شوكت وساعت كتب الكتاب بتبقا الستات في ناحيه والرجاله في ناحيه 
نانا بهستريا لاء لاء لاء انا اكيد بحلم حد يصحيني لاء