رواية ممتعة الفصول من الاول للسابع بقلم الكاتبة الرائعة

هتصحبى عيلة ولا هى من سنك ولا أنتى من سنها يبقى ملهوش لازوم ..فمتكلمهاش عشان متخدش عليكى وتفضل رايحة جاية كده وتعطلك ....
غرام..بنظرة حزن...يا ماما بس البنت بتحبى وبتحب تكلمنى ليه أكسر بخاطرها وهى مش بتقعد كتير يعنى
اكرام.....وقلتلك ايه البت دى لما كانت هنا
غرام بارتباك....هتقول ايه يعنى يا ماما ..عادى .مفيش حاجة
اكرام..بت انتى انا حسة ان فيه حاجة شكلك مش على بعضه كده وعيينك دبلانة من امبارح
غرام....انا يا مامااااااا
اكرام....ايوه قولى يا عين أمك متخبيش عليه حاجة
غرام بخجل....هو فعلا يا ماما عمر طلب ايدى من بابا
اكرام..پغضب ..ايوووه
غرام. ...طيب حضرتك مقلتليش ليه مش ده موضوع يخصنى برده ولا ايه
اكرام..باستنكار...نعم...يخصك ولا ميخصكيش ..هو الموضوع مش مستاهل كلام ..واديكى عرفتى يعنى هيحصل ايه...طلبهم مرفوض ..ازاى جتلهم الجرأة يطلبوا ايديك لابنهم عمر ده حتة نجار لبنتى انا الدكتورة غرام ..
غرام.. بس يا ماما ...
اكرام...بس ايه ....هو انتى ليكى راى غير الرفض
غرام....انا بس بقول عمر شاب كويس واخلاق والشهادة متعيبهوش .المهم انه كويس
اكرام..بغيظ...وايه تانى يا ست غرام ..كويس وايه
وتقرب منها وتشد شعرها وتصرخ وتقول 
هو يا بت فيه حاجة بينك وبين الواد ده
...غرام پألم...يا ماما ...اه ..اه ...اه..مش كده أسمعينى لو سمحتى وافهمينى
انا........انا.... انا ......بحححححححححححبه وموافقة. عليه
اكرام پصدمة...اييييييييييييه
الفصل 2
عمر ..بات ليلته يفكر فى الحسناء التى بنظرة واحدة استولت على عقله وقلبه ويتذكر كلمتها له انه فنان ويبتسم ثم يستسلم اخيرا للنوم فيراها فى احلامه حورية جميلة فى برج عالى بدون اى شىء يستطيع ان يتسلقه ليصل اليها وهى تلوح له من فوق ان يصعد اليها وتنادى عليه ...عمر....عمر....فيحاول مرة ان يتسلق الاحجار وتارة يقع وتارة يحاول مجددا .وينادى...غراااام حبيبتى...حتى افاق على قبلة من اخته الصغرى ذات العاشرة اعوام .واسمها علا .فهى كعادتها ..تقبله وتمرح معه .فهى تحبه جدا لانه حنين جدا عليها ويلعب معها ويشترى لها كل ما تطلبه ويوصلها للمدرسة كل يوم
...علا ...اصحى بقه يا عمر كده هتأخر على المدرسة
عمر..يفرك رأسه ..ويمسح على عينيه من اثر النعاس
....ايوه يا انسة علا ..حاضر هقوم اهو يا ستى..وتسمعه بيكلم نفسه ..مش كنتى سبتينى شوية كمان بحلم كنت قدرت اوصلها فوق ...
علابضحك.. انت بتكلم نفسك ولا ايه يا عمر
عمر..انا...لا لا ...بيتهيألك..روحى يلا حضرى حجتك عقبال مجهز وانزل أوصلك للمدرسة
....وفى الشارع..كانت هدير وغرام يستعدان للركوب مع والدهما التاكسى ليصل احداهما الى الجامعة والثانية الى المدرسة
بهجت..متيجى يا ابنى يا عمر أوصلك انت وعلا لمدرستها
هدير بتأفف ..ايه هو احنا هنقعد جمب الاشكال دى ونزنق ..فسمعتها غرام..وطى صوتك الا يسمعك..وملهم يا ست هدير دول جيرانا ومن حالنا ولا انتى شيفانا يعنى هاى كلاس
هدير...امتى بقه اخرج من الحتة دى واسكن فى حتة انضف وبعيد عن الاشكال دى كلها
غرام ...ربنا يوعدك يا ستى بس متتعاليش على الناس حرام
هدير..اسكتى اسكتى. انتى من يومك غاوية فقر ..
وسكتوا البنات لما سمعوا رد عمر على اباهم
عمر....معلش يا عمى ..الامر مش مستاهل المدرسة قريبة وبنتمشلها كل يوم..فطريق السلامة لحضرتك
ونظر لغرام نظرة ..اشعلت قلبها .وطأطأت رأسها خجلا مع ابتسامة .كادت ان تجعل قلبه يقف 
هدير ..الحمد لله انها جت من عندهم ..بقلك متيجى النهردة بعد الكلية وبابا لما يرجعنا يوصلنا للبوتيك ال على الناصية ده عشان عايزة اشترى كده طقم جديد احضر بيه خطوبة زميلتى فى الكلية ...عشان اخد رئيك فيه قبل مشتريه....ها قلتى أيه
غرام بعدم تركيز...بتقولى حاجة ..مسمعتش
هدير بضحك..ايه كل ال قلته ده ومسمعتيش انتى اطرشتى يا بنتى ولا دماغك فيها ايه بالظبط قوليلى
غرام.. لا لا مفيش حاجة. ...انا قلقانة بس عشان اليومين دول امتحانات الشهر فمش مركزة شوية معلش
هدير...وقلقانة ليه منتى دحيحة مذكرة وديما بتقفلى فى الامتحانات .
غرام..يا ساتر عليكى..قرى فيها بقه
ويركب بهجت...ويقول ..ملكوا يا بنات صوتكم عالى ليه كده
هدير ...مفيش يا بابا..كنت بس عايزة اشترى طقم جديد أحضر بيه فرح زميلتى
بهجت بقلق ..والطقم ده عيزله كام يعنى ان شاءالله
هدير.... يعنى يا بابا يا حبيبى فى حدود ربعمياية كده
بهجت .. ايه كتير اوى ده لطقم واحد بس
هدير بضحك...ده انا هشترى كده ارخص حاجة .يا بابا ..ده الاسعاركلها بقت فوق خالص
بهجت بحزن..بس يبنتى ..انا لسه دافع كل الحجات ال طلبتيها