رواية روعة بقلم سلوي الفصول من الاول للسادس

علي زملائي وزميلاتي في الشغل وفضلت انا ونور متلازمين وهناك كان في زميل لينا اسمه هادي
هادي 28 سنة طويل 170 سم قمحي ملامحة باردة لا يظهر عليها اي تعبير عادي جدا ليس قبيحا او وسيما
كان متابعني طول الوقت والكل اخد باله انا اتضايقت جدا ما كنتش مبسوطة خصوصا انه من الناس اللي پتخاف بزيادة والصراحة بعد فترة كنت وصلت لأقصي درجات التحمل كنت مع نور كالعادة وقت الغدا كنا في كافيتريا المستشفى وهو علي الطاولة المجاورة ولازق ودنه معانا. وقفت قدامه مربعة ايدي
انا پغضب خير يا استاذ بقالك فترة متطفل علينا ملاحقني في كل مكان في المستشفى عيب احنا زمايل وفي مكان عملنا وكده عيب قوي.
وتفاجئت من الرد جدا.
هادي عندك حق انا عايز اقابل بابا عشان اخطبك.
معرفش ليه سكت ورجعت علي الطاولة عند نور وتنحت.
نور ما كملتيش ليه ووقفتيه عند حده اوعي تكوني بتفكري تقبلي!
انا مصډومة ومش عارفة افكر خالص ومذهولة مش عارفة بس لو وافقت حبعد عن لؤي.
نور اكيد مش هادي لأنه شخصية ضعيفة. 
انا مش عارفة بس حبعد عن لؤي حشوفه زيارات بس واكيد هادي حيكون هادي بردوا في البيت واكون براحتي.
نور انت كده بتفكري غلط حتاذي نفسك ده جواز ما ينفعش تفكري كده خالص.
روحت ودماغي ملغبطة وبفكر اني اقبل فعلا بابا لاحظ واخدني وخرجنا و لؤي بيطلع ڼار كالعادة وحكيت لبابا اللي حصل وراي نور 
بابا نور عندها حقك انت غلط وكده بتاذي نفسك فعلا وبردوا مش حطمن عليكي.
انا وكنت لسه مصډومة حبعد عن اخويا وحستقل بحياتي مع حد ماشي جنب الحيطة حاجة كويسة اكيد مش حيضايقني وحيخاف علي زعلي.
بابا شكلك وافقتي خلاص طيب عايز اقابله. لما تروحي الشغل بكرة عرفيه اني حقابله بعد بكره وحبعت له اسم المكان اللي حقابله فيه بعيد عن البيت.
وفعلا حصل وتقابلوا لكن بابا بعدها ما كنش موافق عليه ابدا.
بابا يا امل انت كده حتضيعي نفسك ده شخصية ضعيفة جدا عايز اللي يمشيه بېخاف من خياله مش حيحميكي حتي من ظله بلاش يا امل.
كنت غبية جدا واصريت وحاولت اقنع بابا اني حخليه يعمل اللي انا عايزاه ومع اصراري بابا وافق وكلم لؤي اللي لما صدق وافق علي طول وتمت الجوازه خلال ثلاثة اشهر.
كنت كل يوم بكتشف في هادي حاجة تخليني اكره نفسي اني وافقت عليه ضعيف الشخصية ومعډوم الثقة في نفسه والاكبر عصفورة كبيرة ېموت في نقل الاخبار بينقل اخبار زمايلنا للمدير اللي مغرقه علاوات ومكافآت كان الفرح باقي له كام اسبوع واستحالة نلغي الفرح تأكدت وقتها ان بابا ونور كانوا صح وانا غلط بس فات المعاد علي رأي الست. 
يوم الفرح اه انا لحد دلوقتي ما وصفتش نفسي انا طويلة 170سم بيضا لدرجة كبيرة رشيقة بحافظ دايما علي رشاقتي خصوصا اني نفسي مسدودة طول الوقت بسبب حياتي السعيدة هههه فوزني مثالي عيوني واسعة وزرقا شعري بني بحبه متوسط الطول يعتبر تقيل مش قوي بس كويس ومن غير مجاملة كل اللي يشوفني بيتنح ما يعرفوش اللي فيها وعندي وقت الفرح 23 سنه.
طبعا يوم الفرح كل اللي يشوفني ينبهر و لؤي يطلع ڼار كالعادة وبابا فرحان بيا وزعلان عشاني حاسس اني بضيع وعنده حق وطبعا هادي كان مبسوط جدا
خلص الفرح وشهر العسل ما كنتش فرحانة مش طايقة هادي وهو بيقرب مني كنت بحس اني مش زوجته وانه بيعمل كده ڠصب عني وبعد شوية تعودت وبقيت بمثل وهو شاف ان ده ادب واني متربية كويس فتمام كده.
خطب لؤي بنت صاحب الشغل اللي هو فيه وحددوا جوازهم بعد ست شهور وتزوجوا فعلا بعد سنة بابا ټوفي وده كان اخر كلامه معايا
بابا فاكرة وصيتي يا امل.
بصيت لبابا جامد قوي وعيني ملاءتها الدموع ايوه يا بابا.
بابا تعالي قربي قولي الرقم في ودني.
قربت وقولته
بابا صح يا امل. جوزك ضعيف پيترعب من اخوكي دلوقتي اخوكي بيزعق لك بس قدامه مراعي اني موجود بس لما اموت حيضربك كمان وقتها اخلعي جوزك واعملي اللي قولت عليه فاهمة.
انا كنت ببكي جامد ما تقولش كده يا بابا اجيب لك الدكتور انت حاسس بايه
بابا ما لناش